ຄະນະກຳມາທິການວຽກງານການຕ່າງປະເທດຂອງສະພາປະຊາຊົນແຫ່ງຊາດຈີນຮຽກຮ້ອງຢ່າງຮຸນແຮງໃຫ້ຍີ່ປຸ່ນຮູ້ເຖິງຄວາມອັນຕະລາຍຂອງສະພາບການໃນປະຈຸບັນຢ່າງຈະແຈ້ງ
(GMT+08:00) 2012-09-12 15:24:14 cri
ກໍລະນີທີ່ລັດຖະບານຍີ່ປຸ່ນໄດ້ປະກາດຊື້ເກາະຕ້ຽວອີແລະເກາະດອນສ່ວນໜຶ່ງທີ່ຢູ່ບໍລິເວນໃກ້ຄຽງໃນວັນທີ 10 ກັນຍານີ້,ວັນທີ 11 ກັນຍານີ້,ຄະນະກຳມາທິການວຽກງານການຕ່າງປະເທດຂອງສະພາປະຊາຊົນແຫ່ງຊາດຈີນໄດ້ອອກຖະແຫຼງການສະແດງຄວາມຄຽດແຄ້ນແລະກ່າວປະນາມຢ່າງຮຸນແຮງ.
ຖະແຫຼງການຂຽນວ່າ,ນີ້ແມ່ນເຫດການທີ່ຍີ່ປຸ່ນລ່ວງລ້ຳອະທິປະໄຕແລະຜືນແຜ່ນດິນອັນຄົບຖ້ວນຂອງຈີນຢ່າງເປີດເຜີຍ,ທຳລາຍຈິດໃຈຂອງປະຊາຊົນຈີນແລະທຳລາຍການພົວພັນລະຫວ່າງຈີນກັບຍີ່ປຸ່ນຢ່າງໜັກໜ່ວງອີກເທື່ອໜຶ່ງ.ການກະທຳແຕ່ພຽງຝ່າຍດຽວຂອງຍີ່ປຸ່ນທີ່ມີຕໍ່ເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງນັ້ນແມ່ນຜິດກົດໝາຍທັງໝົດ,ບໍ່ມີຜົນສັກສິດດ້ານກົດໝາຍສາກົນ,ບໍ່ສາມາດປ່ຽນແປງອະທິປະໄຕເໜືອເກາະດອນເຫຼົ່ານີ້ຂອງຈີນໄດ້ຢ່າງເດັດຂາດ.ປະຊາຊົນຈີນຈະບໍ່ຍອມໃຫ້ຍີ່ປຸ່ນຍຶດຄອງເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງຢ່າງຜິດກົດໝາຍເດັດຂາດ,ທຸກຄວາມພະຍາຍາມຂອງຍີ່ປຸ່ນທີ່ມີຈຸດປະສົງເພື່ອຢືນຢັນຖານະຂອງຕົນທີ່ມີຕໍ່ເກາະຕ້ຽວອີນັ້ນລ້ວນແຕ່ຈະບໍ່ປະສົບຜົນສຳເລັດຢ່າງແນ່ນອນ.
ໃນຕອນທ້າຍຂອງຖະແຫຼງການຊີ້ອອກວ່າ,ຈີນຮຽກຮ້ອງຢ່າງຮຸນແຮງໃຫ້ຍີ່ປຸ່ນຮູ້ເຖິງຄວາມອັນຕະລາຍຂອງສະພາບການໃນປະຈຸບັນຢ່າງຈະແຈ້ງ,ຈົ່ງຢຸດຕິຄວາມຜິດພາດໃນບັນຫາເກາະຕ້ຽວອີໃນທັນທີ,ເລືອກທາງເດີນໃໝ່,ກະທຳໃນສິ່ງທີ່ຖືກຕ້ອງ,ບໍ່ຄວນຜິດຊ້ຳແລ້ວຊ້ຳອີກ,ຖ້າບໍ່ດັ່ງນັ້ນ,ຍ່ອມຈະຕ້ອງຮັບຜິດຊອບຕໍ່ຜົນເສຍຫາຍທີ່ຈະເກີດຂຶ້ນມາຕາມພາຍຫຼັງ.
ຖະແຫຼງການຂຽນວ່າ,ນີ້ແມ່ນເຫດການທີ່ຍີ່ປຸ່ນລ່ວງລ້ຳອະທິປະໄຕແລະຜືນແຜ່ນດິນອັນຄົບຖ້ວນຂອງຈີນຢ່າງເປີດເຜີຍ,ທຳລາຍຈິດໃຈຂອງປະຊາຊົນຈີນແລະທຳລາຍການພົວພັນລະຫວ່າງຈີນກັບຍີ່ປຸ່ນຢ່າງໜັກໜ່ວງອີກເທື່ອໜຶ່ງ.ການກະທຳແຕ່ພຽງຝ່າຍດຽວຂອງຍີ່ປຸ່ນທີ່ມີຕໍ່ເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງນັ້ນແມ່ນຜິດກົດໝາຍທັງໝົດ,ບໍ່ມີຜົນສັກສິດດ້ານກົດໝາຍສາກົນ,ບໍ່ສາມາດປ່ຽນແປງອະທິປະໄຕເໜືອເກາະດອນເຫຼົ່ານີ້ຂອງຈີນໄດ້ຢ່າງເດັດຂາດ.ປະຊາຊົນຈີນຈະບໍ່ຍອມໃຫ້ຍີ່ປຸ່ນຍຶດຄອງເກາະຕ້ຽວອີແລະເກາະດອນຕ່າງໆທີ່ຢູ່ບໍລິເວນໃກ້ຄຽງຢ່າງຜິດກົດໝາຍເດັດຂາດ,ທຸກຄວາມພະຍາຍາມຂອງຍີ່ປຸ່ນທີ່ມີຈຸດປະສົງເພື່ອຢືນຢັນຖານະຂອງຕົນທີ່ມີຕໍ່ເກາະຕ້ຽວອີນັ້ນລ້ວນແຕ່ຈະບໍ່ປະສົບຜົນສຳເລັດຢ່າງແນ່ນອນ.
ໃນຕອນທ້າຍຂອງຖະແຫຼງການຊີ້ອອກວ່າ,ຈີນຮຽກຮ້ອງຢ່າງຮຸນແຮງໃຫ້ຍີ່ປຸ່ນຮູ້ເຖິງຄວາມອັນຕະລາຍຂອງສະພາບການໃນປະຈຸບັນຢ່າງຈະແຈ້ງ,ຈົ່ງຢຸດຕິຄວາມຜິດພາດໃນບັນຫາເກາະຕ້ຽວອີໃນທັນທີ,ເລືອກທາງເດີນໃໝ່,ກະທຳໃນສິ່ງທີ່ຖືກຕ້ອງ,ບໍ່ຄວນຜິດຊ້ຳແລ້ວຊ້ຳອີກ,ຖ້າບໍ່ດັ່ງນັ້ນ,ຍ່ອມຈະຕ້ອງຮັບຜິດຊອບຕໍ່ຜົນເສຍຫາຍທີ່ຈະເກີດຂຶ້ນມາຕາມພາຍຫຼັງ.
