ຫລາຍບໍລິສັດໃນອາຊີ-ເອີຣົບເຂົ້າຮ່ວມກອງປະຊຸມພາກທຸລະກິດຄັ້ງທີ 13
(GMT+08:00) 2012-10-26 16:04:16 cri
ໃນວັນທີ 25 ຕຸລານີ້ ທ່ານ ໂອເດດ ສຸວັນນະວົງ ຮອງປະທານສະພາການຄ້າ ແລະ ອຸດສາຫະກຳໄດ້ຕາງໜ້າຄະນະກຳມະການກະກຽມກອງປະຊຸມພາກທຸລະກິດ ອາຊີ-ເອີຣົບຄັ້ງທີ 13 ແຈ້ງໃຫ້ຊາບວ່າ: ໃນວັນທີ 3-5 ພະຈິກທີ່ຈະມາເຖິງນີ້ຢູ່ນະຄອນຫລວງວຽງຈັນ ຈະໄດ້ມີການຈັດກອງປະຊຸມພາກທຸລະກິດ ອາຊີ-ເອີຣົບ ຄັ້ງທີ 13 ໂດຍ ສປປ ລາວຈະໄດ້ເປັນເຈົ້າພາບໃນການຈັດກອງປະຊຸມໃນຄັ້ງນີ້ ຊຶ່ງຜູ້ເຂົ້າຮ່ວມກອງປະຊຸມຈະມີປະມານ 300 ກວ່າຄົນໃນທົ່ວໂລກ, ໃນນັ້ນ ມີບັນດາບໍລິສັດປະມານ 200 ກວ່າບໍລິສັດທັງໃນອາຊີ ແລະ ເອີຣົບ ໃຫ້ຄວາມສົນໃຈເຂົ້າຮ່ວມ
ທ່ານກ່າວວ່າ: ມາຮອດປັດຈຸບັນການກະກຽມໃຫ້ແກ່ກອງປະຊຸມດັ່ງກ່າວ ແມ່ນມີຄວາມພ້ອມຫລາຍກວ່າ 90% ແລ້ວ ແລະ ສຳລັບເນື້ອໃນທີ່ກະກຽມສະເໜີຕໍ່ກອງປະຊຸມແມ່ນສຳເລັດແລ້ວ, ໃນນັ້ນຈະເວົ້າເຖິງສະພາບເສດຖະກິດຂອງໂລກ, ການຮ່ວມມືດ້ານເສດຖະກິດ, ຄວາມຄືບໜ້າໃນການຊອກຫາວິທີການແກ້ໄຂວິກິດການຂອງໂລກ, ການແລກປ່ຽນການຄ້າການລົງທຶນ ໂດຍເລັ່ງໃສ່ພາກພື້ນແມ່ນ້ຳຂອງ ນອກນັ້ນ ຈະໄດ້ເວົ້າເຖິງສະພາບການທາງການເງີນການຊອກຫາແຫລ່ງ ລົງທຶນ ເພື່ອມາພັດທະນາປະເທດຊາດ ແລະ ການຮ່ວມມືຈາກລັດ ແລະ ເອກະຊົນເພື່ອຊອກຫາແຫລ່ງທຶນ ແລະ ມີເນື້ອໃນກ່ຽວກັບໜ້າທີບໍລິສັດທຸລະກິດຕ່າງໆຕໍ່ສັງຄົມ, ສິ່ງແວດລ້ອມ ໂດຍແຍກເປັນບັນຫາຍ່ອຍທີ່ຈະປຶກສາຫາລືເປັນຕົ້ນແມ່ນກ່ຽວກັບທຸລະກິດ, ສະພາບແວດລ້ອມ ແລະ ຕ້ານໄພອຶດຫິວຢູ່ໃນໂລກ
ທ່ານກ່າວວ່າ: ມາຮອດປັດຈຸບັນການກະກຽມໃຫ້ແກ່ກອງປະຊຸມດັ່ງກ່າວ ແມ່ນມີຄວາມພ້ອມຫລາຍກວ່າ 90% ແລ້ວ ແລະ ສຳລັບເນື້ອໃນທີ່ກະກຽມສະເໜີຕໍ່ກອງປະຊຸມແມ່ນສຳເລັດແລ້ວ, ໃນນັ້ນຈະເວົ້າເຖິງສະພາບເສດຖະກິດຂອງໂລກ, ການຮ່ວມມືດ້ານເສດຖະກິດ, ຄວາມຄືບໜ້າໃນການຊອກຫາວິທີການແກ້ໄຂວິກິດການຂອງໂລກ, ການແລກປ່ຽນການຄ້າການລົງທຶນ ໂດຍເລັ່ງໃສ່ພາກພື້ນແມ່ນ້ຳຂອງ ນອກນັ້ນ ຈະໄດ້ເວົ້າເຖິງສະພາບການທາງການເງີນການຊອກຫາແຫລ່ງ ລົງທຶນ ເພື່ອມາພັດທະນາປະເທດຊາດ ແລະ ການຮ່ວມມືຈາກລັດ ແລະ ເອກະຊົນເພື່ອຊອກຫາແຫລ່ງທຶນ ແລະ ມີເນື້ອໃນກ່ຽວກັບໜ້າທີບໍລິສັດທຸລະກິດຕ່າງໆຕໍ່ສັງຄົມ, ສິ່ງແວດລ້ອມ ໂດຍແຍກເປັນບັນຫາຍ່ອຍທີ່ຈະປຶກສາຫາລືເປັນຕົ້ນແມ່ນກ່ຽວກັບທຸລະກິດ, ສະພາບແວດລ້ອມ ແລະ ຕ້ານໄພອຶດຫິວຢູ່ໃນໂລກ
