ນັກວິຊາການຈີນທີ່ກັບມາຈາກຕ່າງປະເທດກ່າວວ່າ ແຜນທີ່ຍີ່ປຸ່ນ 100 ປີກ່ອນຢືນຢັນວ່າເກາະຕ້ຽວຢູແມ່ນຂຶ້ນກັບຈີນ
ຫວ່າງກ່ອນນີ້ບໍ່ດົນ,ທ່ານເຈິ້ງໄຫຫຼິນ,ນັກວິຊາການຈີນທີ່ເຄີຍໄປຮຽນແລະຄົ້ນຄວ້າຢູ່ຍີ່ປຸ່ນກ່າວວ່າ,ໃນ《ແຜນທີ່ຍີ່ປຸ່ນ》ສະບັບປີ 1876 ທີ່ທ່ານຊື້ໄວ້ໃນໄລຍະຮຽນຢູ່ຍີ່ປຸ່ນ,ບໍ່ມີເກາະຕ້ຽວຢູແລະເກາະດອນຕ່າງໆທີ່ຢູ່ໃກ້,ນີ້ໄດ້ຢັ້ງຢືນໃຫ້ເຫັນວ່າ,ເກາະຕ້ຽວຢູແລະເກາະດອນຕ່າງໆທີ່ຢູ່ໃກ້ແມ່ນດິນແດນຂອງຈີນແທ້ໆ.
ໃນຕົ້ນຊຸມປີ 1990,ທ່ານເຈິ້ງໄຫຫຼິນເຄີຍໄປຮຽນແລະຄົ້ນຄວ້າວິຊາປະຫວັດສາດແລະກົດໝາຍສາກົນຢູ່ຍີ່ປຸ່ນ.ໃນໄລຍະຢູ່ຍີ່ປຸ່ນ,ທ່ານເຈິ້ງໄຫຫຼິນໄດ້ຊື້《ແຜນທີ່ຍີ່ປຸ່ນ》ສະບັບປີ 1876 ທີ່ແຕ້ມແລະພິມໂດຍກົມເສນາທິການກອງທັບບົກຍີ່ປຸ່ນຢູ່ຮ້ານຂາຍປື້ມເກົ່າແຫ່ງໜຶ່ງ.ແຜນທີ່ດັ່ງກ່າວຍາວ 1 ແມັດ 31 ຊັງຕີແມັດ,ກວ້າງ 1 ແມັດ 16 ຊັງຕີແມັດ,ແມ່ນຄວັດໃສ່ແຜ່ນທອງແລ້ວພິມອອກດ້ວຍນ້ຳໝຶກ.
ທ່ານເຈິ້ງໄຫຫຼິນກ່າວວ່າ,ໃນແຜນທີ່ສະບັບນີ້,ບໍ່ມີເກາະຕ້ຽວຢູແລະເກາະດອນຕ່າງໆທີ່ຢູ່ໃກ້.ຕາມກົດໝາຍສາກົນ,ແຜນທີ່ທາງການທີ່ປະເທດໃດໜຶ່ງໄດ້ປະກາດນັ້ນ,ມີຜົນສັກສິດທາງດ້ານກົດໝາຍສາກົນໃນດ້ານດິນແດນແຫ່ງຊາດ.ແຜນທີ່ສະບັບນີ້ໄດ້ຢືນຢັນວ່າ,ເກາະຕ້ຽວຢູແລະເກາະດອນຕ່າງໆທີ່ຢູ່ໃກ້ແມ່ນດິນແດນຂອງຈີນມາແຕ່ບູຮານນະການ,ບໍ່ແມ່ນ"ດິນແດນຂອງຍີ່ປຸ່ນ"ຢ່າງເດັດຂາດ.
