ກະຊວງການຕ່າງປະເທດຈີນກ່າວປະທ້ວງຢ່າງຮຸນແຮງຕໍ່ພວກຝ່າຍຂວາຍີ່ປຸ່ນຂຶ້ນເກາະຕ້ຽວອີ
(GMT+08:00) 2012-08-20 16:03:16 cri
ວັນທີ19ສິງຫານີ້,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຈີນສະແດງການປະທ້ວງຢ່າງຮຸນແຮງຕໍ່ພວກຝ່າຍຂວາຍີ່ປຸ່ນທີ່ຂຶ້ນເກາະຕ້ຽວອີແລະທວງໃຫ້ຍີ່ປຸ່ນຢຸດຕິການກະທຳທີ່ທຳລາຍສິດອຳນາດອະທິປະໄຕທາງດ້ານດິນແດນຂອງຈີນ.
ຕາມຂ່າວລາຍງານວ່າ:ສະມາຊິກລັດຖະສະພາຍີ່ປຸ່ນແລະສະມາຊິກອົງການຈັດຕັ້ງຝ່າຍຂວາຂອງຍີ່ປຸ່ນຈຳນວນ150ຄົນໄດ້ເດີນທາງໄປເກາະຕ້ຽວອີແລະຈັດກິດຈະກຳທີ່ວ່າ"ປອບວິນຍານ",ໃນນັ້ນ,ມີ10ຄົນໄດ້ຂຶ້ນເກາະ.
ທ່ານຊິນກ່າງກ່າວວ່າ:ການກະທຳທີ່ຜິດກົດໝາຍຂອງພວກຝ່າຍຂວາຍີ່ປຸ່ນໄດ້ລ່ວງລ້ຳສິດອຳນາດອະທິປະໄຕທາງດ້ານດິນແດນຂອງຈີນ.ເຈົ້າໜ້າທີ່ກະຊວງການຕ່າງປະເທດຈີນໄດ້ປະທ້ວງຢ່າງຈິງຈັງແລະຮຸນແຮງຕໍ່ເອກອັກຄະລັດຖະທູດຍີ່ປຸ່ນປະຈຳຈີນແລະທວງໃຫ້ຍີ່ປຸ່ນຢຸດຕິການກະທຳທີ່ທຳລາຍສິດອຳນາດອະທິປະໄຕທາງດ້ານດິນແດນຂອງຈີນ.ທ່ານຊິນກ່າງກ່າວວ່າ:ຍີ່ປຸ່ນຄວນແກ້ໄຂບັນຫາໃນປະຈຸບັນຢ່າງຈິງຈັງ,ຫຼີກເວັ້ນບໍ່ໃຫ້ກະທົບກະເທືອນເຖິງການພົວພັນລະຫວ່າງຈີນຍີ່ປຸ່ນໃຫ້ຮ້າຍແຮງລົງໄປອີກ.
ວັນທີ19ສິງຫານີ້,ທ່ານເສິງຢົງຮວາ ເອກອັກຄະລັດຖະທູດຈີນປະຈຳຍີ່ປຸ່ນໄດ້ຕໍ່ວ່າທັກທ້ວງຢ່າງຈິງຈັງຕໍ່ເຈົ້າໜ້າທີ່ກະຊວງການຕ່າງປະເທດຍີປຸ່ນໂດຍປະທ້ວງຢ່າງຮຸນແຮງກ່ຽວກັບພວກຝ່າຍຂວາຍີ່ປຸ່ນເຂົ້າສູ່ເຂດທະເລເກາະຕ້ຽວອີແລະຂຶ້ນເກາະຢ່າງຜິດກົດໝາຍ.ທ່ານເສິງຢົງຮວາກ່າວຢ້ຳວ່າເກາະຕ້ຽວອີແມ່ນດິນແດນຂອງຈີນມາແຕ່ບູຮານນະການ,ຈີນຮຽກຮ້ອງໃຫ້ຍີປຸ່ນຢຸດຕິການກະທຳທີ່ທຳລາຍສິດອຳນາດອະທິປະໄຕທາງດ້ານດິນແດນ,ປົກປັກຮັກສາການພົວພັນລະຫວ່າງຈີນຍີ່ປຸ່ນ.
ຕາມຂ່າວລາຍງານວ່າ:ສະມາຊິກລັດຖະສະພາຍີ່ປຸ່ນແລະສະມາຊິກອົງການຈັດຕັ້ງຝ່າຍຂວາຂອງຍີ່ປຸ່ນຈຳນວນ150ຄົນໄດ້ເດີນທາງໄປເກາະຕ້ຽວອີແລະຈັດກິດຈະກຳທີ່ວ່າ"ປອບວິນຍານ",ໃນນັ້ນ,ມີ10ຄົນໄດ້ຂຶ້ນເກາະ.
ທ່ານຊິນກ່າງກ່າວວ່າ:ການກະທຳທີ່ຜິດກົດໝາຍຂອງພວກຝ່າຍຂວາຍີ່ປຸ່ນໄດ້ລ່ວງລ້ຳສິດອຳນາດອະທິປະໄຕທາງດ້ານດິນແດນຂອງຈີນ.ເຈົ້າໜ້າທີ່ກະຊວງການຕ່າງປະເທດຈີນໄດ້ປະທ້ວງຢ່າງຈິງຈັງແລະຮຸນແຮງຕໍ່ເອກອັກຄະລັດຖະທູດຍີ່ປຸ່ນປະຈຳຈີນແລະທວງໃຫ້ຍີ່ປຸ່ນຢຸດຕິການກະທຳທີ່ທຳລາຍສິດອຳນາດອະທິປະໄຕທາງດ້ານດິນແດນຂອງຈີນ.ທ່ານຊິນກ່າງກ່າວວ່າ:ຍີ່ປຸ່ນຄວນແກ້ໄຂບັນຫາໃນປະຈຸບັນຢ່າງຈິງຈັງ,ຫຼີກເວັ້ນບໍ່ໃຫ້ກະທົບກະເທືອນເຖິງການພົວພັນລະຫວ່າງຈີນຍີ່ປຸ່ນໃຫ້ຮ້າຍແຮງລົງໄປອີກ.
ວັນທີ19ສິງຫານີ້,ທ່ານເສິງຢົງຮວາ ເອກອັກຄະລັດຖະທູດຈີນປະຈຳຍີ່ປຸ່ນໄດ້ຕໍ່ວ່າທັກທ້ວງຢ່າງຈິງຈັງຕໍ່ເຈົ້າໜ້າທີ່ກະຊວງການຕ່າງປະເທດຍີປຸ່ນໂດຍປະທ້ວງຢ່າງຮຸນແຮງກ່ຽວກັບພວກຝ່າຍຂວາຍີ່ປຸ່ນເຂົ້າສູ່ເຂດທະເລເກາະຕ້ຽວອີແລະຂຶ້ນເກາະຢ່າງຜິດກົດໝາຍ.ທ່ານເສິງຢົງຮວາກ່າວຢ້ຳວ່າເກາະຕ້ຽວອີແມ່ນດິນແດນຂອງຈີນມາແຕ່ບູຮານນະການ,ຈີນຮຽກຮ້ອງໃຫ້ຍີປຸ່ນຢຸດຕິການກະທຳທີ່ທຳລາຍສິດອຳນາດອະທິປະໄຕທາງດ້ານດິນແດນ,ປົກປັກຮັກສາການພົວພັນລະຫວ່າງຈີນຍີ່ປຸ່ນ.
