ນາຍົກລັດຖະມົນຕີຈີນກ່າວວ່າ ເດັດດ່ຽວປົກປັກຮັກສາອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນ
(ຜູ່ນຳພັກແລະລັດຖະບານຈີນທີ່ສຳຄັນເຂົ້າຮ່ວມງານລ້ຽງຮອບຮອງໃນໂອກາດວັນຊາດຈີນຄົບຮອບ 63 ປິ)
ຕອນຄ່ຳວັນທີ 29 ກັນຍານີ້,ລັດຖະບານຈີນໄດ້ຈັດງານລ້ຽງຮັບຮອງໃນໂອກາດວັນຊາດຈີນຢູ່ຫໍສະພາປະຊາຊົນເພື່ອສະເຫລີມສະຫລອງວັນສ້າງຕັ້ງສາທາລະນະລັດປະຊາຊົນຈີນຄົບຮອບ 63 ປີຢ່າງຄຶກຄຶ້ນ.
ທ່ານຫູຈີນທາວ, ທ່ານອູປາງໂກ, ທ່ານເວີນເຈ່ຍປາວ, ທ່ານເຈ່ຍຊິ້ງຫລິນ, ທ່ານຫລີຊາງຊຸນ, ທ່ານຊີຈິ້ນຜິງ, ທ່ານລີເຄີ້ສຽງ, ທ່ານເຮີ້ໂກສຽງ, ທ່ານໂຈວຢົງຄາງແລະຜູ່ນຳພັກແລະລັດທ່ານອື່ນໆພ້ອມກັບບຸກຄົນຂອງຈີນແລະຕ່າງປະເທດ 1200 ກວ່າຄົນໄດ້ເຕົ້າໂຮມກັນເພື່ອສະຫລອງວັນສຳຄັນນີ້.
ໃນເວລາກ່າວຄຳອວຍພອນ,ທ່ານເວີນເຈ່ຍປາວ, ນາຍົກລັດຖະມົນຕີຈີນກ່າວວ່າ,ຈີນຈະປະຕິບັດນະໂຍບາຍການຕ່າງປະເທດສັນຕິພາບທີ່ເປັນເອກະລາດ,ເປັນເຈົ້າຕົນເອງ,ເດັດດ່ຽວປົກປັກຮັກສາອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນ;ຮ່ວມກັບປະຊາຊົນບັນດາປະເທດທຳຄວາມພະຍາຍາມ,ເພື່ອສ້າງໂລກທີ່ກົມກຽວກັນທີ່ມີສັນຕິພາບຖາວອນແລະມີຄວາມຈະເລີຍຮຸ່ງເຮືອງຮ່ວມກັນ.
ທ່ານເວີນເຈ່ຍປາວຊີ້ອອກວ່າ, ນັບແຕ່ສ້າງຕັ້ງສ.ປຈີນໂດຍສະເພາະແມ່ນດຳເນີນການປະຕິຮູບແລະໄຂປະຕູສູ່ພາຍນອກເປັນຕົ້ນມາ, ໂສມຫນ້າຂອງປະເທດຈີນໄດ້ເກີດມີການປ່ຽນແປງປານຫນ້າມືເປັນຫລັງມື, ເສດຖະກິດໄດ້ຮັກສາການພັດທະນາຢ່າງວ່ອງໄວແລະຕໍ່ເນື່ອງ, ຊີວິດການເປັນຢູ່ຂອງປະຊາຊົນຈີນກໍ່ໄດ້ຮັບການປັບປຸງໃຫ້ດີຂຶ້ນຢ່າງເດັ່ນຊັດ,ກຳລັງສັງລວມ ແຫ່ງຊາດແລະບົດບາດໃນສາກົນກໍ່ຍົກສູງຂຶ້ນເລື້ອຍໆ.ທ່ານກ່າວວ່າ, ການສ້າງສາໃຫ້ເປັນທັນສະໄຫມຢູ່ປະເທດທີ່ພວມພັດທະນາທີ່ມີປະ ຊາກອນຫນຶ່ງຕື້ກວ່າຄົນ,ແມ່ນວຽກງານທີ່ບໍ່ເຄີຍເຮັດມາກ່ອນ, ຕ້ອງການມີການຊອກຄົ້ນຢ່າງລຳບາກ,ແຕ່ຄວາມຫຍຸ້ງຍາກໃດໆກໍ່ລ້ວນແລ້ວແຕ່ບໍ່ສາ ມາດຂັດແຂວງບາດກ້າວກ້າວໄປຫນ້າຂອງປະເທດຈີນ.
ທ່ານເວີນເຈ່ຍປາວກ່າວເນັ້ນວ່າ, ກອງປະຊຸມຜູ່ແທນທົ່ວປະເທດຂອງພັກກອມມູນິດຈີນຄັ້ງທີ 18 ຈະໄຂຂຶ້ນໃນໄວໆນີ້, ນີ້ແມ່ນກອງປະຊຸມສຳຄັນທີ່ສືບອັນກ່ອນຕໍ່ອັນລຸ່ມແລະກ້າວໄປຫນ້າເທື່ອຫນຶ່ງ.ພວກຂ້າພະເຈົ້າຈະສືບຕໍ່ຍຶດຫມັ້ນແນວທາງພື້ນຖານຂອງພັກຢ່າງສະເຫມີຕົ້ນສະເຫມີປາຍ, ເດີນຕາມເສັ້ນທາງສັງຄົມນິຍົມທີ່ມີສີສັນພິເສດຂອງຈີນຢ່າງເດັດດ່ຽວຫນຽວແຫນ້ນ.
