ກອງປະຊຸມພາກທຸລະກິດອາຊີ-ເອີຣົບຄັ້ງທີ 13 ຈະເປັນໂອກາດທີ່ດີໃຫ້ແກ່ນັກທຸລະກິດລາວ
（ທ່ານນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳການຄ້າລາວໃຫ້ສຳພາດຕໍ່ນັກຂ່າວ cri）
ວັນທີ 4 ພະຈິກນີ້, ທີ່ນະຄອນຫຼວງວຽງຈັນ ໃນລະຫວ່າງດໍາເນີນກອງປະຊຸມພາກທຸລະກິດອາຊີເອີຣົບຄັ້ງທີ 13, ທ່ານ ນາມ ວິຍະເກດ ລັດຖະມົນຕີວ່າການກະຊວງອຸດສາຫະກໍການຄ້າລາວໄດ້ໃຫ້ສໍາພາດຕໍ່ນັກຂ່າວ CRI, ທ່ານກ່າວວ່າ: ກອງປະຊຸມພາກທຸລະກິດອາຊີ-ເອີຣົບຄັ້ງທີ 13 ຈະເປັນໂອກາດທີ່ດີໃຫ້ແກ່ນັກທຸລະກິດລາວ.
ທ່ານກ່າວວ່າ,ພວກເຮົາໄດ້ຈັດກອງປະຊຸມພາກທຸລະກິດອາຊີເອີຣົບນີ້ຢູ່ນຳກອງປະຊຸມອາເຊັມ 9ເທື່ອນີ້,ຈຸດປະສົງເປົ້າຫມາຍຫລັກໆແມ່ນຢາກໃຫ້ພາກທຸລະກິດສອງສອງທະວີບນີ້ມີການນຳເອົາບັນຫາທີ່ພົ້ນເດັ່ນ, ເພື່ອຈະສົ່ງເສີມການຮ່ວມມທາງພາກທຸລະກິດຂອງສອງທະວີບນີ້, ຍ້ອນແນວນັ້ນພວກເຮົາຈື່ງເອົາກອງປະຊຸມນີ້ເປັນກອງປະຊຸມຫຼັກ ເພື່ອໃຫ້ພາກທຸລະກິດມີໂອກາດພົບປະແລະແລກປ່ຽນນໍາກັນ ແລະຈາກການພົບປະຄັ້ງນີ້ແມ່ນຈະໄດ້ນໍາເອົາບັນດາເນື້ອໃນຂອງກອງປະຊຸມຈາກຂໍສະເໜີຕ່າງໆຈາກນັກຸລະກິດເພື່ອນໍາສະເໜີກອງປະຊຸມພາກລັດ ໂດຍສະເພາະການນໍາຂອງສອງທະວີບນີ້ , ເພື່ອປຶກສາແລະຊອກຫາຊ່ອງທາງເພື່ອແກ້ໂຂຂໍ້ຫຍ້ງຍາກຫຼືວ່າອໍານວຍຄວາມສະດວກໃຫ້ແກ່ພາກທຸລະກິດຂອງສອງທະວີບນີ້ໃຫ້ມີການຮ່ວມມືກັນນັບມື້ນັບເພີ່ມຂື້ນ.
ທ່ານກ່າວອີກວ່າ: ສໍາລັບປະເທດລາວການທີ່ມາດໍາເນີນກອງປະຊຸມຢູ່ໃນປະເທດລາວໃນຄັ້ງນີ້, ຈະເປັນໂອກາດອັນດີໃຫ້ແກ່ພາກທຸລະກິດລາວ ໄດ້ເຂົ້າຮ່ວມປຶກສາຫາລືລະຫວ່າງ 2 ທະວີບມີການປຶກສາຫາລືກັນອັນໃດ ແລະເປັນໂອກາດທີ່ນັກທຸລະກິດລາວຄວນຈະຊອກຮໍ່າ ຮຽນ, ຄວນຈະເຂົ້າຮ່ວມໃນລະດັບໃດ. ນອກຈານັ້ນ, ບັນດານັກທຸລະກິດທີ່ມາເຂົ້າຮ່ວມກອງປະຊຸມຄັ້ງນີ້, ກໍ່ຈະໄດ້ມີໂອກາດແລະຈຸດພິເສດຂອງລາວອັນໃດທີ່ເຂົາເຈົ້າໄດ້ມາຢ້ຽມຢາມລາວແລະໃຫ້ຄວາມສົນໃຈ ແລະຕັດສິນໃຈໃນການຮ່ວມທຸລະກິດຫຼືການຮ່ວມລົງທຶນ ແລະນັ້ນກໍແມ່ນໂອກາດທີ່ຈະດໍາເນີນທຸລະກິດຢູ່ໃນລາວ. ນອກນັ້ນ, ກອງປະຊຸມດັ່ງກ່າວຍັງເປັນໂອກາດເປີດໃຫ້ເຫັນວ່ານະໂຍບາຍຂອງລັດຖະບານລາວຄືແນວໃດຕໍ່ການສົ່ງເສີມພາກທຸລະກິດຂອງລາວແລະນີ້ກໍ່ເປັນໂອກາດໜື່ງທີ່ເພວກເຮົາຈະນໍາໃຊ້ເພື່ອຍາດແຍ່ງເອົາຜົນປະໂຫຍດມາໃຫ້ດ້ານເສດຖະກິດຫຼືດ້ານທຸລະກິດຂອງລາວ.
