ສິນຄ້າລາວບຸກເບີກຕະຫຼາດຈີນເປັນກ້າວໆ
(GMT+08:00) 2012-09-25 15:11:51 cri
ໃນຫໍວາງສະແດງລາວ, ຮ້ານທີ່ຕົບແຕ່ງໄດ້ດີກວ່າໝູ່ກໍແມ່ນຮ້ານຂາຍເບຍລາວ, ປ້າຍໂຄສະນາສີຄຳທີ່ໃຫຍ່ໂຕໄດ້ພິມຮູບທາດຫຼວງ, ປະຕູໄຊແລະແກ້ວເບຍລາວທີ່ສົດຊື່ນ. ຢູ່ໜ້າຮ້ານ, ທ່ານເຈ່ຍເວີນ ປະທານບໍລິສັດການຄ້າຊິນຮູກວງຊີຈຳກັດ ທີ່ຮັບຜິດຊອບທຸລະກິດເບຍລາວຢູ່ຈີນ ກໍມັກເບຍລາວຫຼາຍ, ເພິ່ນເວົ້າວ່າ:
ເບຍລາວມີຄຸນນະພາບດີທີ່ສຸດ, ໄດ້ໃຊ້ເຊື້ອໝັກຂອງເຢຍລະມັນ, ເຂົ້າເບຼຝຣັ່ງ, ນ້ຳທີ່ໄຫຼລົງມາຈາກສາຍພູຫິມະໄລ, ຍ້ອນວ່າລາວມີສິ່ງແວດລ້ອມທີ່ດີ, ນ້ຳທີ່ດີແລະພູທີ່ດີຈະມີເບຍທີ່ດີ, ໃນການປະກວດເມື່ອປີ2004, ເບຍລາວຖືກຍົກໃຫ້ເປັນເບຍທີ່ດີທີ່ສຸດໃນອາຊີ, ງານວາງສະແດງສິນຄ້າຈີນອາຊຽນໄດ້ຈັດເອົາເບຍລາວເປັນເບຍຂອງງານວາງສະແດງ.
ທ່ານເຈ່ຍເວີນບອກນັກຂ່າວວ່າ, ໃນງານວາງສະແດງຄັ້ງນີ້, ເບຍລາວເປັນເບຍທາງການຂອງງານວາງສະແດງເປັນຄັ້ງທຳອິດ, ໄດ້ຮັບຜົນດ້ານໂຄສະນາທີ່ດີ, ຜູ້ທີ່ມາປຶກສານຳພວກເຮົາມີຢ່າງບໍ່ຂາດ, ຈົນວ່າຍັງມີບໍລິສັດໜຶ່ງຂອງການາດາຢາກເປັນຕົວແທນຂາຍເບຍລາວ.
ເຟີນີເຈີລາວກໍຄືກັນກັບເບຍລາວ, ໄດ້ເຂົ້າສູ່ຕະຫຼາດຈີນຢ່າງສຳເລັດຜົນ. ບໍລິສັດເຟີນີເຈີຊ່າງເຊີ້ງລາວກໍແມ່ນບໍລິສັດເຟີນີເຈີຮ່ວມທຶນຈີນລາວ. ພະນັກງານທ່ານໜຶ່ງຂອງບໍລິສັດດັ່ງກ່າວບອກນັກຂ່າວວ່າ, ບໍລິສັດໄດ້ເປີດສາຂາຢູ່ສອງແຫ່ງຄືຢູ່ຄຸນມິງແລະຈຸ່ງກິ່ງແລ້ວ, ດຽວນີ້, ພວມກຽມເປີດສາຂາແຫ່ງທີສາມຢູ່ນະຄອນເສິງຕູ່. ບໍລິສັດໄດ້ຮັບຜົນກຳໄລທີ່ດີ, ລາຍຮັບຂອງເຂົາເຈົ້າກໍນັບມື້ນັບສູງຂຶ້ນ.
ແຕ່ກ່ອນໄປເຮັດວຽກຢູ່ຕ່າງແຂວງລ້ວນແຕ່ຂີ່ລົດໄຟ, ດຽວນີ້ລ້ວນແຕ່ຂີ່ຍົນໄປກັບ.
ເຟີນີເຈີລາວກໍເຮັດໃຫ້ພໍ່ແມ່ປະຊາຊົນລາວທີ່ເຮັດເຟີນີເຈີໄດ້ຮັບຜົນປະໂຫຍດຄືກັນ. ໃນຫໍວາງສະແດງ, ນັກຂ່າວໄດ້ພົບຄົນລາວຜູ້ໜຶ່ງ ທີ່ມີພີ່ນ້ອງເປັນເຈົ້າຂອງຮ້ານເຟີນີເຈີ. ລາວບອກນັກຂ່າວວ່າ:
ພາຍຫຼັງເປີດໂຮງງານຜະລິດເຟີນີເຈີແລ້ວ, ກຳມະກອນທີ່ໄປເຮັດວຽກຢູ່ໃນໂຮງງານເຟີນີເຈີກໍມີເງິນເດືອນ, ມີເງິນເດືອນແລ້ວກໍຈະມີກຳລັງແຮງໄປເຮັດວຽກຕໍ່.
ທ່ານຄຳໄພ ປະທານສະມາຄົມເຟີນີເຈີລາວມີຄວາມພິຈາລະນາເລິກເຊິ່ງກວ່າເກົ່າຕໍ່ການຮ່ວມມືໃນຂະແໜງການເຟີນີເຈີລະຫວ່າງຈີນລາວ:
ປະຈຸບັນ, ຝີມືຂອງຄົນລາວຍັງບໍ່ຄ່ອຍດີປານໃດ, ສະນັ້ນ, ພວກເຮົາຍັງຕ້ອງການນາຍຊ່າງແລະກຳມະກອນທີ່ມີຝີມືທີ່ດີຂອງຈີນໄປລາວ, ຍົກລະດັບຂອງນາຍຊ່າງແລະກຳມະກອນຂອງລາວ, ເພື່ອຜະລິດເຄື່ອງເຟີນີເຈີມີຄຸນນະພາບທີ່ດີກວ່າເກົ່າເພື່ອສົ່ງໄປຂາຍຢູ່ຈີນ.
ໃນຫໍວາງສະແດງຂອງລາວທີ່ເຕັມໄປດ້ວຍບັນຍາກາດຟົດຟື້ນນັ້ນ, ລູກຄ້າກັບເຈົ້າຂອງຮ້ານໄດ້ລົມກັນຢ່າງສະໜິດສະໜົມ, ບໍ່ວ່າແມ່ນນາງຈຳປາທີ່ມາເຂົ້າຮ່ວມງານວາງສະແດງສິນຄ້າຈີນອາຊຽນເປັນຄັ້ງທຳອິດ, ຫຼືວ່າແມ່ນທ່ານເຈ່ຍເວີນ ທີ່ພວມອອກແຮງບຸກຕະຫຼາດຈີນເພື່ອເບຍລາວ, ຫຼືວ່າ ທ່ານປຸນ ປະທານສະມາຄົມເຟີນີເຈີລາວທີ່ມີການພິຈາລະນາຕ່າງຫາກ, ງານວາງສະແດງສິນຄ້າຈີນອາຊຽນລ້ວນແຕ່ໄດ້ອຳນວຍໂອກາດທີ່ຊຸກຍູ້ການພັດທະນາວິສາຫະກິດໃຫ້ແກ່ເຂົາເຈົ້າ, ແລະງານວາງສະແດງສິນຄ້າຈີນອາຊຽນກໍເປັນເວທີທີ່ດີເພື່ອເພີ່ມທະວີການແລກປ່ຽນລະຫວ່າງສອງປະເທດ, ເຊື່ອວ່າ, ຜ່ານຈາກງານວາງສະແດງສິນຄ້າຈີນອາຊຽນ, ສິນຄ້າລາວຈະເຂົ້າສູ່ຕະຫຼາດຈີນນັບມື້ນັບຫຼາຍຂຶ້ນ, ຊີວິດການເປັນຢູ່ຂອງຄົນລາວຫຼາຍຄົນກໍຈະນັບມື້ນັບດີຂຶ້ນຍ້ອນສິນຄ້າລາວໄດ້ສົ່ງເຂົ້າໄປຂາຍຢູ່ໃນຕະຫຼາດຈີນ.
