ໂຄສົກຫ້ອງການວຽກງານໄຕ້ຫວັນຂອງຄະນະລັດຖະບານຈີນກ່າວວ່າ,ລັດຖະບານຍີ່ປຸ່ນກໍ່ເລື່ອງ"ຊື້ເກາະຕ້ຽວອີ", ຍາດຕິພີ່ນ້ອງສອງຝັ່ງຊ່ອງແຄບໄຕ້ຫວັນມີຄວາມຄຽດແຄ້ນທີ່ສຸດ ເດັດດ່ຽວຄັດຄ້ານ ແລະຍອມຮັບບໍ່ໄດ້ຢ່າງເດັດຂາດ
ຕາມຂ່າວCRI: ຕອນເຊົ້າວັນທີ 12 ກັນຍານີ້, ໃນເວລາຕອບຄຳຖາມຂອງນັກຂ່າວຢ່ທີູ່ກອງປະຊຸມຂ່າວຫ້ອງການວຽກງານໄຕ້ຫວັນຂອງຄະນະລັດຖະບານຈີນ,ທ່ານນາງຟ້ານລີ້ຊີ່ງ ໂຄສົກຖະແຫຼງຂ່າວກ່າວວ່າ, ລັດຖະບານຍີ່ປຸ່ນກໍ່ເລື່ອງ"ຊື້ເກາະຕ້ຽວອີ", ພາໃຫ້ຍາດພີ່ນ້ອງສອງຝັ່ງຊ່ອງແຄບໄຕ້ຫວັນມີຄວາມຄຽດແຄ້ນທີ່ສຸດ,ຄັດຄ້ານຢ່າງເດັດດ່ຽວແລະຍອມຮັບບໍ່ໄດ້ຢ່າງເດັດຂາດ.
ນາງຟ້ານລີ້ຊີ່ງກ່າວວ່າ,
"ຂ້າພະເຈົ້າກ່າວຢ້ຳນະທີ່ນີ້ວ່າ, ເກາະຕ້ຽວອີແລະເກາະດອນຕ່າງໆທີ່ຂຶ້ນກັບເກາະນີ້, ແມ່ນຜືນແຜ່ນດິນຂອງຈີນມາແຕ່ບູຮານນະການ,ຍາດພີ່ນ້ອງສອງຝັ່ງຊ່ອງແຄບມີຄວາມຮັບຮູ້ ແລ ຄວາມເຫັນທີ່ຄືກັນຕໍ່ຄວາມເປັນຈິງນີ້, ມີຄວາມຄຽດແຄ້ນຕໍ່ລັດຖະບານຍີ່ປຸ່ນທີ່ກໍ່ເລື່ອງ"ຊື້ເກາະຕ້ຽວອີ"ຂຶ້ນໃນຫວ່າງມໍ່ໆມານີ້, ພວກເຮົາຄັດຄ້ານຢ່າງເດັດດ່ຽວ, ແລະຍອມຮັບບໍ່ໄດ້ເດັດຂາດ. ຍາດພີ່ນ້ອງສອງຝັ່ງຊ່ອງແຄບໄຕ້ຫວັນແມ່ນຄອບຄົວດຽວກັນ, ການຮັກສາອະທິປະໄຕຂອງເກາະຕ້ຽວອີແລະເກາະດອນທີ່ຂຶ້ນກັບເກາະນີ້, ການຮັກສາຜົນປະໂຫຍດລວມຂອງປະຊາຊາດຈີນ, ແມ່ນພາລະໜ້າທີ່ຮ່ວມກັນຂອງຍາດພີ່ນ້ອງສອງຝັ່ງຊ່ອງແຄບໄຕ້ຫວັນທີ່ບໍ່ສາມາດຫຼີກລ່ຽງໄດ້. ການກະທຳທີ່ສອງຝັ່ງຊ່ອງແຄບຕ່າງໄດ້ໃຊ້ມາດຕະການເພື່ອຮັກສາຜົນປະໂຫຍດຮ່ວມຂອງປະຊາຊາດຈີນຍ່ອມໄດ້ຮັບການສະໜັບສະໜູນຢ່າງເດັດດ່ຽວຈາກລູກຫຼານຂອງປະຊາຊາດຈີນ."
