ຫາລືຮ່າງກົດໝາຍວ່າດ້ວຍການຮ່ວມມືສາກົນທາງອາຍາ
(GMT+08:00) 2012-10-22 16:51:37 cri
ວັນທີ19ຕຸລານີ້ ຢູ່ທີ່ນະຄອນຫລວງວຽງຈັນ ກະຊວງຍຸຕິທຳຮ່ວມກັບອົງການສະ ຫະປະຊາຊາດ ວ່າດ້ວຍຢາເສດຕິດ ແລະ ອາດຊະຍາກຳ ຫຼື UNODC ໄດ້ຈັດກອງ ປະຊຸມຄົ້ນຄົ້ວປຶກສາຫາລືກ່ຽວກັບຮ່າງກົດໝາຍວ່າດ້ວຍການຮ່ວມມືສາກົນທາງອາຍາ ແລະ ກົດໝາຍວ່າດ້ວຍການໂອນຕົວນັກໂທດ ໂດຍການເປັນປະທານຂອງທ່ານນາງ ບຸນພອນ ເຮືອງມະນີ ຫົວໜ້າກົມກົດໝາຍ ກະຊວງຍຸດຕິທຳ ມີຜູ້ຊ່ຽວຊານກ່ຽວກັບ ການປ້ອງກັນອາດຊະຍາກຳ ປະຈຳອົງການ UNODC ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມ.
ທ່ານນາງບຸນພອນ ເຮືອງມະນີ ກ່າວວ່າ ການພັດທະນາລັດແຫ່ງກົດໝາຍ ເປັນວຽກງານທີ່ສຳຄັນ ຊື່ງຕິດພັນກັບທຸກຂະແໜງການ ລວມເຖິງການເຊື່ອມໂຍງກັບຂົງເຂດພາກພື້ນ ແລະ ສາກົນ ໂດຍສະເພາະລາວ ກຳລັງກຽມເຂົ້າເປັນສະມາຊິກຂອງອົງການການຄ້າໂລກ ໃນມໍ່ໆນີ້ ແລະ ການເຂົ້າເປັນປະຊາຄົມເສດຖະກິດອາຊ້ຽນ ໃນປີ 2015 ທັງການປະຕິບັດຕາມສັນຍາ ສົນທິສັນຍາສາກົນທີ່ລາວ ເປັນພາຄີ ໂດຍເຫັນໄດ້ຄວາມສຳຄັນດັ່ງກ່າວ ໃນໄລຍະຜ່ານມາ ລັດຖະບານ ລາວ ໄດ້ສ້າງ ແລະ ປັບປຸງກົດໝາຍຫຼາຍສະບັບ ເພື່ອສອດຄ່ອງກັບສົນທິສັນຍາສາກົນ ທີ່ລາວເປັນພາຄີ, ເປັນຕົ້ນການຕ້ານອາດຊະຍາກຳຂ້າມຊາດ ທີ່ມີການຈັດຕັ້ງປະຕິບັດຕາມລັດຖະບັນຍັດ ຂອງປະທານປະເທດ, ນອກນີ້ກອງປະຊຸມຍັງໄດ້ຄົ້ນຄົ້ວປຶກສາຫາລື ແລະ ປະກອບຄຳເຫັນໃສ່ກົດໝາຍວ່າດ້ວຍການຮ່ວມມືສາກົນທາງອາຍາ ແລະ ຮ່າງກົດໝາຍວ່າດ້ວຍການໂອນຕົວນັກໂທດ ເພື່ອເຮັດໃຫ້ຮ່າງກົດໝາຍ 2 ສະບັບມີເນື້ອໃນຮັດກຸມຄົບຖ້ວນສົມບູນຂື້ນຕື່ມ.
ທ່ານນາງບຸນພອນ ເຮືອງມະນີ ກ່າວວ່າ ການພັດທະນາລັດແຫ່ງກົດໝາຍ ເປັນວຽກງານທີ່ສຳຄັນ ຊື່ງຕິດພັນກັບທຸກຂະແໜງການ ລວມເຖິງການເຊື່ອມໂຍງກັບຂົງເຂດພາກພື້ນ ແລະ ສາກົນ ໂດຍສະເພາະລາວ ກຳລັງກຽມເຂົ້າເປັນສະມາຊິກຂອງອົງການການຄ້າໂລກ ໃນມໍ່ໆນີ້ ແລະ ການເຂົ້າເປັນປະຊາຄົມເສດຖະກິດອາຊ້ຽນ ໃນປີ 2015 ທັງການປະຕິບັດຕາມສັນຍາ ສົນທິສັນຍາສາກົນທີ່ລາວ ເປັນພາຄີ ໂດຍເຫັນໄດ້ຄວາມສຳຄັນດັ່ງກ່າວ ໃນໄລຍະຜ່ານມາ ລັດຖະບານ ລາວ ໄດ້ສ້າງ ແລະ ປັບປຸງກົດໝາຍຫຼາຍສະບັບ ເພື່ອສອດຄ່ອງກັບສົນທິສັນຍາສາກົນ ທີ່ລາວເປັນພາຄີ, ເປັນຕົ້ນການຕ້ານອາດຊະຍາກຳຂ້າມຊາດ ທີ່ມີການຈັດຕັ້ງປະຕິບັດຕາມລັດຖະບັນຍັດ ຂອງປະທານປະເທດ, ນອກນີ້ກອງປະຊຸມຍັງໄດ້ຄົ້ນຄົ້ວປຶກສາຫາລື ແລະ ປະກອບຄຳເຫັນໃສ່ກົດໝາຍວ່າດ້ວຍການຮ່ວມມືສາກົນທາງອາຍາ ແລະ ຮ່າງກົດໝາຍວ່າດ້ວຍການໂອນຕົວນັກໂທດ ເພື່ອເຮັດໃຫ້ຮ່າງກົດໝາຍ 2 ສະບັບມີເນື້ອໃນຮັດກຸມຄົບຖ້ວນສົມບູນຂື້ນຕື່ມ.
