ລາວເຂົ້າເປັນສະມາຊິກ WTO ຈະນຳເອົາໂອກາດມາໃຫ້ຈີນແລະອາຊຽນ
(GMT+08:00) 2012-10-29 14:52:01 cri
ວັນທີ 26 ຕຸລານີ້,ໃນກອງປະຊຸມສະພາມົນຕີອົງການການຄ້າໂລກຫຼື WTO ທີ່ຈັດຂຶ້ນຢູ່ທີ່ເຊີແນວແຫ່ງສະວິສ,ໄດ້ຮັບເອົາປະເທດລາວເປັນສະມາຊິກ WTO ຢ່າງເປັນທາງການ,ຊຶ່ງເຮັດໃຫ້ລາວກາຍເປັນສະມາຊິກທີ 158 ຂອງອົງການດັ່ງກ່າວ.
ລາວເຂົ້າເປັນສາມາຊິກ WTO ໄດ້ຜ່ານເວລາຍາວສົມຄວນ.ເມື່ອປີ 1997,ລາວກໍ່ໄດ້ຮ້ອງຂໍເຂົ້າເປັນສະມາຊິກ WTO,ຈົນເຖິງປີ 2004,ຈຶ່ງໄດ້ເລີ່ມດຳເນີນການເຈລະຈາລາຍລະອຽດທີ່ກ່ຽວຂ້ອງ.ໃນ 15 ປີທີ່ຜ່ານມາ,ລາວໄດ້ດຳເນີນການເຈລະຈາກັບສະມາຊິກທີ່ກ່ຽວຂ້ອງກ່ຽວກັບບັນຫາຕ່າງໆເຊັ່ນພາສີ,ການອະນຸຍາດໃຫ້ເຂົ້າຕະຫຼາດແລະບັນຫາອື່ນໆຢ່າງຫຍຸ້ງຍາກສັບສົນ,ໄດ້ຕອບສະໜອງຄວາມຮຽກຮ້ອງຂອງຝ່າຍຕ່າງໆສະເໜີອອກມານັ້ນ 1 ພັນກວ່າລາຍການ.
ລາວເຂົ້າເປັນສະມາຊິກ WTO ຈະມີຜົນສະທ້ອນອັນສຳຄັນແລະຕັ້ງໜ້າຕໍ່ການພັດທະນາເສດຖະກິດສັງຄົມຂອງລາວ.ກ່ອນອື່ນ,ລາວເຂົ້າເປັນສະມາຊິກ WTO ຈະມີຜົນດີຕໍ່ລາວເຂົ້າຮ່ວມຂະບວນການເສດຖະກິດໂລກາພິວັດຢ່າງກວ້າງຂວາງແລະເລິກເຊິ່ງກວ່າເກົ່າ,ຍັງຈະປະກອບສ່ວນອັນຕັ້ງໜ້າເຂົ້າໃນການສ້າງປະຊາຄົມເສດຖະກິດອາຊຽນ;ດ້ານທີສອງ,ຈະຍົກກຳລັງການແຂ່ງຂັນຂອງສິນຄ້າລາວໃນສາກົນໃຫ້ສູງຂຶ້ນ;ດ້ານທີສາມ,ລາວຈະສາມາດຍົກລະດັບຄຸ້ມຄອງທາງດ້ານການຄ້າໃຫ້ສູງຂຶ້ນໂດຍອີງຕາມຂໍ້ກຳນົດກົດລະບຽບທີ່ກ່ຽວຂ້ອງຂອງ WTO;ດ້ານທີສີ່,ຈະດຶງດູດນັກທຸລະກິດຈາກຕ່າງປະເທດເຂົ້າໄປລົງທຶນຢູ່ລາວຫຼາຍກວ່າເກົ່າ;ດ້ານທີຫ້າ,ຈະເປັນການເປີດກວ້າງຂະໜາດຂອງຕະຫຼາດລາວແລະຍົກສູງຖານະບົດບາດຂອງລາວຢູ່ໃນຕະຫຼາດສາກົນ;ດ້ານທີຫົກ,ຈະອຳນວຍໂອກາດໃນການຊອກຫາວຽກເຮັດງານທຳໃຫ້ແກ່ປະຊາຊົນລາວຫຼາຍກວ່າເກົ່າແລະຈະຊ່ວຍໃຫ້ລາວຫຼຸດພົ້ນອອກຈາກຄວາມທຸກຍາກໄດ້ໄວຂຶ້ນ;ເວົ້າສະຫຼຸບແລ້ວ,ການເຂົ້າເປັນສະມາຊິກ WTO ຈະມີຜົນດີຕໍ່ລາວໃນການອອກແຮງຊຸກຍູ້ພາລະກິດປ່ຽນແປງໃໝ່ແລະໄຂປະຕູສູ່ພາຍນອກ,ເຮັດໃຫ້ເສດຖະກິດສັງຄົມຂອງລາວພັດທະນາໄວຂຶ້ນ.
ລາວເຂົ້າເປັນສະມາຊິກ WTO ຍັງມີຜົນດີຕໍ່ລາວໃນການເຊື່ອມໂຍງເຂົ້າກັນກັບທົ່ວໂລກ.ແລະບົນພື້ນຖານດັ່ງກ່າວ,ລາວຮ່ວມມືກັບອີກ 9 ປະເທດສະມາຊິກອາຊຽນ,ຈະມີຜົນດີຫຼາຍຂຶ້ນຕໍ່ການສ້າງປະຊາຄົມເສດຖະກິດອາຊຽນ.
ຈີນກັບລາວມີສາຍພູສາຍນ້ຳຕິດຈອດກັນ,ມີທ່າແຮງດ້ານພູມສັນຖານໃນການເພີ່ມທະວີການຮ່ວມມືດ້ານເສດຖະກິດການຄ້າ.ລາວເຂົ້າເປັນສະມາຊິກ WTO,ບໍ່ພຽງແຕ່ຈະນຳເອົາໂອກາດອັນດີມາໃຫ້ວິສາຫະກິດຈີນທີ່ຢາກເຂົ້າໄປລົງທຶນຢູ່ປະເທດລາວພາຍໃຕ້ຂອບເຂດການຄ້າເສລີຈີນ-ອາຊຽນເທົ່ານັ້ນ,ຍັງຈະອຳນວຍເງື່ອນໄຂທີ່ດີໃຫ້ແກ່ເຂດການຄ້າເສລີຈີນ-ອາຊຽນໃນການສ້າງປະຊາຄົມເສດຖະກິດພາກພື້ນແລະການເຮັດໃຫ້ການຄ້າແລະການລົງທຶນສະດວກກວ່າເກົ່າ.
ລາວເຂົ້າເປັນສາມາຊິກ WTO ໄດ້ຜ່ານເວລາຍາວສົມຄວນ.ເມື່ອປີ 1997,ລາວກໍ່ໄດ້ຮ້ອງຂໍເຂົ້າເປັນສະມາຊິກ WTO,ຈົນເຖິງປີ 2004,ຈຶ່ງໄດ້ເລີ່ມດຳເນີນການເຈລະຈາລາຍລະອຽດທີ່ກ່ຽວຂ້ອງ.ໃນ 15 ປີທີ່ຜ່ານມາ,ລາວໄດ້ດຳເນີນການເຈລະຈາກັບສະມາຊິກທີ່ກ່ຽວຂ້ອງກ່ຽວກັບບັນຫາຕ່າງໆເຊັ່ນພາສີ,ການອະນຸຍາດໃຫ້ເຂົ້າຕະຫຼາດແລະບັນຫາອື່ນໆຢ່າງຫຍຸ້ງຍາກສັບສົນ,ໄດ້ຕອບສະໜອງຄວາມຮຽກຮ້ອງຂອງຝ່າຍຕ່າງໆສະເໜີອອກມານັ້ນ 1 ພັນກວ່າລາຍການ.
ລາວເຂົ້າເປັນສະມາຊິກ WTO ຈະມີຜົນສະທ້ອນອັນສຳຄັນແລະຕັ້ງໜ້າຕໍ່ການພັດທະນາເສດຖະກິດສັງຄົມຂອງລາວ.ກ່ອນອື່ນ,ລາວເຂົ້າເປັນສະມາຊິກ WTO ຈະມີຜົນດີຕໍ່ລາວເຂົ້າຮ່ວມຂະບວນການເສດຖະກິດໂລກາພິວັດຢ່າງກວ້າງຂວາງແລະເລິກເຊິ່ງກວ່າເກົ່າ,ຍັງຈະປະກອບສ່ວນອັນຕັ້ງໜ້າເຂົ້າໃນການສ້າງປະຊາຄົມເສດຖະກິດອາຊຽນ;ດ້ານທີສອງ,ຈະຍົກກຳລັງການແຂ່ງຂັນຂອງສິນຄ້າລາວໃນສາກົນໃຫ້ສູງຂຶ້ນ;ດ້ານທີສາມ,ລາວຈະສາມາດຍົກລະດັບຄຸ້ມຄອງທາງດ້ານການຄ້າໃຫ້ສູງຂຶ້ນໂດຍອີງຕາມຂໍ້ກຳນົດກົດລະບຽບທີ່ກ່ຽວຂ້ອງຂອງ WTO;ດ້ານທີສີ່,ຈະດຶງດູດນັກທຸລະກິດຈາກຕ່າງປະເທດເຂົ້າໄປລົງທຶນຢູ່ລາວຫຼາຍກວ່າເກົ່າ;ດ້ານທີຫ້າ,ຈະເປັນການເປີດກວ້າງຂະໜາດຂອງຕະຫຼາດລາວແລະຍົກສູງຖານະບົດບາດຂອງລາວຢູ່ໃນຕະຫຼາດສາກົນ;ດ້ານທີຫົກ,ຈະອຳນວຍໂອກາດໃນການຊອກຫາວຽກເຮັດງານທຳໃຫ້ແກ່ປະຊາຊົນລາວຫຼາຍກວ່າເກົ່າແລະຈະຊ່ວຍໃຫ້ລາວຫຼຸດພົ້ນອອກຈາກຄວາມທຸກຍາກໄດ້ໄວຂຶ້ນ;ເວົ້າສະຫຼຸບແລ້ວ,ການເຂົ້າເປັນສະມາຊິກ WTO ຈະມີຜົນດີຕໍ່ລາວໃນການອອກແຮງຊຸກຍູ້ພາລະກິດປ່ຽນແປງໃໝ່ແລະໄຂປະຕູສູ່ພາຍນອກ,ເຮັດໃຫ້ເສດຖະກິດສັງຄົມຂອງລາວພັດທະນາໄວຂຶ້ນ.
ລາວເຂົ້າເປັນສະມາຊິກ WTO ຍັງມີຜົນດີຕໍ່ລາວໃນການເຊື່ອມໂຍງເຂົ້າກັນກັບທົ່ວໂລກ.ແລະບົນພື້ນຖານດັ່ງກ່າວ,ລາວຮ່ວມມືກັບອີກ 9 ປະເທດສະມາຊິກອາຊຽນ,ຈະມີຜົນດີຫຼາຍຂຶ້ນຕໍ່ການສ້າງປະຊາຄົມເສດຖະກິດອາຊຽນ.
ຈີນກັບລາວມີສາຍພູສາຍນ້ຳຕິດຈອດກັນ,ມີທ່າແຮງດ້ານພູມສັນຖານໃນການເພີ່ມທະວີການຮ່ວມມືດ້ານເສດຖະກິດການຄ້າ.ລາວເຂົ້າເປັນສະມາຊິກ WTO,ບໍ່ພຽງແຕ່ຈະນຳເອົາໂອກາດອັນດີມາໃຫ້ວິສາຫະກິດຈີນທີ່ຢາກເຂົ້າໄປລົງທຶນຢູ່ປະເທດລາວພາຍໃຕ້ຂອບເຂດການຄ້າເສລີຈີນ-ອາຊຽນເທົ່ານັ້ນ,ຍັງຈະອຳນວຍເງື່ອນໄຂທີ່ດີໃຫ້ແກ່ເຂດການຄ້າເສລີຈີນ-ອາຊຽນໃນການສ້າງປະຊາຄົມເສດຖະກິດພາກພື້ນແລະການເຮັດໃຫ້ການຄ້າແລະການລົງທຶນສະດວກກວ່າເກົ່າ.
