ກະຊວງການຕ່າງປະເທດຈີນອອກຖະແຫຼງການວ່າ:ລັດຖະບານຍີ່ປຸ່ນປະກາດວ່າຈະ"ຊື້"ເກາະຕ້ຽວອີເປັນການລ່ວງລະເມີດອະທິປະໄຕແລະຜືນແຜ່ນດິນຂອງຈີນຢ່າງຮ້າຍແຮງ
(GMT+08:00) 2012-09-10 20:16:06 cri
ຕາມຂ່າວCRI:ວັນທີ10ກັນຍານີ້, ກະຊວງການຕ່າງປະເທດອອກຖະແຫຼງການຢູ່ທາງເວບໄຊວ່າ:ວັນທີ10ກັນຍາປີ2012ນີ້, ລັດຖະບານຍີ່ປຸ່ນບໍ່ເອົາຫົວຊາຕໍ່ການປະທ້ວງຢ່າງເຄັ່ງຂຶມຫຼາຍໆຄັ້ງຂອງຝ່າຍຈີນແລະປະກາດວ່າຈະ"ຊື້"ເກາະຕ້ຽວອີແລະດອນນ້ອຍທາງໃຕ້ແລະດອນນ້ອຍທາງເໜືອທີ່ຂຶ້ນກັບເກາະນີ້, ໂດຍປະຕິບັດກົນອຸບາຍອັນທີ່ວ່າ"ການຫັນເກາະຕ້ຽວອີໃຫ້ເປັນຂອງລັດຖະບານ", ເຂິ່ງໄດ້ລ່ວງລະເມີດອະທິປະໄຕແລະຜືນແຜ່ນດິນຈີນຢ່າງຮ້າຍແຮງ, ລັດຖະບານຈີນແລະປະຊາຊົນຈີນໄດ້ສະແດງການຄັດ ຄ້ານຢ່າງເດັດດ່ຽວແລະປະທ້ວງຢ່າງຮຸນແຮງຕໍ່ເລື່ອງນີ້.
ຖະແຫຼງການຊີ້ອອກວ່າ, ເກາະຕ້ຽວອີແລະເກາະດອນທີ່ຂຶ້ນກັບເກາະນີ້ແມ່ນດິນແດນຂອງຈີນມາຕັ້ງແຕ່ບູຮານນະການ,ຈີນມີຫຼັກຖານອ້າງອີງທາງປະຫວັດສາດແລະກົດໝາຍມາຢັ້ງຢືນຢ່າງພຽງພໍກ່ຽວກັບເລື່ອງນີ້, ຈີນແມ່ນເຈົ້າຂອງຂອງເກາະຕ້ຽວອີແລະເກາະດອນທີ່ຂຶ້ນກັບເກາະນີ້ຢ່າງບໍ່ສາມາດໂຕ້ຖຽງໄດ້.ລັດຖະບານຈີນໄດ້ເອົາໃຈໃສ່ການຂະຫຍາຍການພົວພັນທີ່ດີກັບຍີ່ປຸ່ນມາໂດຍຕະຫຼອດ, ແຕ່ວ່າການພັດທະນາດ້ານການພົວພັນລະຫວ່າງຈີນກັບຍີ່ປຸ່ນຢ່າງສົມບູນນັ້ນຝ່າຍຍີ່ປຸ່ນຕ້ອງໄປທາງດຽວກັນກັບຈີນແລະພ້ອມກັນທຳຄວາມພະຍາຍາມ.ລັດຖະບານຍີ່ປຸ່ນຈະຊື້ເກາະຕ້ຽວອີແມ່ນການກະທຳທີ່ຝ່າຝືນກັບທິດທາງຮັກສາການພົວພັນລະຫວ່າງຈີນກັບຍີ່ປຸ່ນ.
ໃນຕອນທ້າຍຖະແຫຼງການກ່າວວ່າ, ລັດຖະບານຈີນຖະແຫຼງຢ່າງເຄັ່ງຂຶມວ່າ,ອັນທີ່ວ່າການ"ຊື້ເກາະຕ້ຽວອີ້"ທີ່ລັດຖະບານຍີ່ປຸ່ນກ່າວມານັ້ນແມ່ນຜິດກົດໝາຍແລະຈະບໍ່ປະສົບຜົນສຳເລັດໄດ້,ລັດຖະບານຈີນຄັດຄ້ານຢ່າງເດັດຂາດຕໍ່ຍີ່ປຸ່ນທີ່ລ່ວງລະເມີດອະທິປະໄຕແລະຜືນແຜ່ນດິນຂອງຈີນ. ຈີນເຕືອນໃຫ້ຍີ່ປຸ່ນຕ້ອງຢຸດຕິການທຳລາຍອະທິປະໄຕແລະຜືນແຜ່ນດິນຂອງຈີນໃນທັນທີ,ຖ້າວ່າຍີ່ປຸ່ນເຮັດຕາມລຳພັງໃຈ,ຝ່າຍຍີ່ປຸ່ນຕ້ອງຮັບຜິດຊອບຕໍ່ຜົນຮ້າຍທຸກຢ່າງທີ່ຈະເກີດຂຶ້ນນັ້ນແຕ່ຝ່າຍດຽວ.
ຖະແຫຼງການຊີ້ອອກວ່າ, ເກາະຕ້ຽວອີແລະເກາະດອນທີ່ຂຶ້ນກັບເກາະນີ້ແມ່ນດິນແດນຂອງຈີນມາຕັ້ງແຕ່ບູຮານນະການ,ຈີນມີຫຼັກຖານອ້າງອີງທາງປະຫວັດສາດແລະກົດໝາຍມາຢັ້ງຢືນຢ່າງພຽງພໍກ່ຽວກັບເລື່ອງນີ້, ຈີນແມ່ນເຈົ້າຂອງຂອງເກາະຕ້ຽວອີແລະເກາະດອນທີ່ຂຶ້ນກັບເກາະນີ້ຢ່າງບໍ່ສາມາດໂຕ້ຖຽງໄດ້.ລັດຖະບານຈີນໄດ້ເອົາໃຈໃສ່ການຂະຫຍາຍການພົວພັນທີ່ດີກັບຍີ່ປຸ່ນມາໂດຍຕະຫຼອດ, ແຕ່ວ່າການພັດທະນາດ້ານການພົວພັນລະຫວ່າງຈີນກັບຍີ່ປຸ່ນຢ່າງສົມບູນນັ້ນຝ່າຍຍີ່ປຸ່ນຕ້ອງໄປທາງດຽວກັນກັບຈີນແລະພ້ອມກັນທຳຄວາມພະຍາຍາມ.ລັດຖະບານຍີ່ປຸ່ນຈະຊື້ເກາະຕ້ຽວອີແມ່ນການກະທຳທີ່ຝ່າຝືນກັບທິດທາງຮັກສາການພົວພັນລະຫວ່າງຈີນກັບຍີ່ປຸ່ນ.
ໃນຕອນທ້າຍຖະແຫຼງການກ່າວວ່າ, ລັດຖະບານຈີນຖະແຫຼງຢ່າງເຄັ່ງຂຶມວ່າ,ອັນທີ່ວ່າການ"ຊື້ເກາະຕ້ຽວອີ້"ທີ່ລັດຖະບານຍີ່ປຸ່ນກ່າວມານັ້ນແມ່ນຜິດກົດໝາຍແລະຈະບໍ່ປະສົບຜົນສຳເລັດໄດ້,ລັດຖະບານຈີນຄັດຄ້ານຢ່າງເດັດຂາດຕໍ່ຍີ່ປຸ່ນທີ່ລ່ວງລະເມີດອະທິປະໄຕແລະຜືນແຜ່ນດິນຂອງຈີນ. ຈີນເຕືອນໃຫ້ຍີ່ປຸ່ນຕ້ອງຢຸດຕິການທຳລາຍອະທິປະໄຕແລະຜືນແຜ່ນດິນຂອງຈີນໃນທັນທີ,ຖ້າວ່າຍີ່ປຸ່ນເຮັດຕາມລຳພັງໃຈ,ຝ່າຍຍີ່ປຸ່ນຕ້ອງຮັບຜິດຊອບຕໍ່ຜົນຮ້າຍທຸກຢ່າງທີ່ຈະເກີດຂຶ້ນນັ້ນແຕ່ຝ່າຍດຽວ.
