ພະນະທານທອງສິງ ທຳມະວົງ ນາຍົກລັດຖະມົນຕີ ລາວ ແຈ້ງໝາກຜົນຂອງກອງປະຊຸມສຸດຍອດອາເຊັມ 9 ຕປະຊາຊົນລາວ
（ພະນະທານທອງສິງ ທຳມະວົງ ນາຍົກລັດຖະມົນຕີ ລາວ ແຈ້ງໝາກຜົນຂອງກອງປະຊຸມສຸດຍອດອາເຊັມ 9 ຕປະຊາຊົນລາວ）
ວັນທີ 6 ຕຸລານີ້, ທີ່ນະຄອນຫລວງວຽງຈັນ, ພາຍຫລັງກອງປະຊຸມອາ ເຊັມ9 ທີ່ລາວເປັນເຈົ້າພາບໄດ້ອັດລົງດ້ວຍຜົນສຳເລັດຢ່າງຈົບງາມ, ພະນະທານ ທອງສິງ ທຳມະວົງ ນາຍົກລັດຖະມົນຕີລາວ ໄດ້ແຈ້ງໝາກຜົນຂອງກອງປະຊຸມໃຫ້ປະຊາຊົນລາວຮັບຊາບດັ່ງນີ້:
1: ກອງປະຊຸມຄັ້ງນີ້ແມ່ນມີປະມຸກລັດ, ຫົວໜ້າລັດຖະບານເປັນຈຳນວນຫລວງ ຫລາຍໄດ້ໃຫ້ກຽດມາຮ່ວມກອງປະຊຸມຄັ້ງນີ້,
ອັນນີ້ໄດ້ສະແດງໃຫ້ເຫັນແຈ້ງເຖິງ ການໃຫ້ກຽດຢ່າງສູງ ແລະ ໃຫ້ຄວາມເຊື່ອຖືຢ່າງຍິ່ງຂອງປະເທດ ເພື່ອນມິດຕໍ່ລັດຖະບານແລະ
ປະຊາຊົນລາວ ຊຶ່ງເປັນປັດໄຈໜຶ່ງທີ່ສໍາຄັນ ເຮັດໃຫ້ກອງ ປະຊຸມໄດ້ຮັບຜົນສຳເລັດຢ່າງສະຫງ່າງາມ.2 ກອງປະຊຸມສຸດຍອດອາເຊັມ
ຄັ້ງທີ 9 ນີ້, ບັນດາຜູ້ນໍາອາເຊັມກໍ່ຄືຄະນະຜູ້ ແທນໄດ້ຮັບຮູ້, ເຂົ້າໃຈ ແລະ ເຫັນແຈ້ງຕື່ມອີກກ່ຽວກັບແນວທາງປ່ຽນແປງໃໝ່ຂອງ
ພັກ ແລະ ລັດເຮົາ ໂດຍສະເພາະແມ່ນແນວທາງການຕ່າງ ປະເທດສັນຕິພາບ, ເອກະລາດ, ມິດຕະພາບ ແລະ ການຮ່ວມມືທີ່ສະ
ເໝີຕົ້ນສະເໝີປາຍຂອງພັກແລະລັດຖະບານລາວ; ໄດ້ເຫັນແຈ້ງຕື່ມວ່າ ປະເທດລາວໄດ້ຢຶດຫມັ້ນການເສີມຂະຫຍາຍກຳລັງແຮງ
ພາຍໃນປະເທດຕິດແໜ້ນກັບການເຊື່ອມໂຍງສາກົນ, ໄດ້ໃຫ້ຄວາມສຳຄັນຕໍ່ການທູດຫລາຍຝ່າຍ ແລະ ມີຄວາມບຸກບືນຕັ້ງໜ້າໃນ
ການປະຕິບັດພັນທະສາກົນຂອງຕົນ. 3. ບັນດາຜູ້ນຳ ແລະ ຜູ້ເຂົ້າຮ່ວມກອງປະຊຸມ ໄດ້ເຫັນປະຈັກຕາວ່າ ປະເທດເຮົາເປັນປະເທດ
ໜຶ່ງທີ່ມີສະຖຽນລະພາບທາງການເມືອງອັນໜັກແໜ້ນ, ມີຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍທາງສັງຄົມ ,
ໂດຍສະເພາະແມ່ນບັນດາຜູ້ນຳແລະຄະນະຜູ້ແທນຕີລາຄາສູງຕໍ່ການປ່ຽນແປງ ຢ່າງໄວວາກໍ່ຄືໂສມໜ້າໃໝ່ຂອງນະຄອນຫລວງວຽງ
ຈັນ.4. ປະເທດອາເຊັມອື່ນໆເຫັນວ່າ ຜ່ານການເປັນເຈົ້າພາບໃນໄລຍະ 2 ປີທີ່ຜ່ານມາ ກໍ່ຄືໃນໄລຍະດຳເນີນກອງປະຊຸມອາເຊັມ ຄັ້ງ
ທີ 9 ນີ້, ສປປ ລາວສາມາດປະຕິບັດບົດບາດປະສານງານທີ່ຄ່ອງແຄ້ວ, ຊຸກຍູ້ໃຫ້ຜູ້ນຳຂອງສອງທະວີບອາຊີແລະເອີຣົບໄດ້ມາພົບປະ
ກັນ, ປຶກສາຫາລືກັນຢູ່ທີ່ນະຄອນຫລວງ ວຽງຈັນໃນຫົວຂໍ້ສຳຄັນທີ່ພົ້ນເດັ່ນທັງເປັນຄວາມລໍຄອຍການແກ້ໄຂຂອງປະຊາຊົນສອງທະ
ວີບ. 5. ຈາກຜົນສຳເລັດຂອງກອງປະຊຸມສຸດຍອດອາເຊັມ ຄັ້ງທີ 9 ນີ້ ຊີ້ໃຫ້ເຫັນວ່າ ໄປຄຽງຄູ່ກັບການເພີ່ມທະວີເຂົ້າອົກເຂົ້າໃຈກັນ
ລະຫວ່າງສອງທະວີບແລ້ວ ມັນຍັງສ້າງກາລະໂອກາດເພີ່ມຂຶ້ນໃຫ້ແກ່ການຍາດແຍ່ງການສະໜັບສະໜູນຊ່ວຍເຫລືອຂອງປະເທດ
ເພື່ອນມິດໃຫ້ແກ່ລາວໃນການສ້າງສາພັດທະນາເສດຖະກິດ-ສັງຄົມຂອງຕົນ. ດັ່ງທີ່ພວກເຮົາໄດ້ຮູ້ແລ້ວຕະຫລອດ 10 ກວ່າປີທີ່ຜ່ານ
ມານີ້, 20 ປະເທດໃນອາຊີທີ່ເປັນຄູ່ຮ່ວມອາເຊັມໄດ້ໃຫ້ການຊ່ວຍເຫລືອລາວ. ເຊື່ອແນ່ວ່າ ຍ້ອນໝາກຜົນຂອງການເປັນເຈົ້າພາບທີ່ດີໃນການເປັນປະທານກອງປະຊຸມສຸດຍອດອາເຊັມ ຄັ້ງທີ 9 ນີ້, ບັນດາຄູ່ຮ່ວມເຫລົ່ານັ້ນຈະສືບຕໍ່ເພີ່ມທະວີການສະຫນັບສະຫນູນ ແລະ ໃຫ້ການຊ່ວຍເຫລືອລາວ ຫລາຍຂຶ້ນອີກໃນຕໍ່ຫນ້າ.6. ຜ່ານກອງປະຊຸມສຸດຍອດອາເຊັມຄັ້ງນີ້ ນອກຈາກຈະເປັນການຍົກສູງຖານະບົດບາດຂອງລາວຂຶ້ນອີກໃນເວທີສາກົນ, ໄດ້ເພີ່ມຄວາມເຊື່ອຖື, ຄວາມໄວ້ເນື້ອເຊື່ອໃຈຈາກວົງຄະນາຍາດສາກົນທີ່ມີຕໍ່ພັກ, ລັດ ແລະ ປະຊາຊົນລາວແລ້ວ, ຍັງຖືເປັນເຫດການປະຫວັດສາດທີ່ສຳຄັນອັນຫນຶ່ງຂອງປະເທດລາວ ຊຶ່ງບໍ່ເຄີຍມີຍຸກໃດສະໄຫມໃດທີ່ໄດ້ມີບົດບາດເຕົ້າໂຮມຜູ້ນຳສອງທະວີບອາຊີ-ເອີຣົບ ເຂົ້າມາປະຊຸມຢູ່ປະເທດລາວຄືແນວນີ້ຈັກເທື່ອ.7. ຜ່ານຈາກການເປັນເຈົ້າພາບຂອງກອງປະຊຸມສຸດຍອດອາເຊັມ ຄັ້ງທີ 9 ນີ້ໄດ້ເປັນການຝຶກຊ້ອມ, ຍົກລະດັບຄວາມຮູ້, ຄວາມສາມາດຂອງບັນດາຂະແໜງການສູນກາງ ແລະ ທ້ອງຖິ່ນ ກໍ່ຄືປະຊາຊົນລາວຂຶ້ນສູ່ຄຸນນະພາບໃຫມ່.
ຜົນສຳເລັດຂອງກອງປະຊຸມສຸດຍອດອາເຊັມ ຄັ້ງທີ 9 ມັນເກີດຂຶ້ນໄດ້ກໍ່ຍ້ອນມີການນຳພາອັນຖືກຕ້ອງສອດຄ່ອງ ແລະ ຈົດຈໍ່ຂອງກົມການເມືອງສູນກາງພັກ, ການຊີ້ນຳຜັນຂະຫຍາຍຢ່າງມີຄວາມຮັບຜິດຊອບສູງຂອງລັດຖະບານ , ຍ້ອນການປະກອບສ່ວນອັນໃຫຍ່ຫລວງຂອງທຸກໆພາກສ່ວນ ແລະ ປະຊາຊົນລາວທຸກເຜົ່າ, ທຸກຊັ້ນຄົນໃນທົ່ວປະເທດ. ພ້ອມກັນນັ້ນກໍ່ຍັງເປັນຫມາກຜົນແຫ່ງການສະຫນັບສະຫນູນ ແລະ ຊ່ວຍເຫລືອຂອງບັນດາປະເທດເພື່ອນມິດ ທາງດ້ານທຶນຮອນ, ການສ້າງພື້ນຖານໂຄງລ່າງ, ທາງດ້ານບົດຮຽນ ແລະ ດ້ານອື່ນໆ.
