ທ່ານ ຈູມມາລີ ໄຊຍະສອນ ຕ້ອນຮັບການເຂົ້າຢ້ຽມຂ່ຳນັບຂອງທ່ານພົນເອກ ລຽງກ່ວງເລ້ຍ
(GMT+08:00) 2012-09-07 18:19:41 cri
ວັນທີ7ກັນຍານີ້ຢູ່ນະຄອນຫຼວງວຽງຈັນ, ທ່ານ ຈູມມາລີ ໄຊຍະສອນ, ເລຂາທິການໃຫຍ່ສູນກາງພັກປະຊາຊົນປະຕິວັດລາວ, ປະທານປະເທດລາວໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານພົນເອກ ລຽງກ່ວງເລ້ຍ, ທີ່ປຶກສາແຫ່ງລັດຈີນ ທັງເປັນລັດຖະມົນຕີວ່າການກະຊວງປ້ອງກັນປະເທດຈີນທີ່ພວມຢ້ຽມຢາມສັນຖະວະໄມຕີຢູ່ລາວ.
ທ່ານ ຈູມມາລີ ໄຊຍະສອນ ຂໍຝາກຄວາມຢື້ຢາມຖາມຂ່າວອັນອົບອຸ່ນ ຜ່ານທ່ານພົນເອກ ລຽງກ່ວງເລ້ຍ ໄປຍັງທ່ານຫູຈິນທ່າວ, ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ແລະໄດ້ຕີລາຄາສູງຕໍ່ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ-ຈີນ. ທ່ານ ຈູມມາລີ ກ່າວວ່າ, ຈີນເປັນປະເທດເພື່ອນມິດແລະຄູ່ຮ່ວມມືຍຸດທະສາດທີ່ສະໜິດແລະໄວ້ເນື້ອເຊື່ອໃຈຂອງລາວ. ລາວດີໃຈທີ່ໄດ້ເຫັນວ່າ, ໃນຫຼາຍປີຜ່ານມາ, ສອງພັກສອງລັດລາວ-ຈີນໄດ້ໄປມາຫາສູ່ກັນຢ່າງມີໄມຕີຈິດມິດຕະພາບແລະໃກ້ຊິດ, ລະດັບການຮ່ວມມືໃນຂົງເຂດຕ່າງໆກໍ່ສູງຂຶ້ນຢ່າງບໍ່ຢຸດຢັ້ງ, ການຮ່ວມມືໃນຂົງເຂດປ້ອງກັນປະເທດໄດ້ຮັບໝາກຜົນຢ່າງພົ້ນເດັ່ນ. ຝ່າຍລາວຂອບໃຈຝ່າຍຈີນທີ່ໄດ້ໃຫ້ການສະໜັບສະໜູນແລະການຊ່ວຍເຫຼືອເປັນໄລຍະດົນນານມານີ້, ຍິນດີຮ່ວມກັບຝ່າຍຈີນເສີມຂະຫຍາຍມິດຕະພາບອັນເປັນມູນເຊື້ອ, ແລະຊຸກຍູ້ໃຫ້ການພົວພັນສອງລັດແລະສອງກອງທັບຂະຫຍາຍໄປໜ້າຢ່າງບໍ່ຢຸດຢັ້ງ.
ທ່ານພົນເອກ ລຽງກ່ວງເລ້ຍ ກ່າວວ່າ, ສອງປະເທດຈີນລາວເປັນປະເທດບ້ານໃກ້ເຮືອນຄຽງທີ່ມີດີຕໍ່ກັນ. ແຕ່ການສ້າງສາຍພົວພັນທາງການທູດ 51ປີມານີ້, ໂດຍສະເພາະແມ່ນຫຼັງຈາກເຂົ້າສູ່ສັດຕະວັດໃໝ່, ການແລກປ່ຽນແລະການຮ່ວມມືລະຫວ່າງສອງປະເທດໃນຂົງເຂດການເມືອງ, ເສດຖະກິດ, ການທະຫານແລະວັດທະນະທຳໄດ້ຂະຫຍາຍລົງສູ່ລວງເລິກຢ່າງບໍ່ຢຸດຢັ້ງ. ການພົວພັນໄມຕີຈິດມິດຕະພາບລະຫວ່າງຈີນ-ລາວ ເປັນແບບຢ່າງທີ່ດີໃຫ້ແກ່ສາຍພົວພັນລະຫວ່າງ ປະເທດ. ຈີນຈະຍຶດໝັ້ນປະຕິບັດຕາມທິດທາງ"ໝັ້ນຄົງຍາວນານ, ມີໄມຕີຈິດມິດຕະພາບຕໍ່ກັນຖານບ້ານໃກ້ເຮືອນຄຽງ, ໄວ້ເນື້ອເຊື່ອໃຈຕໍ່ກັນ, ແລະຮ່ວມມືຮອບດ້ານ", ພະຍາຍາມຮ່ວມກັບຝ່າຍລາວຊຸກຍູ້ໃຫ້ການຮ່ວມມືໃນຂົງເຂດປ້ອງກັນປະເທດ, ແລະການພົວພັນສອງລັດສອງກອງທັບຂະຫຍາຍຕົວໄປສູ່ຂົງເຂດທີ່ກວ້າງຂວາງກວ່າເກົ່າ,ແລະລະດັບສູງກວ່າເກົ່າ.
ທ່ານນາງ ປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວ, ແລະນາຍທະຫານລະດັບສູງຕ່າງໆໃນຄະນະຜູ້ແທນຈີນໄດ້ເຂົ້າຮ່ວມການເຂົ້າຢ້ຽມຂ່ຳນັບຄັ້ງນີ້.
ທ່ານ ຈູມມາລີ ໄຊຍະສອນ ຂໍຝາກຄວາມຢື້ຢາມຖາມຂ່າວອັນອົບອຸ່ນ ຜ່ານທ່ານພົນເອກ ລຽງກ່ວງເລ້ຍ ໄປຍັງທ່ານຫູຈິນທ່າວ, ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ແລະໄດ້ຕີລາຄາສູງຕໍ່ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງລາວ-ຈີນ. ທ່ານ ຈູມມາລີ ກ່າວວ່າ, ຈີນເປັນປະເທດເພື່ອນມິດແລະຄູ່ຮ່ວມມືຍຸດທະສາດທີ່ສະໜິດແລະໄວ້ເນື້ອເຊື່ອໃຈຂອງລາວ. ລາວດີໃຈທີ່ໄດ້ເຫັນວ່າ, ໃນຫຼາຍປີຜ່ານມາ, ສອງພັກສອງລັດລາວ-ຈີນໄດ້ໄປມາຫາສູ່ກັນຢ່າງມີໄມຕີຈິດມິດຕະພາບແລະໃກ້ຊິດ, ລະດັບການຮ່ວມມືໃນຂົງເຂດຕ່າງໆກໍ່ສູງຂຶ້ນຢ່າງບໍ່ຢຸດຢັ້ງ, ການຮ່ວມມືໃນຂົງເຂດປ້ອງກັນປະເທດໄດ້ຮັບໝາກຜົນຢ່າງພົ້ນເດັ່ນ. ຝ່າຍລາວຂອບໃຈຝ່າຍຈີນທີ່ໄດ້ໃຫ້ການສະໜັບສະໜູນແລະການຊ່ວຍເຫຼືອເປັນໄລຍະດົນນານມານີ້, ຍິນດີຮ່ວມກັບຝ່າຍຈີນເສີມຂະຫຍາຍມິດຕະພາບອັນເປັນມູນເຊື້ອ, ແລະຊຸກຍູ້ໃຫ້ການພົວພັນສອງລັດແລະສອງກອງທັບຂະຫຍາຍໄປໜ້າຢ່າງບໍ່ຢຸດຢັ້ງ.
ທ່ານພົນເອກ ລຽງກ່ວງເລ້ຍ ກ່າວວ່າ, ສອງປະເທດຈີນລາວເປັນປະເທດບ້ານໃກ້ເຮືອນຄຽງທີ່ມີດີຕໍ່ກັນ. ແຕ່ການສ້າງສາຍພົວພັນທາງການທູດ 51ປີມານີ້, ໂດຍສະເພາະແມ່ນຫຼັງຈາກເຂົ້າສູ່ສັດຕະວັດໃໝ່, ການແລກປ່ຽນແລະການຮ່ວມມືລະຫວ່າງສອງປະເທດໃນຂົງເຂດການເມືອງ, ເສດຖະກິດ, ການທະຫານແລະວັດທະນະທຳໄດ້ຂະຫຍາຍລົງສູ່ລວງເລິກຢ່າງບໍ່ຢຸດຢັ້ງ. ການພົວພັນໄມຕີຈິດມິດຕະພາບລະຫວ່າງຈີນ-ລາວ ເປັນແບບຢ່າງທີ່ດີໃຫ້ແກ່ສາຍພົວພັນລະຫວ່າງ ປະເທດ. ຈີນຈະຍຶດໝັ້ນປະຕິບັດຕາມທິດທາງ"ໝັ້ນຄົງຍາວນານ, ມີໄມຕີຈິດມິດຕະພາບຕໍ່ກັນຖານບ້ານໃກ້ເຮືອນຄຽງ, ໄວ້ເນື້ອເຊື່ອໃຈຕໍ່ກັນ, ແລະຮ່ວມມືຮອບດ້ານ", ພະຍາຍາມຮ່ວມກັບຝ່າຍລາວຊຸກຍູ້ໃຫ້ການຮ່ວມມືໃນຂົງເຂດປ້ອງກັນປະເທດ, ແລະການພົວພັນສອງລັດສອງກອງທັບຂະຫຍາຍຕົວໄປສູ່ຂົງເຂດທີ່ກວ້າງຂວາງກວ່າເກົ່າ,ແລະລະດັບສູງກວ່າເກົ່າ.
ທ່ານນາງ ປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວ, ແລະນາຍທະຫານລະດັບສູງຕ່າງໆໃນຄະນະຜູ້ແທນຈີນໄດ້ເຂົ້າຮ່ວມການເຂົ້າຢ້ຽມຂ່ຳນັບຄັ້ງນີ້.
