ຈີນເດັດດ່ຽວຄັດຄ້ານການກະທຳທີ່ເຮັດໃຫ້ສະຖານະການໃນພາກພື້ນເຄັ່ງຕຶງຂຶ້ນ
(GMT+08:00) 2012-08-30 17:46:43 cri
ໃນງານຖະແຫຼງຂ່າວຂອງກະຊວງປ້ອງກັນປະເທດຈີນໃນວັນທີ30ສິງຫານີ້ຢູ່ນະຄອນຫຼວງປັກກິ່ງ,ທ່ານພັນເອກເກິງຢ້ຽນເສິ່ງ ໂຄສົກກະຊວງປ້ອງກັນປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບເຈົ້າໜ້າທີ່ທະຫານຈີນມີຄຳວິຈານແນວໃດຕໍ່ການຊ້ອມຮົບຮ່ວມໃນການຍາດເອົາເກາະທີ່ອາເມລິກາແລະຍີ່ປຸ່ນດຳເນີນ.ທ່ານເກິງຢ້ຽນເສິ່ງກ່າວວ່າ:ການກະທຳທີ່ຕັ້ງໃຈເນັ້ນໜັກໃສ່ຄວາມປອດໄພທາງການທະຫານ,ເຮັດໃຫ້ສະຖານະການໃນພາກພື້ນເຄັ່ງຕຶງຂຶ້ນກວ່າເກົ່ານັ້ນບໍ່ມີຜົນດີຕໍ່ການຊຸກຍູ້ຄວາມໄວ້ເນື້ອເຊື່ອໃຈກັນທາງດ້ານຄວາມປອດໄພລະຫວ່າງປະເທດໃນພາກພື້ນແຫ່ງນີ້,ແລະບໍ່ສອດຄ່ອງກັບກະແສຍຸກສະໄໝແຫ່ງການພັດທະນາການຮ່ວມມືເພື່ອສັນຕິພາບ,ພວກຂ້າພະເຈົ້າເດັດດ່ຽວຄັດຄ້ານການກະທຳດັ່ງກ່າວ.
ທ່ານເກິງຢ້ຽນເສິ່ງກ່າວວ່າ:ພວກຂ້າພະເຈົ້າໄດ້ສັງເກດເຫັນວ່າ,ປະເທດທີ່ກ່ຽວຂ້ອງຈັດການຊ້ອມຮົບປະເພດຕ່າງໆໃນພາກພື້ນອາຊີປາຊີຟິກເລື້ອຍໆ,ຕໍ່ເລື່ອງນີ້,ຈີນກ່າວເນັ້ນວ່າການປົກປັກຮັກສາສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນອາຊີປາຊີຟິກແມ່ນສອດຄ່ອງກັບຜົນປະໂຫຍດຮ່ວມຂອງປະເທດຕ່າງໆ.
ກອງປ້ອງກັນຕົວທາງບົກຂອງຍີ່ປຸ່ນແລະກອງພົນນ້ອຍທະຫານເຮືອອາເມລິກາໄດ້ດຳເນີນການຊ້ອມຮົບຮ່ວມປ້ອງກັນເກາະດອນຢູ່ເກາະກວານແລະເກາະທິນຽນແຕ່ວັນທີ21ສິງຫາເຖິງວັນທີ26ກັນຍາໜ້ານີ້.ນີ້ແມ່ນເທື່ອທຳອິດທີ່ຍີ່ປຸ່ນແລະອາເມລິກາຈັດການຊ້ອມຮົບຢູ່ເກາະດອນ.ນັກວິເຄາະເຫັນວ່າ,ການຊ້ອມຮົບປ້ອງກັນເກາະດອນຂອງອາເມລິກາແລະຍີ່ປຸ່ນໃນເທື່ອນີ້ແມ່ນມີຂຶ້ນພາຍໃຕ້ສະພາບທີ່ມີຄວາມຂັດແຍ່ງກ່ຽວກັບເກາະຕ້ຽວອີລະຫວ່າງຈີນຍີ່ປຸ່ນນັບມື້ນັບຮຸນແຮງຂຶ້ນ,ຊຶ່ງຈະເຮັດໃຫ້ສະຖານະການອັນເຄັ່ງຕຶງໃນພາກພື້ນນີ້ມີຄວາມຮຸນແຮງຂຶ້ນກວ່າເກົ່າຊຶ່ງຈະບໍ່ເປັນຜົນດີຕໍ່ທັງສອງຝ່າຍ.
ທ່ານເກິງຢ້ຽນເສິ່ງກ່າວວ່າ:ພວກຂ້າພະເຈົ້າໄດ້ສັງເກດເຫັນວ່າ,ປະເທດທີ່ກ່ຽວຂ້ອງຈັດການຊ້ອມຮົບປະເພດຕ່າງໆໃນພາກພື້ນອາຊີປາຊີຟິກເລື້ອຍໆ,ຕໍ່ເລື່ອງນີ້,ຈີນກ່າວເນັ້ນວ່າການປົກປັກຮັກສາສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນອາຊີປາຊີຟິກແມ່ນສອດຄ່ອງກັບຜົນປະໂຫຍດຮ່ວມຂອງປະເທດຕ່າງໆ.
ກອງປ້ອງກັນຕົວທາງບົກຂອງຍີ່ປຸ່ນແລະກອງພົນນ້ອຍທະຫານເຮືອອາເມລິກາໄດ້ດຳເນີນການຊ້ອມຮົບຮ່ວມປ້ອງກັນເກາະດອນຢູ່ເກາະກວານແລະເກາະທິນຽນແຕ່ວັນທີ21ສິງຫາເຖິງວັນທີ26ກັນຍາໜ້ານີ້.ນີ້ແມ່ນເທື່ອທຳອິດທີ່ຍີ່ປຸ່ນແລະອາເມລິກາຈັດການຊ້ອມຮົບຢູ່ເກາະດອນ.ນັກວິເຄາະເຫັນວ່າ,ການຊ້ອມຮົບປ້ອງກັນເກາະດອນຂອງອາເມລິກາແລະຍີ່ປຸ່ນໃນເທື່ອນີ້ແມ່ນມີຂຶ້ນພາຍໃຕ້ສະພາບທີ່ມີຄວາມຂັດແຍ່ງກ່ຽວກັບເກາະຕ້ຽວອີລະຫວ່າງຈີນຍີ່ປຸ່ນນັບມື້ນັບຮຸນແຮງຂຶ້ນ,ຊຶ່ງຈະເຮັດໃຫ້ສະຖານະການອັນເຄັ່ງຕຶງໃນພາກພື້ນນີ້ມີຄວາມຮຸນແຮງຂຶ້ນກວ່າເກົ່າຊຶ່ງຈະບໍ່ເປັນຜົນດີຕໍ່ທັງສອງຝ່າຍ.
