ເຈົ້າຫນ້າທີ່ຍີ່ປຸ່ນເຫັນວ່າການສຶກສາດ້ານປະຫວັດສາດຂອງຍີ່ປຸ່ນມີຂໍ້ຂາດຕົກບົກຜ່ອງ
(GMT+08:00) 2012-10-02 14:10:33 cri
ຕອນຄ່ຳວັນທີ 1 ຕຸລານີ້,ທີ່ຢູ່ນະຄອນຫລວງໂຕກຽວ, ນາງຕານາກາ ມາກີໂກ ລັດຖະມົນຕີວ່າການກະຊວງວັດທະນະທຳແລະວິທະຍາສາດຍີ່ປຸ່ນທີ່ຮັບຕຳແຫນ່ງໃຫມ່ກ່າວວ່າ, ການສຶກສາດ້ານປະຫວັດສາດຂອງຍີ່ປຸ່ນມີຂໍ້ຂາດຕົກບົກຜ່ອງ, ຄວນບອກເລື່ອງຈິງທາງປະຫວັດສາດຕໍ່ປະຊາຊົນຍີ່ປຸ່ນຢ່າງຮອບດ້ານ.
ໃນກອງປະຊຸມຂ່າວກ່ຽວກັບຄະນະລັດຖະບານຊຸດໃຫມ່ຂຶ້ນດຳລົງຕຳແຫນ່ງທີ່ຈັດຂຶ້ນຢູ່ສຳນັກງານນາຍົກລັດຖະມົນຕີມື້ດຽວກັນ, ນາງຕານາກາ ມາກີໂກກ່າວວ່າ, ເນື້ອໃນຂອງປະຫວັດສາດຍຸກປະຈຸບັນບອບບາງຫລາຍ. ເຖິງວ່າສຳນັກງນພິມຈຳຫນ່າຍແລະນັກການເມືອງຢູ່ພາຍໃນປະເທດຍີ່ປຸ່ນມີຄວາມເຫັນຕ່າງກັນຕໍ່ການສຶກສາດ້ານປະຫວັດສາດ, ແຕ່ຄວນສອນເລື່ອງຈິງດ້ານປະຫວັດສາດໃຫ້ຄົນລຸ່ນຫລັງຢ່າງຮອບດ້ານ, ເພື່ອໃຫ້ປະຊາຊົນພິຈາລະນາແລະຕົກລົງເອົາເອງ. ຖ້າບໍ່ດັ່ງນັ້ນ, ຄົນຍີ່ປຸ່ນລຸ່ນຫລັງຈະບໍ່ສາມາດມີທັດສະນະປະຫວັດສາດຢ່າງຖືກຕ້ອງ,ຍິງບໍ່ສາມາດມີສິດປະກອບຄຳຄິດຄຳເຫັນໃນປະຊາຄົມໂລກ.
