ທ່ານເວີ່ນເຈ່ຍປາວຈະເດີນທາງໄປລາວເຂົ້າຮ່ວມກອງປະຊຸມສຸດຍອດອາເຊັມ ປຶກສາຫາລືກ່ຽວກັບການພັດທະນາດ້ານການຮ່ວມມືລະຫວ່າງອາຊີກັບເອີຣົບ
(GMT+08:00) 2012-10-31 16:57:48 cri
ຕາມຂ່າວCRI: ວັນທີ5ຫາວັນທີ6ພະຈິກໜ້ານີ້, ກອງປະຊຸມສຸດຍອດອາຊີ-ເອີຣົບຫຼືອາເຊັມຄັ້ງທີ9ທີ່ມີຫົວຂໍ້ວ່າ"ເພື່ອນມິດເພື່ອສັນຕິພາບ, ຄູ່ຮ່ວມມືເພື່ອຄວາມສົມພູນສຸກ"ຈະຈັດຂຶ້ນຢູ່ນະຄອນຫຼວງວຽງຈັນຂອງລາວ, ທ່ານເວີ່ນເຈ່ຍປາວ, ນາຍົກລັດຖະມົນຕີຈີນຈະນໍາພາຄະນະຜູ້ແທນເຂົ້າຮ່ວມກອງປະຊຸມແລະຢ້ຽມຢາມລາວຢ່າງເປັນທາງການ. ຕອນເຊົ້າວັນທີ31ຕຸລານີ້, ກະຊວງການຕ່າງປະເທດຈີນໄດ້ຈັດງານຖະແຫຼງຂ່າວຕໍ່ສື່ມວນຊົນຈີນແລະຕ່າງປະເທດກ່ຽວກັບການເຂົ້າຮ່ວມກອງປະຊຸມອາເຊັມຂອງທ່ານເວີ່ນເຈ່ຍປາວ, ທ່ານມາຈ່າວຊີ້, ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດຈີນກ່າວໃນງານຖະແຫຼງຂ່າວວ່າ, ພາຍໃຕ້ສະຖານະການທີ່ເສດຖະກິດໂລກກຳລັງຟື້ນຕົວຢ່າງຫຍຸ້ງຍາກໃນປະຈຸບັນນີ້, ກອງປະຊຸມຄັ້ງນີ້ກຳລັງປະເຊີນໜ້າກັບໂອກາດດີດ້ານການພັດທະນາ, ທ່ານກ່າວວ່າ:
"ຢູ່ອາຊີ, ອົງກອນເສດຖະກິດຕົ້ນຕໍໂດຍລວມແລ້ວໄດ້ຮັກສາທ່າອ່ຽງການພັດທະນາເປັນຢ່າງດີ. ເອີຣົບກໍ່ໄດ້ທຳຄວາມພະຍາຍາມໃນການຮັບມືກັບວິກິດການໜີ້ສິນພາກລັດ, ຊຸກຍູ້ຂະບວນວິວັດການເຊື່ອມໂຍງເຂົ້າກັນຢ່າງຕໍ່ເນື່ອງ, ໃຫ້ຄວາມສຳຄັນໃນການພົວພັນການຮ່ວມມືກັບອາຊີ. ພາຍໃຕ້ເບື້ອງຫຼັງນີ້, ຄວາມປາຖະໜາຂອງປະເທດຕ່າງໆທີ່ຢາກເພີ່ມທະວີການຮ່ວມມືລະຫວ່າງອາຊີແລະເອີຣົບໄດ້ເພີ່ມຫຼາຍຂຶ້ນຕື່ມອີກ."
ກອງປະຊຸມສຸດຍອດອາເຊັມທີ່ສ້າງຕັ້ງຂຶ້ນໃນປີ1996ແມ່ນເວທີປຶກສາຫາລືດ້ານການສົນທະນາແລະການຮ່ວມມືລະດັບສູງ, ທີ່ມີຂະໜາດໃຫຍ່ຂອງລັດຖະບານລະຫວ່າງອາຊີກັບເອີຣົບ, ມີຈຸດປະສົງເພື່ອຜ່ານການເພີ່ມທະວີການສົນທະນາແລະການຮ່ວມມື, ສ້າງການພົວພັນໝູ່ຄູ່ແບບໃໝ່ລະຫວ່າງອາຊີແລະເອີຣົບ. ທ່ານມາຈ່າວຊີ້, ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ກອງປະຊຸມສຸດຍອດຄັ້ງນີ້ຈະເປັນໂອກາດອັນສໍາຄັນເພື່ອສ້າງຄວາມເຫັນເປັນເອກະສັນກັນຕື່ມອີກແລະ ເພີ່ມທະວີການຮ່ວມມືຂອງຝ່າຍຕ່າງໆລະຫວ່າງອາຊີແລະເອີຣົບ, ຈີນຫວັງວ່າກອງປະຊຸມຄັ້ງນີ້ຈະປະຕິບັດຕາມຫົວຂໍ້ຫຼັກຂອງການຮ່ວມມື", ພະຍາຍາມໃຫ້ມີຜົນສຳເລັດຢ່າງຕັ້ງໜ້າໃນ4ດ້ານ, ທ່ານກ່າວວ່າ:
"ໜຶ່ງປັບປຸງການພົວພັນໝູ່ຄູ່ເສດຖະກິດລະຫວ່າງອາຊີກັບເອີຣົບແໜ້ນແຟ້ນກວ່າເກົ່າ, ຊຸກຍູ້ໃຫ້ປະເທດຕ່າງໆໃນອາຊີແລະເອີຣົບແລະເສດຖະກິດໂລກພັດທະນາຢ່າງຮອບດ້ານ, ຍືນຍົງແລະດຸ່ນດ່ຽງ. ສອງສ້າງຄວາມໄວ້ເນື້ອເຊື່ອໃຈດ້ານຍຸດທະສາດໃຫ້ໝັ້ນທ່ຽງກວ່າເກົ່າ, ເພື່ອສ້າງພື້ນຖານທີ່ດີແກ່ປະເທດຕ່າງໆໃນອາຊີແລະເອີຣົບທີ່ລົງເລິກການຮ່ວມມື, ຮັບມືກັບສິ່ງທ້າທາຍຮ່ວມ. ສາມລົງເລິກການຮ່ວມມືຕົວຈິງໃນທຸກຂົງເຂດອາຊີແລະເອີຣົບ, ເພື່ອສະໜອງພະລັງແມ່ແຮງໃໝ່ແກ່ການບັນລຸເປົ້າໝາຍຮ່ວມກັນຄືຮັບປະກັນການເຕີບໂຕ, ເພີ່ມທະວີການປະກອບອາຊີບແລະຊຸກຍູ້ໃຫ້ມີສະຖຽນລະພພາບ. ສີ່ເອົາໃຈໃສ່ອະນາຄົດດ້ານການພັດທະນາຂອງກອງປະຊຸມອາເຊັມ, ສ້າງພື້ນຖານທີ່ດີແກ່ການຮ່ວມມືລະຫວ່າງອາຊີແລະເອີຣົບທີ່ມີລະດັບສູງກວ່າເກົ່າ."
ຂ່າວແຈ້ງວ່າ, ໃນໄລຍະຢ້ຽມຢາມລາວ, ທ່ານເວີ່ນເຈ່ຍປາວຈະລົງເລິກແລກປ່ຽນຄວາມເຫັນກັບຜູ້ນຳລາວຢ່າງເລິກເຊິ່ງກ່ຽວກັບການພົວພັນສອງຝ່າຍແລະບັນຫາທີ່ມີຄວາມສົນໃຈຮ່ວມກັນ, ປັບປຸງໄມຕີຈິດມິດຕະພາບຖານບ້ານໃກ້ເຮືອນຄຽງລະຫວ່າງຈີນລາວຕື່ມອີກ, ລົງເລິກການຮ່ວມມືຕົວຈິງ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນລາວໃຫ້ພັດທະນາໄປໜ້າ.
"ຢູ່ອາຊີ, ອົງກອນເສດຖະກິດຕົ້ນຕໍໂດຍລວມແລ້ວໄດ້ຮັກສາທ່າອ່ຽງການພັດທະນາເປັນຢ່າງດີ. ເອີຣົບກໍ່ໄດ້ທຳຄວາມພະຍາຍາມໃນການຮັບມືກັບວິກິດການໜີ້ສິນພາກລັດ, ຊຸກຍູ້ຂະບວນວິວັດການເຊື່ອມໂຍງເຂົ້າກັນຢ່າງຕໍ່ເນື່ອງ, ໃຫ້ຄວາມສຳຄັນໃນການພົວພັນການຮ່ວມມືກັບອາຊີ. ພາຍໃຕ້ເບື້ອງຫຼັງນີ້, ຄວາມປາຖະໜາຂອງປະເທດຕ່າງໆທີ່ຢາກເພີ່ມທະວີການຮ່ວມມືລະຫວ່າງອາຊີແລະເອີຣົບໄດ້ເພີ່ມຫຼາຍຂຶ້ນຕື່ມອີກ."
ກອງປະຊຸມສຸດຍອດອາເຊັມທີ່ສ້າງຕັ້ງຂຶ້ນໃນປີ1996ແມ່ນເວທີປຶກສາຫາລືດ້ານການສົນທະນາແລະການຮ່ວມມືລະດັບສູງ, ທີ່ມີຂະໜາດໃຫຍ່ຂອງລັດຖະບານລະຫວ່າງອາຊີກັບເອີຣົບ, ມີຈຸດປະສົງເພື່ອຜ່ານການເພີ່ມທະວີການສົນທະນາແລະການຮ່ວມມື, ສ້າງການພົວພັນໝູ່ຄູ່ແບບໃໝ່ລະຫວ່າງອາຊີແລະເອີຣົບ. ທ່ານມາຈ່າວຊີ້, ຜູ້ຊ່ວຍລັດຖະມົນຕີວ່າການກະຊວງການຕ່າງປະເທດຈີນກ່າວວ່າ, ກອງປະຊຸມສຸດຍອດຄັ້ງນີ້ຈະເປັນໂອກາດອັນສໍາຄັນເພື່ອສ້າງຄວາມເຫັນເປັນເອກະສັນກັນຕື່ມອີກແລະ ເພີ່ມທະວີການຮ່ວມມືຂອງຝ່າຍຕ່າງໆລະຫວ່າງອາຊີແລະເອີຣົບ, ຈີນຫວັງວ່າກອງປະຊຸມຄັ້ງນີ້ຈະປະຕິບັດຕາມຫົວຂໍ້ຫຼັກຂອງການຮ່ວມມື", ພະຍາຍາມໃຫ້ມີຜົນສຳເລັດຢ່າງຕັ້ງໜ້າໃນ4ດ້ານ, ທ່ານກ່າວວ່າ:
"ໜຶ່ງປັບປຸງການພົວພັນໝູ່ຄູ່ເສດຖະກິດລະຫວ່າງອາຊີກັບເອີຣົບແໜ້ນແຟ້ນກວ່າເກົ່າ, ຊຸກຍູ້ໃຫ້ປະເທດຕ່າງໆໃນອາຊີແລະເອີຣົບແລະເສດຖະກິດໂລກພັດທະນາຢ່າງຮອບດ້ານ, ຍືນຍົງແລະດຸ່ນດ່ຽງ. ສອງສ້າງຄວາມໄວ້ເນື້ອເຊື່ອໃຈດ້ານຍຸດທະສາດໃຫ້ໝັ້ນທ່ຽງກວ່າເກົ່າ, ເພື່ອສ້າງພື້ນຖານທີ່ດີແກ່ປະເທດຕ່າງໆໃນອາຊີແລະເອີຣົບທີ່ລົງເລິກການຮ່ວມມື, ຮັບມືກັບສິ່ງທ້າທາຍຮ່ວມ. ສາມລົງເລິກການຮ່ວມມືຕົວຈິງໃນທຸກຂົງເຂດອາຊີແລະເອີຣົບ, ເພື່ອສະໜອງພະລັງແມ່ແຮງໃໝ່ແກ່ການບັນລຸເປົ້າໝາຍຮ່ວມກັນຄືຮັບປະກັນການເຕີບໂຕ, ເພີ່ມທະວີການປະກອບອາຊີບແລະຊຸກຍູ້ໃຫ້ມີສະຖຽນລະພພາບ. ສີ່ເອົາໃຈໃສ່ອະນາຄົດດ້ານການພັດທະນາຂອງກອງປະຊຸມອາເຊັມ, ສ້າງພື້ນຖານທີ່ດີແກ່ການຮ່ວມມືລະຫວ່າງອາຊີແລະເອີຣົບທີ່ມີລະດັບສູງກວ່າເກົ່າ."
ຂ່າວແຈ້ງວ່າ, ໃນໄລຍະຢ້ຽມຢາມລາວ, ທ່ານເວີ່ນເຈ່ຍປາວຈະລົງເລິກແລກປ່ຽນຄວາມເຫັນກັບຜູ້ນຳລາວຢ່າງເລິກເຊິ່ງກ່ຽວກັບການພົວພັນສອງຝ່າຍແລະບັນຫາທີ່ມີຄວາມສົນໃຈຮ່ວມກັນ, ປັບປຸງໄມຕີຈິດມິດຕະພາບຖານບ້ານໃກ້ເຮືອນຄຽງລະຫວ່າງຈີນລາວຕື່ມອີກ, ລົງເລິກການຮ່ວມມືຕົວຈິງ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນລາວໃຫ້ພັດທະນາໄປໜ້າ.
