ໂຄສົກກະຊວງປ້ອງກັນປະເທດຈີນກ່າວວ່າ,ກອງທັບຈີນຍຶດໝັ້ນການລາດຕະເວນເປັນປົກກະຕິເພື່ອກຽມສູ້ຮົບເພື່ອອຳນວຍການຮັບປະກັນດ້ານຄວາມໝັ້ນຄົງແກ່ກິດຈະການທີ່ກ່ຽວຂ້ອງ
ໃນງານຖະແຫລຂ່າວເປັນປົກກະຕິໃນວັນທີ 27 ກັນຍານີ້,ພັນເອກຢາງອີຈຸນ ໂຄສົກກະຊວງປ້ອງກັນປະເທດຈີນກ່າວວ່າ,ກອງທັບຈີນຍຶດໝັ້ນການລາດຕະເວນເປັນປົກກະຕິເພື່ອກຽມສູ້ຮົບເພື່ອອຳນວຍການຮັບປະກັນແກ່ກິດຈະກຳທີ່ກ່ຽວຂ້ອງ.
ໃນງານຖະແຫລງຂ່າວ,ມີນັກຂ່າວຖາມວ່າ:ໃນເຫດການເກາະຕ້ຽວອີ,ກອງທັບຍີ່ປຸ່ນມີການສະແດງທ່າທີລັກສະນະທາດແທ້ບາງຢ່າງ,ຝ່າຍກອງທັບຈີນໄດ້ໃຊ້ການກະທຳຫຍັງແດ່?ກ່ຽວກັບບັນຫານີ້,ທ່ານຢາງອີຈຸນຕອບວ່າ,ກອງທັບຈີນມີພາລະໜ້າທີ່ປົກປັກຮັກສາອະທິປະໄຕເໜືອດິນແດນແລະສິດປະໂຫຍດທາງທະເລຂອງຊາດແລະປົກປັກຮັກສາການອອກແຮງງານໂດຍສັນຕິຂອງປະຊາຊນ.ກອງທັບຈີນຍຶດໝັ້ນການລາດຕະເວນເປັນປົກກະຕິເພື່ອກຽມສູ້ຮົບ,ຕັ້ງໜ້າຮັບມືກັບກໍລະນີສຸເສີນທາງທະເລແລະທາງອາກາດ,ເດັດດ່ຽວປົກປັກຮັກສາອະທິປະຕໄລະສິດປະໂຫຍດທາງທະເລຂອງຊາດ.ພ້ອມກັນນັ້ນ,ກອງທັບປະສານສົມທົບກັບການກກຽມສູ້ຮົບໃນຊີວິດປະຈຳວັນ,ປະສານສົບທົບກັບພາກສ່ວນຕ່າງໆເປັນຕົ້ນແມ່ນພາກສ່ວນກວດກາທາງທະເລແລະພາກສ່ວນຄຸ້ມຄອງການປະມົງທາງທະເລແລະອື່ນໆຢ່າງໃກ້ຊິດ,ອຳນວຍການຮັບປະກັນດ້ານຄວາມໝັ້ນຄົງແກ່ການປະຕິບັດກົດໝາຍທາງທະເລ ການຜະລິດດ້ານການປະມົງບແລະການພັດທະນານ້ຳມັນແລະແກັສທຳມະຊາດແລະອື່ນໆຂອງຊາດ.
