ສະຖານທູດຈີນປະຈໍາລາວຈັດງານລ້ຽງສະເຫລີມສະຫລອງວັນຊາດຈີນຄົບຮອບ63ປີ
ຕອນແລງວັນທີ28ກັນຍານີ້,ຢູ່ທີ່ນະຄອນຫລວງວຽງຈັນ, ສະຖານທູດຈີນປະຈໍາລາວໄດ້ຈັດງານລ້ຽງສະເຫລີມສະຫລອງວັນສ້າງຕັ້ງສ.ປຈີນຄົບຮອບ63ປີ. ທ່ານນາງປູຈ້ຽນກົວ, ເອກອັກ ຄະລັດຖະທູດຈີນປະຈໍາລາວ, ທ່ານສົມສະຫວາດ ເລັ່ງສະຫວັດ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີລາວ, ພ້ອມດ້ວຍບັນດາລັດຖະມົນຕີວ່າການ,ຊ່ວຍວ່າ ການທີ່ມາຈາກກະຊວງຕ່າງໆຂອງລາວ, ທູຕານຸທູດປະເທດຕ່າງໆ, ຜູ້ຕາງໜ້າສະມາຄົມຈີນ,ຄົນຈີນຕ່າງດ້າວແລະບຸກຄົນສຳຄັນທາງສັງຄົມ.
ທ່ານປູເຈ້ຍກົວກ່າວວ່າ, ໃນໄລຍະ63ປີທີ່ຈີນໄດ້ສ້າງຕັ້ງຂຶ້ນເປັນຕົ້ນມາ, ປະເທດຈີນໄດ້ມີ ການປ່ຽນແປງແບບໜ້າມືເປັນຫຼັງມື. ໃນໄລຍະ 30 ກ່ວາປີທີ່ປະຕິບັດນະໂຍບາຍປະຕິຮູບ ແລະເປີດປະຕູ່ສູ່ພາຍນອກມານີ້, ຈີນໄດ້ພັດທະນາໄປຕາມເສັ້ນທາງສັງຄົມນິຍົມທີ່ມີສີສັນພິເສດ ຂອງຈີນໃຫ້ນັບມື້ນັບດີຂຶ້ນ. ໂດຍສະເພາະແຕ່ປີ2002ຫາ2012, ເສດຖະກິດສັງຄົມຂອງຈີນໄດ້ ພັດທະນາຢ່າງວ່ອງໄວ. ໃນ10ປີທີ່ຜ່ານມາ,ເສດຖະກິດຈີນໄດ້ເພີ່ມຂຶ້ນ10.7%ຕໍ່ປີ.
ທ່ານນາງປູ້ຈ້ຽນກົວກ່າວຕໍ່ໄປວ່າ, ໃນ6ເດືອນທໍາອິດຂອງປີນີ້, ເຖິງວ່າໄດ້ປະເຊີນກັບສະ ຖານະການເສດຖະກິດສາກົນທີ່ສັບສົນ, ແຕ່ລັດຖະບານຈີນໄດ້ຍຶດໝັ້ນການປະຕິບັດຕາມທັດ ສະນະທີ່ວ່າ"ຮັກສາຄວາມໝັ້ນທ່ຽງ, ພະຍາຍາມມີຄວາມກ້າວໜ້າ", ເສດຖະກິດແຫ່ງຊາດຈີນຈຶ່ງໄດ້ມີການພັດທະນາໄປຢ່າງໝັ້ນທ່ຽງແລະວ່ອງໄວ, GDP ຂອງຈີນໄດ້ເພີ່ມຂຶ້ນ7.8% ຖ້າທຽບກັບໄລຍະດຽວກັນຂອງປີ2011ທີ່ຜ່ານມາ.
ທ່ານປູ້ຈ້ຽນກົວຍັງຊີ້ອອກວ່າ: ປະເທດຈີນກັບປະເທດລາວເປັນເພື່ອນບ້ານໃກ້ເຮືອນຄຽງ ທີ່ດີ, ເພື່ອນມິດທີ່ດີ, ສະຫາຍທີ່ດີແລະຄູ່ຮ່ວມມືທີ່ດີ, ຈີນຍິນດີຮ່ວມກັບລາວຊຸກຍູ້ໃຫ້ສາຍພົວພັນ ມິດຕະພາບຖານເພື່ອນບ້ານໃກ້ເຮືອນຄຽງລະຫວ່າງ ຈີນ-ລາວໃຫ້ຂະຫຍາຍຕົວຢ່າງບໍ່ຢຸດຢັ້ງ, ເພື່ອສ້າງຄວາມຜາສຸກໃຫ້ແກ່ປະຊາຊົນສອງຊາດ, ປະກອບສ່ວນເຂົ້າໃນສັນຕິພາບ, ການພັດທະນາແລະຄວາມຈະເລີນຮຸ່ງເຮືອງໃນພາກພື້ນແລະທົ່ວໂລກ.
ທ່ານນາງໄດ້ກ່າວເນັ້ນວ່າ, ຈີນເດັດດ່ຽວປົກປັກຮັກສາອະທິປະໄຕ,ຄວາມໝັ້ນຄົງແລະຜືນແຜ່ນດິນອັນຄົບຖ້ວນຂອງປະເທດຊາດ, ສຸມກໍາລັງເຂົ້າໃນການແກ້ໄຂຄວາມຂັດແຍງດ້ານຜືນແຜ່ນດິນ, ນ່ານນ້ຳທະເລແລະມະຫາສະຫມຸດລະຫວ່າງຈີນກັບປະເທດທີ່ຢູ່ອ້ອມຂ້າງໂດຍຜ່ານການເຈລະຈາມິດຕະພາບ.
ໃນງານດັ່ງກ່າວ, ສະຖານທູດຈີນປະຈໍາລາວຍັງໄດ້ວາງສະແດງຮູບພາບຕ່າງໆທີ່ສ່ອງແສງເຖິງວັດທະນະທໍາຈີນອັນຫລາກຫລາຍສີສັນ, ຄູອາຈານແລະນັກຮຽນຈາກໂຮງຮຽນຫລຽວໂຕກໍ່ໄດ້ສະແດງສິລະປະວັດທະນະທໍາຂອງຈີນ, ສ້າງບັນຍາກາດຄວາມເບີກບານມ່ວນຊື່ນໃຫ້ແກ່ງານລ້ຽງຕື່ມອີກ.
