ສະຖານທູດຈີນປະຈໍາລາວມອບລົດພະຍາບານໃຫ້ແກ່ມູນນິທິສະມາຄົມຈີນປະຈໍາລາວ
ຕອນເຊົ້າວັນທີ 31 ຕຸລານີ້, ສະຖານທູດຈີນປະຈຳລາວໄດ້ມອບເຄື່ອງອຸປະກອນປິ່ນປົວທີ່ໃຊ້ສຳລັບການປິ່ນປົວດ່ວນເປັນມູນຄ່າ 30 ກວ່າພັນໂດລາສະຫະລັດໃຫ້ແກ່ມູນນິທິສະມາຄົມຈີນນະຄອນຫຼວງວຽງຈັນ, ໃນນັ້ນ, ລວມທັງ: ລົດພະຍາບານ ຈໍານວນ 1 ຄັນທີ່ບໍລິສັດລົດຍົນຈ່ຽງຮວຍຈີນຜະລິດ, ແລະເຄື່ອງອຸປະກອນແພດທີ່ໃຊ້ສຳລັບການປິ່ນປົວດ່ວນ.
ທ່ານ ນາງ ປູ ຈ້ຽນກົວ ເອກອັກຄະນະຖະທູດຈີນປະຈໍາລາວ ໄດ້ຍ້ອງຍໍແລະຕີລາຄາສູງຕໍ່ມູນນິທິສະມາຄົມຈີນໃຫ້ການບໍລິການທີ່ບໍ່ເຫັນແກ່ຕົວໃຫ້ແກ່ຊາວຈີນແລະຈີນຕ່າງດ້າວຢູ່ລາວ, ແລະກ່າວວ່າ, ສະຖານທູດຈີນປະຈຳລາວຈະສະໜັບສະໜູນສະມາຄົມຈີນບໍລິການໃຫ້ແກ່ຊາວຈີນແລະຈີນຕ່າງດ້າວຢ່າງສຸດຂີດ.
ທ່ານ ລິນ ເຈີມິນ ປະທານສະມາຄົມຈີນປະຈໍາລາວໄດ້ສະແດງຄວາມຂອບໃຈຕໍ່ຄວາມເອົາໃຈໃສ່ແລະການສະໜັບສະໜູນຂອງສະຖານທູດຈີນປະຈຳລາວ, ແລະກ່າວວ່າ, ເຄື່ອງອຸປະກອນການປິ່ນປົວທີ່ສະຖານທູດຈີນປະຈຳລາວບໍລິຈາກຊຸດນີ້ບໍ່ພຽງແຕ່ຈະບໍລິການໃຫ້ແກ່ຊາວຈີນແລະຈີນຕ່າງດ້າວຢູ່ລາວເທົ່ານັ້ນ, ຍັງຈະບໍລິການໃຫ້ແກ່ປະຊາຊົນລາວທີ່ຕ້ອງການອີກດ້ວຍ.
