ກະຊວງການຕ່າງປະເທດຈີນໃຫ້ຄຳຕອບກ່ຽວກັບເຫດການຄົນຍີ່ປຸ່ນຖືກທຸບຕີຢູ່ນະຄອນຊຽງໄຮ
ໂດຍແນໃສ່ເຫດການຄົນຍີ່ປຸ່ນຖືກທຸບຕີຫຼາຍເທື່ອຢູ່ນະຄອນຊຽງໄຮ, ໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ14ກັນຍານີ້, ທ່ານຫົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ, ປະຊາຊົນຈີນມີຄວາມບໍ່ພໍໃຈຢ່າງຮຸນແຮງແລະເດັດດ່ຽວຄັດຄ້ານການກະທຳຂອງລັດຖະບານຍີ່ປຸ່ນທີ່ລ່ວງລ້ຳອະທິປະໄຕຜືນແຜ່ນດິນຂອງຈີນແລະການກະທຳທ້າທາຍເກາະຜິດຂອງອິດທິກຳລັງປີກຂວາຍີ່ປຸ່ນ, ແຕ່ນີ້ບໍ່ແມ່ນແນໃສ່ຕໍ່ປະຊາຊົນຍີ່ປຸ່ນ. ຈີນມີຈຸດຢືນໃຫ້ປະຊາຊົນສະແດງຄວາມຮ້ອງຂໍທີ່ກ່ຽວຂ້ອງຕາມກົດໝາຍແລະມີສະຕິສຳປະຊັນຍະ.
ຂ່າວແຈ້ງວ່າ, ໃນຫຼາຍມື້ຜ່ານມານີ້, ຢູ່ນະຄອນຊຽງໄຮໄດ້ເກີດເຫດການຄົນຍີ່ປຸ່ນຖືກທຸບຕີຫຼາຍເທື່ອ, ຄົນຍີ່ປຸ່ນຫຼາຍຄົນໄດ້ຮັບບາດເຈັບ. ໃນເວລາຕອບຄຳຖາມຂອງນັກຂ່າວ, ທ່ານຫົງເຫຼີຍໄດ້ສະແດງທ່າທີດັ່ງກ່າວ. ທ່ານຫົງເຫຼີຍກ່າວວ່າ, ຈີນແມ່ນປະເທດທີ່ປົກຄອງດ້ວຍກົດໝາຍ, ຄວາມປອດໄພທາງຮ່າງກາຍຂອງຄົນຍີ່ປຸ່ນຢູ່ຈີນໄດ້ຮັບການປົກປ້ອງຕາມກົດໝາຍ.
