ບຸນຊ່ວງເຮືອປະເພນີທ່າວັດຈັນປີນີ້ຈະມີຫຼາຍກິດຈະກໍາເພື່ອສ້າງບັນຍາກາດຢ່າງຄຶກຄື້ນ
(GMT+08:00) 2012-10-22 17:20:36 cri
ໃນວັນທີ 19 ຕຸລານີ້, ທີ່ນະຄອນຫຼວງວຽງຈັນ, ທ່ານ ສາຍທອງ ແກ້ວດວງດີ,ຮອງເຈົ້າຄອງນະຄອນຫຼວງວຽງຈັນໄດ້ຖະແຫຼງຂ່າວຕໍ່ສື່ມວນຊົນວ່າ: ການກະກຽມຈັດບຸນຊ່ວງເຮືອ ແລະບຸນອອກພັນສາປະວໍລະນາປະຈໍາປີ ພສ 2555 ນີ້ຈະມີບັນຍາກາດຄຶກຄື້ນກວ່າປີຜ່ານມາ. ອົງການປົກຄອງນະຄອງຫຼວງໄດ້ກໍານົດເອົາຈຸດໃຈກາງຂອງບຸນຢູ່ທ່າວັດຈັນຂະຫຍາຍໄປ 2 ເມືອງຄື: ເມືອງສີໂຄດຕະບອງເລີ່ມແຕ່ໂຮງແຮມລີເວີວີວລົງມາທ່າວັດຈັນ ແລະ ເມືອງຈັນທະບູລີແມ່ນເລີ່ມແຕ່ໂຮງໝໍມະໂຫສົດຂື້ນເມືອທ່າວັດຈັນ ແລະເພື່ອຮັກສາຄວາມສະຫງົບ ແລະຄວາມເປັນລະບຽບຮຽບຮ້ອຍ, ອະນຸກໍາມະການປ້ອງກັນຊາດປ້ອງກັນຄວາມສະຫງົບໄດ້ວາງແຜນປ້ອງກັນຕາມເສັ້ນທາງຕ່າງໆເປັນທີ່ຮຽບຮ້ອຍແລ້ວ.
ກ່ຽວກັບແຜນການຊ່ວງເຮືອນັ້ນ, ອະນຸກໍາມະການກິລາ ແລະຈັດງານບຸນເຮືອປະເພນີ ໄດ້ຮັບການລົງທະບຽນ ແລະແຈ້ງເຈດຈໍານົງການເຂົ້າຮ່ວມຈາກເຈົ້າຂອງເຮືອຊ່ວງແລ້ວຈຳ ນວນ30ລໍາ, ໃນນັ້ນເຮືອປະເພນີຊາຍ 16 ລໍາ, ເຮືອປະເພນີຍິງ 8 ລໍາ, ເຮືອສູດ 6 ລໍາ ນອກນັ້ນ, ຍັງມີການແຂ່ງຂັນເຮືອກິລາ 12 ສີພາຍທັງປະເພດຍິງ-ຊາຍຕື່ມອີກ,ພ້ອມ ດຽວກັນນັ້ນກໍຍັງມີກິດຈະກໍາໄຫຼເຮືອໄຟ ແລະກິດຈະກໍາອື່ນໆອີກຫຼາຍຢ່າງ.
ໄລຍະຈັດບຸນອອກພັນສາປະວໍວະນາແລະຊ່ວງເຮືອທີ່ທ່າວັດຈັນປີນີ້ແມ່ນເລີ່ມແຕ່ວັນທີ 28-31 ຕຸລານີ້,ສ່ວນການຄົບງັນແມ່ນເລີ່ມແຕ່ວັນທີ25ຕຸລານີ້ເປັນຕົ້ນໄປ.
ກ່ຽວກັບແຜນການຊ່ວງເຮືອນັ້ນ, ອະນຸກໍາມະການກິລາ ແລະຈັດງານບຸນເຮືອປະເພນີ ໄດ້ຮັບການລົງທະບຽນ ແລະແຈ້ງເຈດຈໍານົງການເຂົ້າຮ່ວມຈາກເຈົ້າຂອງເຮືອຊ່ວງແລ້ວຈຳ ນວນ30ລໍາ, ໃນນັ້ນເຮືອປະເພນີຊາຍ 16 ລໍາ, ເຮືອປະເພນີຍິງ 8 ລໍາ, ເຮືອສູດ 6 ລໍາ ນອກນັ້ນ, ຍັງມີການແຂ່ງຂັນເຮືອກິລາ 12 ສີພາຍທັງປະເພດຍິງ-ຊາຍຕື່ມອີກ,ພ້ອມ ດຽວກັນນັ້ນກໍຍັງມີກິດຈະກໍາໄຫຼເຮືອໄຟ ແລະກິດຈະກໍາອື່ນໆອີກຫຼາຍຢ່າງ.
ໄລຍະຈັດບຸນອອກພັນສາປະວໍວະນາແລະຊ່ວງເຮືອທີ່ທ່າວັດຈັນປີນີ້ແມ່ນເລີ່ມແຕ່ວັນທີ 28-31 ຕຸລານີ້,ສ່ວນການຄົບງັນແມ່ນເລີ່ມແຕ່ວັນທີ25ຕຸລານີ້ເປັນຕົ້ນໄປ.
