ຄວາມເປັນຈິງຂອງຄະດີສັງຫານລູກເຮືອຈີນຕາມລຳແມ່ນ້ຳຂອງ
(GMT+08:00) 2012-09-20 14:25:34 cri
ຂ່າວສານຊິນຮວາລາຍງານວ່າ:ວັນທີ20ກັນຍານີ້,ສານປະຊາຊົນຂັ້ນກາງນະຄອນຄຸນມິງແຂວງຢຸນນານຈີນໄດ້ດຳເນີນຄະດີ ສັງຫານລູກເຮືອຈີນຕາມລຳແມ່ນ້ຳຂອງ.ຊຶ່ງມີຈຳເລີຍສັນຊາດຕ່າງປະເທດຫຼາຍຄົນເຊັ່ນທ້າວໜໍ່ຄຳພ້ອມພັກພວກໄດ້ຖືກສົ່ງຕົວຂຶ້ນສານຮັບຟັງການໄຕ່ສວນຢ່າງເຄັ່ງຄັດຕາມກົດໝາຍຈີນ.
ວັນທີ5ຕຸລາປີ2011ຜ່ານມາ,ເຮືອບຸນທຸກສິນຄ້າຂອງຈີນ2ລຳຄືເຮືອ"ຮວາຜິງ"ແລະ"ອີ້ຊິງເລກ8"ຖືກປຸ້ນຈີ້ດ້ວຍກຳລັງອາວຸດຢູ່ຕາມລຳແມ່ນ້ຳຂອງ,ລູກເຮືອຈີນ13ຄົນຖືກສັງຫານຢ່າງໂຫດຮ້າຍ.
ພາຍຫຼັງຕຳຫຼວດຈີນໄດ້ທຳຄວາມພະຍາຍາມດ້ວຍຄວາມຫຍຸ້ງຍາກລຳບາກ,ແລະຮ່ວມມືປະສານງານກັບເຈົ້າໜ້າທີ່ຕຳຫຼວດຂອງປະເທດທີ່ກ່ຽວຂ້ອງເປັນເວລາ10ເດືອນແລະໃນທີ່ສຸດຄວາມເປັນຈິງຂອງເຫດການຈິ່ງຖືກເຜີຍແບອອກມາ,ສະມາຊິກສຳຄັນຂອງກຸ່ມອາຊະຍາກຳທີ່ນຳໂດຍທ້າວໜໍ່ຄຳຖືກຈັບຕົວຕາມລຳດັບ.
ເຂດສາມຫຼ່ຽມຄຳຊຶ່ງເປັນສະຖານທີ່ຜະລິດຢາເສບຕິດທີ່ສຳຄັນຂອງອາຊີອາຄະເນ,ທ້າວໜໍ່ຄຳຖືກພວກປະກອບອາວຸດເອີ້ນວ່າ"ເຈົ້າພໍ່"ຊຶ່ງເປັນຜູ່ຄຸ້ມຄອງກຸ່ມຄ້າຢາເສບຕິດດ້ວຍກຳລັງອາວຸດຢ່າງຜິດກົດໝາຍກຸ່ມໃຫຍ່ທີ່ສຸດຢູ່ເຂດສາມຫຼ່ຽມຄຳຕາມລຳແມ່ນ້ຳຂອງ.
ທ່ານຫານຊູກວ່າງ ສະມາຊິກໜ່ວຍງານສືບສວນຄະດີ,ຮອງຫົວໜ້າກົມປາບປາມຢາເສບຕິດກະຊວງປ້ອງກັນຄວາມສະຫງົບຈີນໃຫ້ຮູ້ວ່າ:ຕາມການສືບສວນຂອງເຈົ້າໜ້າທີ່ຕຳຫຼວດແລະຄຳສາລະພາບຂອງຜູ້ຕ້ອງຫາໃຫ້ຮູ້ວ່າ:ກຸ່ມຄ້າຢາເສບຕິດຂອງທ້າວໜໍ່ຄຳລອບສັງຫານຄົນຈີນຢ່າງໂຫດຮ້າຍແມ່ນມີສາເຫດສອງດ້ານ,ຄືໜຶ່ງ,ກຸ່ມທ້າວໜໍ່ຄຳສົງໄສວ່າເຮືອຈີນສອງລຳທີ່ຊື່ວ່າ"ຮວາຜິງ"ແລະ"ອີ້ຊິງເລກ8"ດຳເນີນການຄ້າຢາເສບຕິດກໍ່ເລີຍຮຽກຄ່າຄຸ້ມຄອງແຕ່ຖືກປະຕິເສດ.ສາເຫດທີສອງແມ່ນແກ້ແຄ້ນຕໍ່ເຮືອຈີນທີ່ຖືກກອງທັບມຽນມາເກນໃຊ້ໃນການປາບປາມກຸ່ມທ້າວໜໍ່ຄຳ.
ທ່ານຊີອີ້ ຫົວໜ້າຈຸສອບສວນຂອງໜ່ວຍສືບສວນຄະດີ,ຮອງຫົວໜ້າກອງໃຫຍ່ສືບສວນອາຍາພະແນກປ້ອງກັນຄວາມສະຫງົບແຂວງຢຸນນານກ່າວວ່າ:ມີທະຫານໄທທີ່ບໍ່ດີອີກ9ຄົນທີ່ມີສ່ວນຮ່ວມໃນການກໍ່ຄະດີ,ຕາມຮູ້ວ່າ,ນາຍທະຫານທີ່ເປັນຫົວໜ້າຂອງທະຫານໄທ9ຄົນດັ່ງກ່າວທີ່ກໍ່ຄະດີແມ່ນມີຈຸດປະສົງເພື່ອຮິບຢາເສບຕິດເພື່ອສ້າງຜົນງານໃນການເລື່ອນຕຳແໜ່ງໃນຕໍ່ໜ້າ.ຕາມຜູ້ຕ້ອງຫາສາລະພາບໃຫ້ຮູ້ວ່າ:ກຸ່ມທ້າວໜໍ່ຄຳສົມຮູ້ຮ່ວມຄິດກັບກຸ່ມທະຫານໄທທີ່ບໍ່ດີແມ່ນເພື່ອໄດ້ຮັບການສະໜັບສະໜູນຈາກທະຫານໄທທີ່ບໍ່ດີໃນການສະໜອງທ່າເຮືອແຫ່ງໜຶ່ງຢູ່ທ່າເຮືອຊຽງແສນຂອງໄທໃຫ້ເຂົາເຈົ້າ,ພ້ອມທັງອຳນວຍຄວາມສະດວກແລະການປົກປ້ອງໃຫ້ແກ່ເຂົາເຈົ້າໃນການຂົນສົ່ງຢາເສບຕິດໃນຕໍ່ໜ້າ.ທະຫານໄທທີ່ບໍ່ດີກຸ່ມນີ້ຍັງໃຫ້ຄຳໝັ້ນສັນຍາວ່າຈະສະໜອງອາວຸດຈຳນວນໜຶ່ງໃຫ້ກຸ່ມທ້າວໜໍ່ຄຳ.
ທ່ານຫຼິວເຢ້ຈິ້ນ ຫົວໜ້າກົມປາບປາມຢາເສບຕິດກະຊວງປ້ອງກັນຄວາມສະຫງົບຈີນ,ຫົວໜ້າໜ່ວຍສືບສວນຄະດີ ທ້າວໜໍ່ຄຳສັງຫານລູກເຮືອຈີນຕາມລຳແມ່ນ້ຳຂອງກ່າວວ່າ:ຕາມສົນທິສັນຍາສາກົນແລະກົດໝາຍຂອງຈີນ,ເຮືອທີ່ຖືກປຸ້ນຈີ້ໃນຄະດີນີ້ແມ່ນຈົດທະບຽນຢູ່ຈີນແລະຕິດທຸງຊາດຈີນ,ຜູ່ເສຍຊີວິດແມ່ນພົນລະເມືອງຈີນ,ສະນັ້ນ,ຈີນມີສິດຄຸ້ມຄອງຕໍ່ຄະດີນີ້.ທ່ານກ່າວວ່າ:ມຽນມາແລະໄທລ້ວນແຕ່ຢາກໄຕ່ສວນຄະດີນີ້ດ້ວຍຕົນເອງ,ທ້າວໜໍ່ຄຳແມ່ນຄົນມຽນມາ,ໃນຂະນະດຽວກັນ,ຄະດີແມ່ນເກີດຂຶ້ນຢູ່ໄທ.ແຕ່ພາຍຫຼັງຫຼາຍຝ່າຍປຶກສາຫາລືກັນແລ້ວກໍ່ເຫັນດີມອບຄະດີນີ້ໃຫ້ຈີນເປັນຜູ້ດຳເນີນຄະດີ.
ການໄຕ່ສວນໄດ້ເລີ່ມດຳເນີນແຕ່ວັນທີ20ກັນຍານີ້ແລ້ວ,ຖ້າວ່າຂໍ້ກ່າວຫາມີຫຼັກຖານອ້າງອີງຢ່າງຄົບຖ້ວນ,ທ້າວໜໍ່ຄຳ ກໍ່ອາດຈະຖືກຕັດສິນປະຫານຊີວິດ.ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວຢູ່ບ່ອນຄຸມຂັງແຫ່ງໜຶ່ງທີ່ຢູ່ທາງຕິດຕາເວັນຕົກສຽງໃຕ້ຂອງນະຄອນຄຸນມິງ,ທ້າວໜໍ່ຄຳກ່າວວ່າ:ການກະທຳຂອງຂ້ອຍໃນຄັ້ງນີ້ແມ່ນຄວາມຜິດອັນຮ້າຍແຮງ,ຂ້ອຍຂໍໂທດນຳລູກເຮືອນຈີນ13ຄົນທີ່ເສຍຊີວິດ,ຂໍໂທດນຳຄອບຄົວຂອງຜູ່ຖືກເຄາະຮ້າຍ.
ວັນທີ5ຕຸລາປີ2011ຜ່ານມາ,ເຮືອບຸນທຸກສິນຄ້າຂອງຈີນ2ລຳຄືເຮືອ"ຮວາຜິງ"ແລະ"ອີ້ຊິງເລກ8"ຖືກປຸ້ນຈີ້ດ້ວຍກຳລັງອາວຸດຢູ່ຕາມລຳແມ່ນ້ຳຂອງ,ລູກເຮືອຈີນ13ຄົນຖືກສັງຫານຢ່າງໂຫດຮ້າຍ.
ພາຍຫຼັງຕຳຫຼວດຈີນໄດ້ທຳຄວາມພະຍາຍາມດ້ວຍຄວາມຫຍຸ້ງຍາກລຳບາກ,ແລະຮ່ວມມືປະສານງານກັບເຈົ້າໜ້າທີ່ຕຳຫຼວດຂອງປະເທດທີ່ກ່ຽວຂ້ອງເປັນເວລາ10ເດືອນແລະໃນທີ່ສຸດຄວາມເປັນຈິງຂອງເຫດການຈິ່ງຖືກເຜີຍແບອອກມາ,ສະມາຊິກສຳຄັນຂອງກຸ່ມອາຊະຍາກຳທີ່ນຳໂດຍທ້າວໜໍ່ຄຳຖືກຈັບຕົວຕາມລຳດັບ.
ເຂດສາມຫຼ່ຽມຄຳຊຶ່ງເປັນສະຖານທີ່ຜະລິດຢາເສບຕິດທີ່ສຳຄັນຂອງອາຊີອາຄະເນ,ທ້າວໜໍ່ຄຳຖືກພວກປະກອບອາວຸດເອີ້ນວ່າ"ເຈົ້າພໍ່"ຊຶ່ງເປັນຜູ່ຄຸ້ມຄອງກຸ່ມຄ້າຢາເສບຕິດດ້ວຍກຳລັງອາວຸດຢ່າງຜິດກົດໝາຍກຸ່ມໃຫຍ່ທີ່ສຸດຢູ່ເຂດສາມຫຼ່ຽມຄຳຕາມລຳແມ່ນ້ຳຂອງ.
ທ່ານຫານຊູກວ່າງ ສະມາຊິກໜ່ວຍງານສືບສວນຄະດີ,ຮອງຫົວໜ້າກົມປາບປາມຢາເສບຕິດກະຊວງປ້ອງກັນຄວາມສະຫງົບຈີນໃຫ້ຮູ້ວ່າ:ຕາມການສືບສວນຂອງເຈົ້າໜ້າທີ່ຕຳຫຼວດແລະຄຳສາລະພາບຂອງຜູ້ຕ້ອງຫາໃຫ້ຮູ້ວ່າ:ກຸ່ມຄ້າຢາເສບຕິດຂອງທ້າວໜໍ່ຄຳລອບສັງຫານຄົນຈີນຢ່າງໂຫດຮ້າຍແມ່ນມີສາເຫດສອງດ້ານ,ຄືໜຶ່ງ,ກຸ່ມທ້າວໜໍ່ຄຳສົງໄສວ່າເຮືອຈີນສອງລຳທີ່ຊື່ວ່າ"ຮວາຜິງ"ແລະ"ອີ້ຊິງເລກ8"ດຳເນີນການຄ້າຢາເສບຕິດກໍ່ເລີຍຮຽກຄ່າຄຸ້ມຄອງແຕ່ຖືກປະຕິເສດ.ສາເຫດທີສອງແມ່ນແກ້ແຄ້ນຕໍ່ເຮືອຈີນທີ່ຖືກກອງທັບມຽນມາເກນໃຊ້ໃນການປາບປາມກຸ່ມທ້າວໜໍ່ຄຳ.
ທ່ານຊີອີ້ ຫົວໜ້າຈຸສອບສວນຂອງໜ່ວຍສືບສວນຄະດີ,ຮອງຫົວໜ້າກອງໃຫຍ່ສືບສວນອາຍາພະແນກປ້ອງກັນຄວາມສະຫງົບແຂວງຢຸນນານກ່າວວ່າ:ມີທະຫານໄທທີ່ບໍ່ດີອີກ9ຄົນທີ່ມີສ່ວນຮ່ວມໃນການກໍ່ຄະດີ,ຕາມຮູ້ວ່າ,ນາຍທະຫານທີ່ເປັນຫົວໜ້າຂອງທະຫານໄທ9ຄົນດັ່ງກ່າວທີ່ກໍ່ຄະດີແມ່ນມີຈຸດປະສົງເພື່ອຮິບຢາເສບຕິດເພື່ອສ້າງຜົນງານໃນການເລື່ອນຕຳແໜ່ງໃນຕໍ່ໜ້າ.ຕາມຜູ້ຕ້ອງຫາສາລະພາບໃຫ້ຮູ້ວ່າ:ກຸ່ມທ້າວໜໍ່ຄຳສົມຮູ້ຮ່ວມຄິດກັບກຸ່ມທະຫານໄທທີ່ບໍ່ດີແມ່ນເພື່ອໄດ້ຮັບການສະໜັບສະໜູນຈາກທະຫານໄທທີ່ບໍ່ດີໃນການສະໜອງທ່າເຮືອແຫ່ງໜຶ່ງຢູ່ທ່າເຮືອຊຽງແສນຂອງໄທໃຫ້ເຂົາເຈົ້າ,ພ້ອມທັງອຳນວຍຄວາມສະດວກແລະການປົກປ້ອງໃຫ້ແກ່ເຂົາເຈົ້າໃນການຂົນສົ່ງຢາເສບຕິດໃນຕໍ່ໜ້າ.ທະຫານໄທທີ່ບໍ່ດີກຸ່ມນີ້ຍັງໃຫ້ຄຳໝັ້ນສັນຍາວ່າຈະສະໜອງອາວຸດຈຳນວນໜຶ່ງໃຫ້ກຸ່ມທ້າວໜໍ່ຄຳ.
ທ່ານຫຼິວເຢ້ຈິ້ນ ຫົວໜ້າກົມປາບປາມຢາເສບຕິດກະຊວງປ້ອງກັນຄວາມສະຫງົບຈີນ,ຫົວໜ້າໜ່ວຍສືບສວນຄະດີ ທ້າວໜໍ່ຄຳສັງຫານລູກເຮືອຈີນຕາມລຳແມ່ນ້ຳຂອງກ່າວວ່າ:ຕາມສົນທິສັນຍາສາກົນແລະກົດໝາຍຂອງຈີນ,ເຮືອທີ່ຖືກປຸ້ນຈີ້ໃນຄະດີນີ້ແມ່ນຈົດທະບຽນຢູ່ຈີນແລະຕິດທຸງຊາດຈີນ,ຜູ່ເສຍຊີວິດແມ່ນພົນລະເມືອງຈີນ,ສະນັ້ນ,ຈີນມີສິດຄຸ້ມຄອງຕໍ່ຄະດີນີ້.ທ່ານກ່າວວ່າ:ມຽນມາແລະໄທລ້ວນແຕ່ຢາກໄຕ່ສວນຄະດີນີ້ດ້ວຍຕົນເອງ,ທ້າວໜໍ່ຄຳແມ່ນຄົນມຽນມາ,ໃນຂະນະດຽວກັນ,ຄະດີແມ່ນເກີດຂຶ້ນຢູ່ໄທ.ແຕ່ພາຍຫຼັງຫຼາຍຝ່າຍປຶກສາຫາລືກັນແລ້ວກໍ່ເຫັນດີມອບຄະດີນີ້ໃຫ້ຈີນເປັນຜູ້ດຳເນີນຄະດີ.
ການໄຕ່ສວນໄດ້ເລີ່ມດຳເນີນແຕ່ວັນທີ20ກັນຍານີ້ແລ້ວ,ຖ້າວ່າຂໍ້ກ່າວຫາມີຫຼັກຖານອ້າງອີງຢ່າງຄົບຖ້ວນ,ທ້າວໜໍ່ຄຳ ກໍ່ອາດຈະຖືກຕັດສິນປະຫານຊີວິດ.ຫວ່າງມໍ່ໆນີ້,ໃນເວລາໃຫ້ສຳພາດຕໍ່ນັກຂ່າວຢູ່ບ່ອນຄຸມຂັງແຫ່ງໜຶ່ງທີ່ຢູ່ທາງຕິດຕາເວັນຕົກສຽງໃຕ້ຂອງນະຄອນຄຸນມິງ,ທ້າວໜໍ່ຄຳກ່າວວ່າ:ການກະທຳຂອງຂ້ອຍໃນຄັ້ງນີ້ແມ່ນຄວາມຜິດອັນຮ້າຍແຮງ,ຂ້ອຍຂໍໂທດນຳລູກເຮືອນຈີນ13ຄົນທີ່ເສຍຊີວິດ,ຂໍໂທດນຳຄອບຄົວຂອງຜູ່ຖືກເຄາະຮ້າຍ.
