ຕາມຂ່າວCRI: ຕອນຄ່ຳວັນທີ 12 ສິງຫານີ້ຕາມເວລາທ້ອງຖິ່ນ, ງານກິລາໂອລິມປິກລະດູຮ້ອນຄັ້ງທີ 30 ໄດ້ອັດລົງຢູ່ລອນດອນ. ນັກກິລາໝື່ນກວ່າຄົນທີ່ມາຈາກ 204 ສະມາຊິກຂອງຄະນະກຳມະການໂອລິມປິກສາກົນໄດ້ເຂົ້າຮ່ວມງານກິລາໂອລິມປິກເທື່ອນີ້. ອາເມລິກາເປັນອັນດັບທີໜຶ່ງໃນຕາຕະລາງສະຫຼຸບຫຼຽນ, ຈີນເປັນອັນດັບທີສອງແລະອັງກິດເປັນອັນດັບທີສາມ. ງານກິລາໂອລິມປິກເທື່ອນີ້ໄດ້ບັນລຸລາຍການແຂ່ງຂັນທັງໝົດທີ່ລ້ວນແລ້ວແຕ່ມີນັກກິລາເພດຍິງເຂົ້າຮ່ວມການແຂ່ງຂັນ, ກາຕາ, ອາຣາບີຊາອູດິດແລະບຼູໄນເປັນຕົ້ນໄດ້ສົ່ງນັກກິລາເພດຍິງເຂົ້າຮ່ວມງານກິລາໂອລິມປິກເປັນຄັ້ງທຳອິດ.
ໃນງານກິລາໂອລິມປິກລອນດອນເທື່ອນີ້, ຄະນະນັກກິລາຈີນໄດ້ຫຼຽນຄຳ 38 ຫຼຽນ, ຫຼຽນເງິນ 27 ຫຼຽນແລະຫຼຽນທອງ 22 ຫຼຽນ, ລວມທັງໝົດໄດ້ຫຼຽນລາງວັນ 87 ຫຼຽນ, ເປັນອັນດັບທີສອງໃນຕາຕະລາງສະຫຼຸບຫຼຽນຄຳແລະອັນດັບທີສອງໃນຕາຕະລາງສະຫຼຸບຫຼຽນ, ໄດ້ສ້າງສະຖິຕິດີທີ່ສຸດຂອງຈີນທີ່ເຂົ້າຮ່ວມງານກິລາໂອລິມປິກທີ່ຈັດຂຶ້ນຢູ່ຕ່າງປະເທດ. ນັກກິລາຈີນໄດ້ມ້າງສະຖິຕິໂລກແລະມ້າງສະຖິຕິຂອງງານກິລາໂອລິມປິກແນວລະ 6 ລາຍການ.
ວັນທີ 12 ສິງຫານີ້, ທ່ານຣ໋ອກກໍ໌, ປະທານຄະນະກຳມະການໂອລິມປິກສາກົນກ່າວວ່າ, ງານກິລາໂອລິມປິກລອນດອນໄດ້ມ້າງສະຖິຕິໂລກໃນ 44 ລາຍການແລະໄດ້ມ້າງສະຖິຕິຂອງງານກິລາໂອລິມໃນ 117 ລາຍການ, ໄດ້ສ້າງປະຫວັດສາດໃໝ່. ນີ້ແມ່ນງານກິລາໂອລິມປິກຄັ້ງໜຶ່ງທີ່ມ່ວນຊື່ນແລະແລະມີກຽດ.
ຕອນຄ່ຳວັນທີ 12 ສິງຫານີ້, ທວນໄຟຂອງງານກິລາໂອລິມປິກລອນດອນໄດ້ມອດລົງພາຍຫຼັງການສະແດງຂະໜາດໃຫຍ່ທີ່ຊື່ວ່າ"ດົນຕີປະສານສຽງອັງກິດ". ງານກິລາໂອລິມປິກລະດູຮ້ອນຄັ້ງທີ 31 ຈະຈັດຂຶ້ນຢູ່ຣີໂອເດີຈານີໂຣປະເທດເບຼຊີນໃນປີ 2016
© China Radio International.CRI. All Rights Reserved. 16A Shijingshan Road, Beijing, China. 100040 |