5ປະເທດອາຊຽນຈະສ້າງສະຫະພັນສົ່ງອອກເຂົ້າ
(GMT+08:00) 2012-08-24 14:12:32 cri
ໜັງສືພິມບາງກອກໂພສສະບັບວັນທີ23ລາຍງານວ່າ:5ປະເທດອາຊຽນຄືໄທ,ຫວຽດນາມ,ກຳປູເຈຍ,ມຽນມາແລະລາວຈະລົງນາມໃນສັນຍາໃນທ້າຍປີນີ້ເພື່ອສ້າງສະຫະພັນສົ່ງອອກເຂົ້າຂອງອາຊຽນ.ຊຶ່ງມີຈຸດປະສົງເພື່ອເພີ່ມທະວີການຮ່ວມມືລະຫວ່າງປະເທດທີ່ກ່ຽວຂ້ອງ,ຍົກສູງລາຄາເຂົ້າແລະເພີ່ມລາຍໄດ້ຈາກການສົ່ງອອກ.
ໄທເປັນຜູ່ສະເໜີໃຫ້ສ້າງຕັ້ງອົງການປະເທດສົ່ງອອກເຂົ້າຢູ່ທີ່ກອງປະຊຸມລັດຖະມົນຕີການຄ້າອາຊຽນທີ່ຈັດຂຶ້ນໃນເດືອນພຶດສະພາປີນີ້,ຊຶ່ງໄທສະເໜີໃຫ້ຮ່ວມກັບຫວຽດນາມ,ກຳປູເຈຍ,ລາວແລະມຽນມາສ້າງຕັ້ງອົງການທີ່ຄ້າຍຄືກັບອົງການໂອເປັກຄືອົງການປະເທດສົ່ງອອກເຂົ້າຫຼືOREC,ຊຶ່ງມີຈຸດປະສົງເພື່ອປົກປ້ອງຜົນປະໂຫຍດຂອງຕົນພາຍໃຕ້ສະພາບທີ່ລາຄາເຂົ້າໃນສາກົນຖີບຕົວສູງຂຶ້ນຢ່າງວ່ອງໄວ.ຕາມສະຖິຕິ,ໃນປີ2007,5ປະເທດອາຊຽນດັ່ງກ່າວໄດ້ສົ່ງອອກເຂົ້າກວມຍອດປະລິມານສົ່ງອອກໃນທົ່ວໂລກເຖິງ49,2%.
ຂໍ້ສະເໜີຂອງໄທໄດ້ຮັບຄວາມເຫັນດີຈາກຫວຽດນາມ,ລາວ,ກຳປູເຈຍແລະມຽນມາ,ແຕ່ກໍ່ໄດ້ມີການຖົກຖຽງກັນບາງຢ່າງ.ຟີລິບປິນທີ່ເປັນປະເທດນຳເຂົ້າເຂົ້າເຫັນວ່າ"ອົງການປະເທດສົ່ງອອກເຂົ້າ"ບໍ່ພຽງແຕ່ບໍ່ສາມາດແກ້ໄຂວິກິດການພືດພັນທັນຍາຫານຂອງໂລກເທົ່ານັ້ນ,ກົງກັນຂ້າມຈະເຮັດໃຫ້ບັນຫາຄວາມອຶດຫິວແລະຄວາມທຸກຍາກໜັກໜ່ວງຂຶ້ນຕື່ມອີກ.
ແຕ່ວ່າທ່ານຈ່ວງຈ້ຽນ ນັກເສດຖະສາດລະດັບສູງຂອງທະນາຄານພັດທະນາອາຊີຫຼືADBວິເຄາະວ່າ,ຕາມປະເທດສຳຄັນທີ່ສົ່ງອອກເຂົ້າເຫັນວ່າ,ການສ້າງຕັ້ງອົງການORECມີເຫດຜົນໃນລະດັບໃດໜຶ່ງຄືພາຍໃຕ້ສະພາບທີ່ລາຄາເຂົ້າຢູ່ໃນລະດັບຕ່ຳມາເປັນໄລຍະຍາວນານ,ການບໍລິໂພກເພີ່ມຂຶ້ນແລະການນຳໃຊ້ພະລັງງານຊີວະພາບເຮັດໃຫ້ຄວາມຕ້ອງການເພີ່ມຂຶ້ນຢ່າງຫຼວງຫຼາຍ,ປະຈຸບັນ,ພືດພັນທັນຍາອາຫານໄດ້ກາຍເປັນຊັບພະຍາກອນອັນລ້ຳຄ່າຂອງໂລກ,ປະເທດສຳຄັນໃນການສົ່ງອອກເຂົ້າປະກອບເປັນສະຫະພັນໃນການຄວບຄຸມປະລິມານການຜະລິດແລະລາຄາ,ຈຸດປະສົງແມ່ນເພື່ອຮັບປະກັນໃຫ້ເຂົາເຈົ້າໄດ້ຮັບຜົນປະໂຫຍດຫຼາຍທີ່ສຸດໃນລະບົບການຄ້າທົ່ວໂລກ.
ທ່ານຈ່ວງຈ້ຽນກ່າວຕື່ມວ່າ, ORECຢາກມີຖານະບົດບາດຄືໂອເປັກບໍ່ແມ່ນເລື່ອງງ່າຍ.ເພາະວ່າການຄວບຄຸມປະລິມານການສະໜອງເຂົ້າມີຄວາມຫຍຸ້ງຍາກຫຼາຍ,ຊາວກະສິກອນເປັນໝື່ນເປັນລ້ານຄົນປູກເຂົ້າແບບກະຈັດກະຈາຍ,ແຕ່ນ້ຳມັນເຊື້ອໄຟແມ່ນບໍລິສັດຂ້າມຊາດຫຼາຍແຫ່ງຜະລິດຢູ່ໃນພຽງບໍ່ເທົ່າໃດປະເທດເທົ່ານັ້ນ,ORECຍາກທີ່ຈະຄວບຄຸມການຜະລິດຂອງຊາວກະສິກອນ.
ສ່ວນທ່ານຮຸນແຊນ ນາຍົກລັດຖະມົນຕີກຳປູເຈຍກ່າວວ່າ,ພວກຂ້າພະເຈົ້າຈະບໍ່ກັກຕຸນເຂົ້າຫຼືຂຶ້ນລາຄາເຂົ້າໃນເວລາຂາດເຂີນເຂົ້າໃນຕະຫຼາດ,ສິ່ງທີ່ພວກເຮົາຄວນເຮັດນັ້ນແມ່ນຮັບປະກັນໃຫ້ມີພືດພັນທັນຍາຫານຢ່າງພຽງພໍ,ພ້ອມທັງຊ່ວຍປະສານງານແກ້ໄຂບັນຫາຂາດເຂີນເຂົ້າໃນທົ່ວພາກພື້ນກໍ່ຄືໃນທົ່ວໂລກ.
ໄທເປັນຜູ່ສະເໜີໃຫ້ສ້າງຕັ້ງອົງການປະເທດສົ່ງອອກເຂົ້າຢູ່ທີ່ກອງປະຊຸມລັດຖະມົນຕີການຄ້າອາຊຽນທີ່ຈັດຂຶ້ນໃນເດືອນພຶດສະພາປີນີ້,ຊຶ່ງໄທສະເໜີໃຫ້ຮ່ວມກັບຫວຽດນາມ,ກຳປູເຈຍ,ລາວແລະມຽນມາສ້າງຕັ້ງອົງການທີ່ຄ້າຍຄືກັບອົງການໂອເປັກຄືອົງການປະເທດສົ່ງອອກເຂົ້າຫຼືOREC,ຊຶ່ງມີຈຸດປະສົງເພື່ອປົກປ້ອງຜົນປະໂຫຍດຂອງຕົນພາຍໃຕ້ສະພາບທີ່ລາຄາເຂົ້າໃນສາກົນຖີບຕົວສູງຂຶ້ນຢ່າງວ່ອງໄວ.ຕາມສະຖິຕິ,ໃນປີ2007,5ປະເທດອາຊຽນດັ່ງກ່າວໄດ້ສົ່ງອອກເຂົ້າກວມຍອດປະລິມານສົ່ງອອກໃນທົ່ວໂລກເຖິງ49,2%.
ຂໍ້ສະເໜີຂອງໄທໄດ້ຮັບຄວາມເຫັນດີຈາກຫວຽດນາມ,ລາວ,ກຳປູເຈຍແລະມຽນມາ,ແຕ່ກໍ່ໄດ້ມີການຖົກຖຽງກັນບາງຢ່າງ.ຟີລິບປິນທີ່ເປັນປະເທດນຳເຂົ້າເຂົ້າເຫັນວ່າ"ອົງການປະເທດສົ່ງອອກເຂົ້າ"ບໍ່ພຽງແຕ່ບໍ່ສາມາດແກ້ໄຂວິກິດການພືດພັນທັນຍາຫານຂອງໂລກເທົ່ານັ້ນ,ກົງກັນຂ້າມຈະເຮັດໃຫ້ບັນຫາຄວາມອຶດຫິວແລະຄວາມທຸກຍາກໜັກໜ່ວງຂຶ້ນຕື່ມອີກ.
ແຕ່ວ່າທ່ານຈ່ວງຈ້ຽນ ນັກເສດຖະສາດລະດັບສູງຂອງທະນາຄານພັດທະນາອາຊີຫຼືADBວິເຄາະວ່າ,ຕາມປະເທດສຳຄັນທີ່ສົ່ງອອກເຂົ້າເຫັນວ່າ,ການສ້າງຕັ້ງອົງການORECມີເຫດຜົນໃນລະດັບໃດໜຶ່ງຄືພາຍໃຕ້ສະພາບທີ່ລາຄາເຂົ້າຢູ່ໃນລະດັບຕ່ຳມາເປັນໄລຍະຍາວນານ,ການບໍລິໂພກເພີ່ມຂຶ້ນແລະການນຳໃຊ້ພະລັງງານຊີວະພາບເຮັດໃຫ້ຄວາມຕ້ອງການເພີ່ມຂຶ້ນຢ່າງຫຼວງຫຼາຍ,ປະຈຸບັນ,ພືດພັນທັນຍາອາຫານໄດ້ກາຍເປັນຊັບພະຍາກອນອັນລ້ຳຄ່າຂອງໂລກ,ປະເທດສຳຄັນໃນການສົ່ງອອກເຂົ້າປະກອບເປັນສະຫະພັນໃນການຄວບຄຸມປະລິມານການຜະລິດແລະລາຄາ,ຈຸດປະສົງແມ່ນເພື່ອຮັບປະກັນໃຫ້ເຂົາເຈົ້າໄດ້ຮັບຜົນປະໂຫຍດຫຼາຍທີ່ສຸດໃນລະບົບການຄ້າທົ່ວໂລກ.
ທ່ານຈ່ວງຈ້ຽນກ່າວຕື່ມວ່າ, ORECຢາກມີຖານະບົດບາດຄືໂອເປັກບໍ່ແມ່ນເລື່ອງງ່າຍ.ເພາະວ່າການຄວບຄຸມປະລິມານການສະໜອງເຂົ້າມີຄວາມຫຍຸ້ງຍາກຫຼາຍ,ຊາວກະສິກອນເປັນໝື່ນເປັນລ້ານຄົນປູກເຂົ້າແບບກະຈັດກະຈາຍ,ແຕ່ນ້ຳມັນເຊື້ອໄຟແມ່ນບໍລິສັດຂ້າມຊາດຫຼາຍແຫ່ງຜະລິດຢູ່ໃນພຽງບໍ່ເທົ່າໃດປະເທດເທົ່ານັ້ນ,ORECຍາກທີ່ຈະຄວບຄຸມການຜະລິດຂອງຊາວກະສິກອນ.
ສ່ວນທ່ານຮຸນແຊນ ນາຍົກລັດຖະມົນຕີກຳປູເຈຍກ່າວວ່າ,ພວກຂ້າພະເຈົ້າຈະບໍ່ກັກຕຸນເຂົ້າຫຼືຂຶ້ນລາຄາເຂົ້າໃນເວລາຂາດເຂີນເຂົ້າໃນຕະຫຼາດ,ສິ່ງທີ່ພວກເຮົາຄວນເຮັດນັ້ນແມ່ນຮັບປະກັນໃຫ້ມີພືດພັນທັນຍາຫານຢ່າງພຽງພໍ,ພ້ອມທັງຊ່ວຍປະສານງານແກ້ໄຂບັນຫາຂາດເຂີນເຂົ້າໃນທົ່ວພາກພື້ນກໍ່ຄືໃນທົ່ວໂລກ.
