ເຈົ້າໜ້າທີ່ຈີນ-ອາຊຽນຮ່ວມກັນຊຸກຍູ້ການຮ່ວມມືໃນຂົງເຂດການກໍ່ສ້າງຕົວເມືອງຊີວະພາບທີ່ໜ້າຢູ່
(GMT+08:00) 2012-09-23 14:52:56 cri
ວັນທີ 22 ກັນຍານີ້, ກອງປະຊຸມເວທີປຶກສາຫາລືການກໍ່ສ້າງຕົວເມືອງຊີວະພາບທີ່ໜ້າຢູ່ຈີນ-ອາຊຽນໄດ້ຈັດຂຶ້ນຢູ່ນະຄອນນານນິງ. ທ່ານຊີຈີ້, ລັດຖະມົນຕີຊ່ວຍວ່າການກະຊວງເຮືອນຢູ່ແລະການກໍ່ສ້າງຕົວເມືອງແລະຊົນນະບົດຈີນເຂົ້າຮ່ວມກອງປະຊຸມແລະກ່າວວ່າ, ຈີນແລະປະເທດສ່ວນຫຼາຍຂອງອາຊຽນປະຈຸບັນກຳລັງຢູ່ໃນຂະບວນການທີ່ຫັນເປັນຕົວເມືອງຢ່າງວ່ອງໄວ, ຈີນຍິນດີເພີ່ມທະວີການຮ່ວມມືກັບປະເທດອາຊຽນໃນຂົງເຂດການກໍ່ສ້າງຕົວເມືອງຊີວະພາບທີ່ໜ້າຢູ່ຕື່ມອີກ.
ເຈົ້າໜ້າທີ່ຜູ້ຮັບຜິດຊອບການກໍ່ສ້າງຂອງປະເທດອາຊຽນເຊັ່ນທ່ານສົມມາດ ພົນເສນາ ລັດຖະມົນຕີວ່າການກະຊວງໂຍທາທິການແລະຂົນສົ່ງລາວເປັນຕົ້ນແລະຜູ້ຊ່ຽວຊານຈີນແລະຕ່າງປະເທດທີ່ກ່ຽວຂ້ອງໄດ້ເຂົ້າຮ່ວມກອງປະຊຸມເທື່ອນີ້. Dr. ເອອິສ໌, ຮອງຫົວໜ້າບໍລິຫານຂອງພະແນກແຜນການເຂດຊຸມຊົນຂອງອົງການສະຫະປະຊາຊາດຊີ້ອອກວ່າ, ການຫັນເປັນແບບຕົວເມືອງຂອງຈີນແລະປະເທດອາຊຽນໄດ້ປະເຊີນກັບການທ້າທາຍຫຼາຍຢ່າງຄື: ຜົນການເຕີບໂຕຂອງເສດຖະກິດບໍ່ສາມາດແບ່ງປັນໃຫ້ປະຊາຊົນຕົວເມືອງຢ່າງສະເໝີພາບກັນ, ການພັດທະນາຂອງຕົວເມືອງຂາດພື້ນຖານໂຄງລ່າງແລະການບໍລິການອັນພຽງພໍແລະອື່ນໆ, ທັງໝົດເຫຼົ່ານີ້ລ້ວນແຕ່ຕ້ອງການລັດຖະບານແລະປະຊາຊົນຈີນແລະປະເທດອາຊຽນເພີ່ມການຮ່ວມມືແລະການຕິດຕໍ່ພົວພັນກັນຢ່າງໃກ້ຊິດ.
ເຈົ້າໜ້າທີ່ຜູ້ຮັບຜິດຊອບການກໍ່ສ້າງຂອງປະເທດອາຊຽນເຊັ່ນທ່ານສົມມາດ ພົນເສນາ ລັດຖະມົນຕີວ່າການກະຊວງໂຍທາທິການແລະຂົນສົ່ງລາວເປັນຕົ້ນແລະຜູ້ຊ່ຽວຊານຈີນແລະຕ່າງປະເທດທີ່ກ່ຽວຂ້ອງໄດ້ເຂົ້າຮ່ວມກອງປະຊຸມເທື່ອນີ້. Dr. ເອອິສ໌, ຮອງຫົວໜ້າບໍລິຫານຂອງພະແນກແຜນການເຂດຊຸມຊົນຂອງອົງການສະຫະປະຊາຊາດຊີ້ອອກວ່າ, ການຫັນເປັນແບບຕົວເມືອງຂອງຈີນແລະປະເທດອາຊຽນໄດ້ປະເຊີນກັບການທ້າທາຍຫຼາຍຢ່າງຄື: ຜົນການເຕີບໂຕຂອງເສດຖະກິດບໍ່ສາມາດແບ່ງປັນໃຫ້ປະຊາຊົນຕົວເມືອງຢ່າງສະເໝີພາບກັນ, ການພັດທະນາຂອງຕົວເມືອງຂາດພື້ນຖານໂຄງລ່າງແລະການບໍລິການອັນພຽງພໍແລະອື່ນໆ, ທັງໝົດເຫຼົ່ານີ້ລ້ວນແຕ່ຕ້ອງການລັດຖະບານແລະປະຊາຊົນຈີນແລະປະເທດອາຊຽນເພີ່ມການຮ່ວມມືແລະການຕິດຕໍ່ພົວພັນກັນຢ່າງໃກ້ຊິດ.
