ຄວາມຄືບໜ້າໃນການກະກຽມຮອບດ້ານການເປັນເຈົ້າພາບກອງປະຊຸມສຸດຍອດອາເຊັມຄັ້ງທີ 9
(GMT+08:00) 2012-10-17 15:31:47 cri
ຕອນເຊົ້າຂອງວັນທີ 15 ຕຸລານີ້ ຢູ່ທີ່ຫ້ອງປະຊຸມລັດຖະບານໄດ້ຈັດກອງປະຊຸມລາຍງານຜົນການກະກຽມຮອບດ້ານໃນການເປັນເຈົ້າພາບກອງປະຊຸມສຸດຍອດອາຊີເອີຣົບ ຄັ້ງທີ 9 ຫຼືອາເຊັມ9.ພາຍໃຕ້ການເປັນປະທານຂອງທ່ານທອງສິງ ທຳມະວົງ,ນາຍົກລັດຖະມົນຕີແຫ່ງ ສປປ ລາວ, ແລະມີບັນດາທ່ານຮອງນາຍົກລັດຖະມົນຕີ,ລັດຖະມົນຕີວ່າການແລະຊ່ວຍວ່າການ,ພະນັກງານທ່ານອື່ນໆໃນຂະແໜງການທີ່ກ່ຽວ ຂ້ອງເຂົ້າຮ່ວມ.
ກອງປະຊຸມໄດ້ຮັບຟັງການລາຍງານຄວາມຄືບໜ້າໃນການກະກຽມກອງປະຊຸມສຸດຍອດຄັ້ງນີ້ແລະປຶກສາຫາລືເພື່ອແກ້ໄຂບັນດາຂໍ້ຄົງຄ້າງຕ່າງໆຂອງ 10ອະນຸກຳມະການ.ມາຮອດປັດຈຸບັນການກະກຽມວຽກງານຂອງແຕ່ລະອະນຸກຳມະການແມ່ນສຳເລັດໂດຍ ພື້ນຖານ ແລະ ມີຄວາມພ້ອມສຳລັບການເປັນເຈົ້າພາບຈັດກອງປະຊຸມອາເຊັມຄັ້ງທີ 9 ລວມທັງການກະກຽມເນື້ອໃນ ເຫັນວ່າມີຄວາມຄືບໜ້າຫຼາຍ ແລະ ມີຄວາມສຳເລັດໂດຍພື້ນຖານ.
ໃນກອງປະຊຸມດັ່ງກ່າວ ທ່ານນາຍົກລັດຖະມົນຕີໄດ້ສະແດງຄວາມຊົມເຊີຍຕໍ່ບັນດາອະນຸກຳມະການ ທີ່ໄດ້ເອົາໃຈໃສ່ໃນການກະກຽມບັນດາວຽກງານຕ່າງໆຢ່າງຕັ້ງໜ້າ ແລະ ເຫັນໄດ້ວ່າສຳເລັດ ແລະ ມີຄວາມກຽມພ້ອມໂດຍພື້ນຖານ.ນອກນັ້ນ,ທ່ານນາຍົກຍັງໄດ້ຊີ້ນຳໃຫ້ອະນຸກຳມະການຕ່າງໆສືບຕໍ່ກະກຽມຄວາມພ້ອມໃນວຽກງານລະອຽດຕ່າງໆ ເພາະເວລາມີຄວາມຈຳກັດ ເພື່ອແນໃສ່ຮັບປະກັນໃຫ້ການຈັດກອງປະຊຸມອາເຊັມ ຄັ້ງທີ 9 ສຳເລັດຜົນຕາມຄາດໝາຍທີ່ວາງໄວ້.
ກອງປະຊຸມໄດ້ຮັບຟັງການລາຍງານຄວາມຄືບໜ້າໃນການກະກຽມກອງປະຊຸມສຸດຍອດຄັ້ງນີ້ແລະປຶກສາຫາລືເພື່ອແກ້ໄຂບັນດາຂໍ້ຄົງຄ້າງຕ່າງໆຂອງ 10ອະນຸກຳມະການ.ມາຮອດປັດຈຸບັນການກະກຽມວຽກງານຂອງແຕ່ລະອະນຸກຳມະການແມ່ນສຳເລັດໂດຍ ພື້ນຖານ ແລະ ມີຄວາມພ້ອມສຳລັບການເປັນເຈົ້າພາບຈັດກອງປະຊຸມອາເຊັມຄັ້ງທີ 9 ລວມທັງການກະກຽມເນື້ອໃນ ເຫັນວ່າມີຄວາມຄືບໜ້າຫຼາຍ ແລະ ມີຄວາມສຳເລັດໂດຍພື້ນຖານ.
ໃນກອງປະຊຸມດັ່ງກ່າວ ທ່ານນາຍົກລັດຖະມົນຕີໄດ້ສະແດງຄວາມຊົມເຊີຍຕໍ່ບັນດາອະນຸກຳມະການ ທີ່ໄດ້ເອົາໃຈໃສ່ໃນການກະກຽມບັນດາວຽກງານຕ່າງໆຢ່າງຕັ້ງໜ້າ ແລະ ເຫັນໄດ້ວ່າສຳເລັດ ແລະ ມີຄວາມກຽມພ້ອມໂດຍພື້ນຖານ.ນອກນັ້ນ,ທ່ານນາຍົກຍັງໄດ້ຊີ້ນຳໃຫ້ອະນຸກຳມະການຕ່າງໆສືບຕໍ່ກະກຽມຄວາມພ້ອມໃນວຽກງານລະອຽດຕ່າງໆ ເພາະເວລາມີຄວາມຈຳກັດ ເພື່ອແນໃສ່ຮັບປະກັນໃຫ້ການຈັດກອງປະຊຸມອາເຊັມ ຄັ້ງທີ 9 ສຳເລັດຜົນຕາມຄາດໝາຍທີ່ວາງໄວ້.
