ຫົວໜ້າຜູ້ຊ່ຽວຊານການຄ້າອາຊຽນຂອງຈີນໃຫ້ຄຳອະທິບາຍຄວາມໝາຍຫຼາຍດ້ານໃນການເຂົ້າເປັນສະມາຊິກອົງການການຄ້າໂລກຂອງລາວ
(GMT+08:00) 2012-10-26 18:46:12 cri
ລາວຈະເຂົ້າເປັນສະມາຊິກອົງການການຄ້າໂລກຫຼືWTOໃນວັນທີ26ຕຸລານີ້,ແລະກາຍເປັນສະມາຊິກທີ158ຂອງອົງການWTO.ທ່ານສູນິງໆ ຫົວໜ້າຜູ້ຊ່ຽວຊານການຄ້າອາຊຽນຂອງຈີນ,ຮອງເລຂາທິການຝ່າຍຈີນຂອງສະພາມົນຕີການຄ້າຈີນ-ອາຊຽນໄດ້ໃຫ້ສຳພາດຕໍ່ນັກຂ່າວວິທະຍຸສາກົນແຫ່ງປະເທດຈີນຫຼືCRIໃນວັນທີ25ຕຸລານີ້ ວ່າ:ລາວເຂົ້າເປັນສະມາຊິກອົງການການຄ້າໂລກບໍ່ພຽງແຕ່ຈະມີຄວາມໝາຍສຳຄັນຕໍ່ການພັດທະນາເສດຖະກິດສັງຄົມຂອງລາວເທົ່ານັ້ນ,ເວົ້າສຳລັບການສ້າງເສດຖະກິດອາຊຽນໃຫ້ເຊື່ອມໂຍງເຂົ້າກັນແລະການຮ່ວມມືທາງດ້ານເສດຖະກິດການຄ້າລະຫວ່າງຈີນກັບລາວແລ້ວກໍ່ມີຄວາມໝາຍສຳຄັນເຊັ່ນກັນ.
ມີທັດສະນະອັນໜຶ່ງເຫັນວ່າ,ລາວເຂົ້າເປັນສະມາຊິກອົງການການຄ້າໂລກແມ່ນມີຄວາມໝາຍທາງດ້ານການເມືອງຫຼາຍກວ່າຄວາມໝາຍທາງດ້ານເສດຖະກິດ.ທ່ານສູນິງໆຊີ້ອອກວ່າ:ທັດສະນະແນວນີ້ແນວຄິດທີ່ບໍ່ຮອບຄອບ,ທ່ານກ່າວວ່າ:
"ລາວເຂົ້າເປັນສະມາຊິກອົງການການຄ້າໂລກມີຜົນດີຕໍ່ລາວໃນການເປີດປະຕູສູ່ພາຍນອກຢ່າງຮອບດ້ານແລະກ້າວສູ່ລວງເລິກຫຼາຍກວ່າເກົ່າ,ມີຜົນດີຕໍ່ການພັດທະນາເສດຖະກິດຂອງລາວກໍ່ຄືລາວຈະເສີມຂະຫຍາຍບົດບາດວຽກງານຂອງຕົນຢູ່ໃນພາກພື້ນຫຼາຍກວ່າເກົ່າ,ສະນັ້ນຈິ່ງບໍ່ສາມາດເວົ້າແບບງ່າຍໆໄດ້ວ່າລາວເຂົ້າເປັນສະມາຊິກອົງການການຄ້າໂລກມີຄວາມໝາຍທາງດ້ານການເມືອງຫຼາຍກວ່າຄວາມໝາຍທາງດ້ານເສດຖະກິດ."
ສຳນັກງານອົງການສະຫະປະຊາຊາດປະຈຳລາວກ່າວໃນຫວ່າງມໍ່ໆນີ້ວ່າ,ລາວແມ່ນໜຶ່ງໃນ10ປະເທດທີ່ນຳໜ້າດ້ານການພັດທະນາເສດຖະກິດຂອງໂລກໃນປະຈຸບັນ,ເສດຖະກິດແລະສັງຄົມລາວໄດ້ມີການພັດທະນາແບບກ້າວກະໂດດ.ນັບແຕ່ປີ2001ຫາປີ2011,ລວມຍອດຜະລິດຕະພັນພາຍໃນຂອງປະເທດລາວໄດ້ເພີ່ມຂຶ້ນເປັນ2ເທົ່າຕົວ,ການເຕີບໃຫ່ຍຂະຫຍາຍຕົວດ້ານເສດຖະກິດປະຈຳປີສະເລ່ຍແລ້ວຢູ່ໃນລະດັບຫຼາຍກວ່າ7%ໃນໄລຍະເວລາດຽວກັນ. ປະເທດລາວຍັງສາມາດບັນລຸຄາດໝາຍເປົ້າໝາຍສະຫັດສະວັດເພື່ອການພັດທະນາເຊັ່ນ:ການຫຼຸດຜ່ອນຄວາມທຸກຍາກໃຫ້ໄດ້ພາຍໃນປີ 2015.ກ່ອນໜ້າທີ່ທ່ານສູນິງໆໃຫ້ສຳພາດຕໍ່ນັກຂ່າວວິທະຍຸພວກເຮົາມື້ໜຶ່ງ,ທ່ານຫາກໍ່ກັບຄືນປະເທດຈີນພາຍຫຼັງໄດ້ສຳເລັດການໄປທັດສະນະສຶກສາຢູ່ເຂດເສດຖະກິດບໍ່ເຕັນຂອງລາວໂດຍໄດ້ສຳຜັດຕົວຈິງກັບການເປີດປະຕູສູ່ພາຍນອກຂອງລາວທີ່ໄດ້ຊຸກຍູ້ການພັດທະນາການເຕີບໂຕທາງດ້ານເສດຖະກິດດ້ວຍຕົວຂອງທ່ານເອງ.ທ່ານກ່າວວ່າ:
"ໃນສົກງົບປະມານຜ່ານມາ,ການເຕີບໂຕທາງດ້ານGDPຂອງລາວແມ່ນ8,5%ຊຶ່ງເປັນຕົວເລກສູງສຸດໃນພາກພື້ນອາຊີອາຄະເນ,ນີ້ໄດ້ສະແດງໃຫ້ເຫັນຢ່າງເຕັມທີ່ເຖິງຄວາມສາມາດບົ່ມຊ້ອນຂອງລາວໃນການພັດທະນາເສດຖະກິດແບບໄຂປະຕູສູ່ພາຍນອກ"
ທ່ານສູນິງໆຍັງກ່າວວ່າ:ເຖິງຈະໄດ້ປະເຊີນກັບຄວາມຫຍຸ້ງຍາກແລະສິ່ງທ້າທາຍຕ່າງໆກໍ່ຕາມ,ແຕ່ເຊື່ອໝັ້ນວ່າລາວກໍ່ຄືກັນກັບປະເທດອື່ນໆໃນອາຊຽນທີ່ໄດ້ເຂົ້າເປັນສະມາຊິກອົງການການຄ້າໂລກມາແລ້ວນັ້ນຈະສາມາດຜ່ານຜ່າຂະບວນການຈາກຄວາມຂັດຂ້ອງໝອງໃຈໃນເວລາເຂົ້າເປັນສະມາຊິກອົງການການຄ້າໂລກກາຍມາເປັນການໄດ້ຮັບຜົນສຳເລັດຍ້ອນເຂົ້າເປັນສະມາຊິກອົງການການຄ້າໂລກ.ທ່ານກ່າວວ່າ:
"ການພັດທະນາທາງດ້ານເສດຖະກິດຂອງຫວຽດນາມແລະກຳປູເຈຍແມ່ນຢູ່ໃນລະດັບອັນດຽວກັນກັບລາວ,ທຳອິດ,ເຂົາເຈົ້າກໍ່ມີຄວາມເປັນຫ່ວງຄືແນວນີ້ເຊັ່ນກັນ,ໂດຍສະເພາະແມ່ນຫວຽດນາມໃນຖານະເປັນປະເທດສັງຄົມນິຍົມ,ເປັນຫ່ວງທີ່ສຸດວ່າລະບົບເສດຖະກິດຂອງປະເທດຕົນບໍ່ສາມາດສອດຄ່ອງກັບລະບຽບການໃໝ່ຂອງເສດຖະກິດໂລກ,ໂດຍສະເພາະແມ່ນຢ້ານວ່າອຸດສາຫະກຳຂອງປະເທດຕົນຈະບໍ່ສາມາດແຂ່ງຂັນກັບບໍລິສັດຂ້າມຊາດໄດ້.ແຕ່ພຶດຕິກຳຕົວຈິງໄດ້ຢັ້ງຢືນແລ້ວວ່າ,ຫວຽດນາມແລະກຳປູເຈຍລ້ວນແຕ່ໄດ້ຜ່ານຜ່າໄລຍະທົດສອບແນວນີ້ໄດ້ຢ່າງສຳເລັດຜົນ,ພ້ອມດຽວກັນນັ້ນຍັງໄດ້ຮັບຜົນປະໂຫຍດອັນໃຫຍ່ຫຼວງທີ່ໄດ້ມາຈາກການເຂົ້າເປັນສະມາຊິກອົງການການຄ້າໂລກ."
ທ່ານສູນິງໆເຫັນວ່າ,ໃນຖານະເປັນປະເທດສຸດທ້າຍຂອງອາຊຽນທີ່ເຂົ້າເປັນສະມາຊິກອົງການການຄ້າໂລກ,ລາວເຂົ້າເປັນສະມາຊິກອົງການການຄ້າໂລກມີຄວາມໝາຍສຳຄັນຫຼາຍບໍ່ວ່າໃນດ້ານການສ້າງເສດຖະກິດອາຊຽນໃຫ້ເຊື່ອມໂຍງເຂົ້າກັນກໍ່ຄືການພັດທະນາເຂດການຄ້າເສລີຈີນ-ອາຊຽນ.ທ່ານກ່າວວ່າ:
"ເຂົ້າເປັນສະມາຊິກອົງການການຄ້າໂລກ,ແນ່ນອນແລ້ວຕ້ອງຮຽກຮ້ອງໃຫ້ສະມາຊິກຂອງອົງການນີ້ໃຫ້ໄດ້ມາດຕະຖານທີ່ກ່ຽວຂ້ອງໃນການເປີດປະຕູສູ່ພາຍນອກ,ໃຫ້ສອດຄ່ອງກັບການດຳເນີນງານຂອງລະບຽບການໄຂປະຕູສູ່ພາຍນອກ.ການເຂົ້າເປັນສະມາຊິກອົງການການຄ້າໂລກມີຜົນດີຕໍ່ການຮ່ວມມືລະຫວ່າງລາວກັບ9ປະເທດສະມາຊິກຂອງອາຊຽນ,ຊຸກຍູ້ການສ້າງປະຊາຄົມເສດຖະກິດອາຊຽນ,ແລະຮ່ວມກັບປະເທດສະມາຊິກອື່ນໆຂອງອາຊຽນປະຕິບັດສັນຍາການຄ້າເສລີກັບຍີ່ປຸ່ນ,ສ.ເກົາຫຼີ,ອົສຕຼາລີ,ສີລັງກາ,ອິນເດຍແລະຈີນໃຫ້ໄດ້ຮັບຜົນສຳເລັດພາຍໃຕ້ຂອບເຂດການຄ້າເສລີອາຊຽນ."
ມີທັດສະນະອັນໜຶ່ງເຫັນວ່າ,ລາວເຂົ້າເປັນສະມາຊິກອົງການການຄ້າໂລກແມ່ນມີຄວາມໝາຍທາງດ້ານການເມືອງຫຼາຍກວ່າຄວາມໝາຍທາງດ້ານເສດຖະກິດ.ທ່ານສູນິງໆຊີ້ອອກວ່າ:ທັດສະນະແນວນີ້ແນວຄິດທີ່ບໍ່ຮອບຄອບ,ທ່ານກ່າວວ່າ:
"ລາວເຂົ້າເປັນສະມາຊິກອົງການການຄ້າໂລກມີຜົນດີຕໍ່ລາວໃນການເປີດປະຕູສູ່ພາຍນອກຢ່າງຮອບດ້ານແລະກ້າວສູ່ລວງເລິກຫຼາຍກວ່າເກົ່າ,ມີຜົນດີຕໍ່ການພັດທະນາເສດຖະກິດຂອງລາວກໍ່ຄືລາວຈະເສີມຂະຫຍາຍບົດບາດວຽກງານຂອງຕົນຢູ່ໃນພາກພື້ນຫຼາຍກວ່າເກົ່າ,ສະນັ້ນຈິ່ງບໍ່ສາມາດເວົ້າແບບງ່າຍໆໄດ້ວ່າລາວເຂົ້າເປັນສະມາຊິກອົງການການຄ້າໂລກມີຄວາມໝາຍທາງດ້ານການເມືອງຫຼາຍກວ່າຄວາມໝາຍທາງດ້ານເສດຖະກິດ."
ສຳນັກງານອົງການສະຫະປະຊາຊາດປະຈຳລາວກ່າວໃນຫວ່າງມໍ່ໆນີ້ວ່າ,ລາວແມ່ນໜຶ່ງໃນ10ປະເທດທີ່ນຳໜ້າດ້ານການພັດທະນາເສດຖະກິດຂອງໂລກໃນປະຈຸບັນ,ເສດຖະກິດແລະສັງຄົມລາວໄດ້ມີການພັດທະນາແບບກ້າວກະໂດດ.ນັບແຕ່ປີ2001ຫາປີ2011,ລວມຍອດຜະລິດຕະພັນພາຍໃນຂອງປະເທດລາວໄດ້ເພີ່ມຂຶ້ນເປັນ2ເທົ່າຕົວ,ການເຕີບໃຫ່ຍຂະຫຍາຍຕົວດ້ານເສດຖະກິດປະຈຳປີສະເລ່ຍແລ້ວຢູ່ໃນລະດັບຫຼາຍກວ່າ7%ໃນໄລຍະເວລາດຽວກັນ. ປະເທດລາວຍັງສາມາດບັນລຸຄາດໝາຍເປົ້າໝາຍສະຫັດສະວັດເພື່ອການພັດທະນາເຊັ່ນ:ການຫຼຸດຜ່ອນຄວາມທຸກຍາກໃຫ້ໄດ້ພາຍໃນປີ 2015.ກ່ອນໜ້າທີ່ທ່ານສູນິງໆໃຫ້ສຳພາດຕໍ່ນັກຂ່າວວິທະຍຸພວກເຮົາມື້ໜຶ່ງ,ທ່ານຫາກໍ່ກັບຄືນປະເທດຈີນພາຍຫຼັງໄດ້ສຳເລັດການໄປທັດສະນະສຶກສາຢູ່ເຂດເສດຖະກິດບໍ່ເຕັນຂອງລາວໂດຍໄດ້ສຳຜັດຕົວຈິງກັບການເປີດປະຕູສູ່ພາຍນອກຂອງລາວທີ່ໄດ້ຊຸກຍູ້ການພັດທະນາການເຕີບໂຕທາງດ້ານເສດຖະກິດດ້ວຍຕົວຂອງທ່ານເອງ.ທ່ານກ່າວວ່າ:
"ໃນສົກງົບປະມານຜ່ານມາ,ການເຕີບໂຕທາງດ້ານGDPຂອງລາວແມ່ນ8,5%ຊຶ່ງເປັນຕົວເລກສູງສຸດໃນພາກພື້ນອາຊີອາຄະເນ,ນີ້ໄດ້ສະແດງໃຫ້ເຫັນຢ່າງເຕັມທີ່ເຖິງຄວາມສາມາດບົ່ມຊ້ອນຂອງລາວໃນການພັດທະນາເສດຖະກິດແບບໄຂປະຕູສູ່ພາຍນອກ"
ທ່ານສູນິງໆຍັງກ່າວວ່າ:ເຖິງຈະໄດ້ປະເຊີນກັບຄວາມຫຍຸ້ງຍາກແລະສິ່ງທ້າທາຍຕ່າງໆກໍ່ຕາມ,ແຕ່ເຊື່ອໝັ້ນວ່າລາວກໍ່ຄືກັນກັບປະເທດອື່ນໆໃນອາຊຽນທີ່ໄດ້ເຂົ້າເປັນສະມາຊິກອົງການການຄ້າໂລກມາແລ້ວນັ້ນຈະສາມາດຜ່ານຜ່າຂະບວນການຈາກຄວາມຂັດຂ້ອງໝອງໃຈໃນເວລາເຂົ້າເປັນສະມາຊິກອົງການການຄ້າໂລກກາຍມາເປັນການໄດ້ຮັບຜົນສຳເລັດຍ້ອນເຂົ້າເປັນສະມາຊິກອົງການການຄ້າໂລກ.ທ່ານກ່າວວ່າ:
"ການພັດທະນາທາງດ້ານເສດຖະກິດຂອງຫວຽດນາມແລະກຳປູເຈຍແມ່ນຢູ່ໃນລະດັບອັນດຽວກັນກັບລາວ,ທຳອິດ,ເຂົາເຈົ້າກໍ່ມີຄວາມເປັນຫ່ວງຄືແນວນີ້ເຊັ່ນກັນ,ໂດຍສະເພາະແມ່ນຫວຽດນາມໃນຖານະເປັນປະເທດສັງຄົມນິຍົມ,ເປັນຫ່ວງທີ່ສຸດວ່າລະບົບເສດຖະກິດຂອງປະເທດຕົນບໍ່ສາມາດສອດຄ່ອງກັບລະບຽບການໃໝ່ຂອງເສດຖະກິດໂລກ,ໂດຍສະເພາະແມ່ນຢ້ານວ່າອຸດສາຫະກຳຂອງປະເທດຕົນຈະບໍ່ສາມາດແຂ່ງຂັນກັບບໍລິສັດຂ້າມຊາດໄດ້.ແຕ່ພຶດຕິກຳຕົວຈິງໄດ້ຢັ້ງຢືນແລ້ວວ່າ,ຫວຽດນາມແລະກຳປູເຈຍລ້ວນແຕ່ໄດ້ຜ່ານຜ່າໄລຍະທົດສອບແນວນີ້ໄດ້ຢ່າງສຳເລັດຜົນ,ພ້ອມດຽວກັນນັ້ນຍັງໄດ້ຮັບຜົນປະໂຫຍດອັນໃຫຍ່ຫຼວງທີ່ໄດ້ມາຈາກການເຂົ້າເປັນສະມາຊິກອົງການການຄ້າໂລກ."
ທ່ານສູນິງໆເຫັນວ່າ,ໃນຖານະເປັນປະເທດສຸດທ້າຍຂອງອາຊຽນທີ່ເຂົ້າເປັນສະມາຊິກອົງການການຄ້າໂລກ,ລາວເຂົ້າເປັນສະມາຊິກອົງການການຄ້າໂລກມີຄວາມໝາຍສຳຄັນຫຼາຍບໍ່ວ່າໃນດ້ານການສ້າງເສດຖະກິດອາຊຽນໃຫ້ເຊື່ອມໂຍງເຂົ້າກັນກໍ່ຄືການພັດທະນາເຂດການຄ້າເສລີຈີນ-ອາຊຽນ.ທ່ານກ່າວວ່າ:
"ເຂົ້າເປັນສະມາຊິກອົງການການຄ້າໂລກ,ແນ່ນອນແລ້ວຕ້ອງຮຽກຮ້ອງໃຫ້ສະມາຊິກຂອງອົງການນີ້ໃຫ້ໄດ້ມາດຕະຖານທີ່ກ່ຽວຂ້ອງໃນການເປີດປະຕູສູ່ພາຍນອກ,ໃຫ້ສອດຄ່ອງກັບການດຳເນີນງານຂອງລະບຽບການໄຂປະຕູສູ່ພາຍນອກ.ການເຂົ້າເປັນສະມາຊິກອົງການການຄ້າໂລກມີຜົນດີຕໍ່ການຮ່ວມມືລະຫວ່າງລາວກັບ9ປະເທດສະມາຊິກຂອງອາຊຽນ,ຊຸກຍູ້ການສ້າງປະຊາຄົມເສດຖະກິດອາຊຽນ,ແລະຮ່ວມກັບປະເທດສະມາຊິກອື່ນໆຂອງອາຊຽນປະຕິບັດສັນຍາການຄ້າເສລີກັບຍີ່ປຸ່ນ,ສ.ເກົາຫຼີ,ອົສຕຼາລີ,ສີລັງກາ,ອິນເດຍແລະຈີນໃຫ້ໄດ້ຮັບຜົນສຳເລັດພາຍໃຕ້ຂອບເຂດການຄ້າເສລີອາຊຽນ."
