ໃນໄລຍະບຸນໄຫວ້ພະຈັນແລະວັນຊາດຈີນປີນີ້,ກຳປັ່ນປ້ອງກັນການປະມົງຂອງຈີນສືບຕໍ່ລາດຕະເວນເພື່ອປ້ອງກັນການປະມົງຢູ່ເຂດທະເລເກາະຕ້ຽວອີ
(GMT+08:00) 2012-10-06 13:45:52 cri
ວັນທີ 6 ຕຸລານີ້,ກະຊວງກະສິກຳຈີນລາຍງານວ່າ:ໃນໄລຍະບຸນໄຫວ້ພະຈັນແລະວັນຊາດຈີນປີນີ້,ກອງກຳປັ່ນລາດຕະເວນປ້ອງກັນການປະມົງຂອງຈີນຍັງສືບຕໍ່ປະຕິບັດໜ້າທີ່ປ້ອງກັນການປະມົງແລະປົກປັກຮັກສາສິດອະທິປະໄຕຢູ່ເຂດທະເລເກາະຕ້ຽວອີ. ນີ້ແມ່ນກອງກຳປັ່ນລາດຕະເວນປ້ອງກັນການປະມົງຂອງຈີນເດີນທາງໄປເຂດທະເລແຫ່ງນີ້ເພື່ອປ້ອງກັນການປະມົງເປັນຄັ້ງທີ 2 ນັບແຕ່ໄດ້ຟື້ນຟູການປະມົງຢູ່ທະເລຈີນຕາເວັນອອກໃນເດືອນກັນຍາແລ້ວນີ້ເປັນຕົ້ນມາ.
ບຸນໄຫວ້ພະຈັນຫາກໍ່ຜ່ານໄປ,ຊາວປະມົງຂອງແຂວງຟູຈ້ຽນແລະແຂວງເຈີ້ຈ່ຽງຂອງຈີນກໍ່ໄດ້ໄປເຂດທະເລເກາະຕ້ຽວອີເຊິ່ງເປັນເຂດຫາປາດັ້ງເດີມຂອງຈີນເພື່ອສືບຕໍ່ດຳເນີນການປະມົງຕາມຮີດຄອງປະເພນີ.ເພື່ອຮັບປະກັນຄວາມປອດໄພທາງຊີວິດແລະຊັບສິນຂອງຊາວປະມົງຢ່າງແທ້ຈິງ,ຮັກສາຄວາມເປັນລະບຽບຮຽບຮ້ອຍໃນການປະມົງ,ເພີ່ມທະວີການຄຸ້ມຄອງຕໍ່ຊັບພະຍາກອນການປະມົງ,ກອງກຳປັ່ນລາດຕະເວນປ້ອງກັນການປະມົງຂອງຈີນກໍ່ໄດ້ເດີນທາງໄປເຂດທະເລເກາະຕ້ຽວອີ,ເພື່ອປະຕິບັດໜ້າທີ່ທີ່ມີກຽດຄືປ້ອງກັນການປະມົງແລະປົກປັກຮັກສາສິດອະທິປະໄຕຕາມກົດໝາຍຢ່າງເປັນປົກກະຕິ.
ຊາວປະມົງຈີນຫວັງວ່າ,ລັດຖະບານຈະສືບຕໍ່ເພີ່ມຄວາມແຮງໃນການປ້ອງກັນການປະມົງ,ເຮັດໃຫ້ຊາວປະມົງສາມາດດຳເນີນການປະມົງຢ່າງປອດໄພຢູ່ເຂດຫາປາທີ່ດັ້ງເດີມຂອງຕົນ.
ບຸນໄຫວ້ພະຈັນຫາກໍ່ຜ່ານໄປ,ຊາວປະມົງຂອງແຂວງຟູຈ້ຽນແລະແຂວງເຈີ້ຈ່ຽງຂອງຈີນກໍ່ໄດ້ໄປເຂດທະເລເກາະຕ້ຽວອີເຊິ່ງເປັນເຂດຫາປາດັ້ງເດີມຂອງຈີນເພື່ອສືບຕໍ່ດຳເນີນການປະມົງຕາມຮີດຄອງປະເພນີ.ເພື່ອຮັບປະກັນຄວາມປອດໄພທາງຊີວິດແລະຊັບສິນຂອງຊາວປະມົງຢ່າງແທ້ຈິງ,ຮັກສາຄວາມເປັນລະບຽບຮຽບຮ້ອຍໃນການປະມົງ,ເພີ່ມທະວີການຄຸ້ມຄອງຕໍ່ຊັບພະຍາກອນການປະມົງ,ກອງກຳປັ່ນລາດຕະເວນປ້ອງກັນການປະມົງຂອງຈີນກໍ່ໄດ້ເດີນທາງໄປເຂດທະເລເກາະຕ້ຽວອີ,ເພື່ອປະຕິບັດໜ້າທີ່ທີ່ມີກຽດຄືປ້ອງກັນການປະມົງແລະປົກປັກຮັກສາສິດອະທິປະໄຕຕາມກົດໝາຍຢ່າງເປັນປົກກະຕິ.
ຊາວປະມົງຈີນຫວັງວ່າ,ລັດຖະບານຈະສືບຕໍ່ເພີ່ມຄວາມແຮງໃນການປ້ອງກັນການປະມົງ,ເຮັດໃຫ້ຊາວປະມົງສາມາດດຳເນີນການປະມົງຢ່າງປອດໄພຢູ່ເຂດຫາປາທີ່ດັ້ງເດີມຂອງຕົນ.
