ຂ່ຳນັບຊົມເຊີຍຜົນສຳເລັດກອງປະຊຸມສຸດຍອດອາຊີ-ເອີຣົບ ຄັ້ງທີ9ຢ່າງສຸດໃຈ
ໜັງສືພິມປະຊາຊົນ ຊຶ່ງເປັນສຽງຂອງສູນກາງພັກປະຊາຊົນປະຕິວັດລາວສະບັບວັນທີ9ພະຈິກນີ້ ໄດ້ລົງພິມບົດນໍາທີ່ມີຫົວຂໍ້: ຂ່ຳນັບຊົມເຊີຍຜົນສຳເລັດກອງປະຊຸມສຸດຍອດອາຊີ-ເອີຣົບຄັ້ງທີ9ຢ່າງສຸດໃຈ.
ບົດນຳຂຽນວ່າ: ກອງປະຊຸມສຸດຍອດອາຊີ - ເອີຣົບຄັ້ງທີ 9 ແມ່ນກອງປະຊຸມຄັ້ງປະຫວັດສາດຂອງ ສປປ ລາວທີ່ໄດ້ຮັບກຽດເປັນ
ເຈົ້າພາບຈັດກອງປະຊຸມລະດັບໃຫຍ່ຄືແນວນັ້ນແລະກໍ່ເປັນຄັ້ງປະຫວັດສາດສຳລັບອາເຊັມເຊັ່ນດຽວກັນທີ່ມີບັນດາປະມຸກລັດ, ຫົວ
ໜ້າລັດຖະບານແລະຄະນະຜູ້ແທນເຂົ້າຮ່ວມຮອດ 52 ຄະນະ (ນັບທັງປະເທດເຈົ້າພາບ) ໃນຈຳນວນ 3.000 ກວ່າຄົນ. ຜົນຂອງ
ກອງປະຊຸມແມ່ນເປັນເອກະສັນຮັບຮອງເອົາ 2 ເອກະສານສຳຄັນຄື: ຖະແຫລງການວຽງຈັນວ່າດ້ວຍການຮັດແໜ້ນການເປັນຄູ່
ຮ່ວມມືເພື່ອສັນຕິພາບແລະການພັດທະນາແລະບົດຖະແຫລງຂອງປະທານກອງປະຊຸມສຸດຍອດອາເຊັມ 9.
ບົດນໍາຍັງຊີ້ໃຫ້ເຫັນວ່າ: ໃນວາລະດຳເນີນກອງປະຊຸມ,ບັນດາຜູ້ນຳອາເຊັມ ໄດ້ ຮ່ວມກັນປຶກສາຫາລືກ່ຽວກັບສະພາບການທາງ
ດ້ານເສດຖະກິດ,ວັດທະນະທຳ-ສັງຄົມ, ການທ່ອງທ່ຽວລວມທັງປຶກສາຫາລືອະນາຄົດຂອງອາເຊັມເພື່ອເຮັດໃຫ້ອາ ເຊັມມີການຂະ
ຫຍາຍການຮ່ວມມືຮອບດ້ານເພື່ອປັບປຸງວຽກງານຂອງອາເຊັມໃຫ້ມີຄວາມເປີດກ້ວາງ ແລະ ມີປະສິດທິຜົນສູງຍິ່ງຂຶ້ນເທື່ອລະກ້າວ
ບົນພື້ນຖານປະຕິບັດ ຕາມຄຳຂວັນຂອງອາເຊັມທີ່ວ່າ: ເພື່ອນມິດເພື່ອສັນຕິພາບ, ຄູ່ຮ່ວມມືເພື່ອຄວາມສົມບູນພູນສຸກ.
ບົດນໍາຊີ້ອອກວ່າ: ຜົນສຳເລັດຂອງກອງປະຊຸມສຸດຍອດອາເຊັມ ຄັ້ງທີ 9 ເກີດຂຶ້ນໄດ້ກໍ່ຍ້ອນມີການນຳພາອັນຖືກຕ້ອງສອດ
ຄ່ອງແລະຈົດຈໍ່ຂອງກົມການ ເມືອງສູນກາງພັກ, ການຊີ້ນຳຜັນຂະຫຍາຍຢ່າງມີຄວາມຮັບຜິດຊອບສູງຂອງລັດຖະບານ, ຍ້ອນການ
ປະກອບສ່ວນອັນໃຫຍ່ຫລວງຂອງທຸກໆພາກສ່ວນແລະປະຊາຊົນລາວທຸກເຜົ່າ, ທຸກຊັ້ນຄົນໃນທົ່ວປະເທດ, ແລະກໍ່ຍັງເປັນໝາກຜົນ
ແຫ່ງການສະໜັບສະໜູນແລະຊ່ວຍເຫລືອຂອງບັນດາປະເທດເພື່ອນມິດທາງດ້ານທຶນຮອນ,ການສ້າງພື້ນຖານໂຄງລ່າງ, ທາງດ້ານ
ບົດຮຽນແລະດ້ານອື່ນໆ ໃຫ້ແກ່ພວກເຮົາ. ປະຊາຊົນລາວບັນດາເຜົ່າໃນຂອບເຂດທົ່ວປະເທດຂໍສະແດງ ຄວາມຂ່ຳນັບຊົມເຊີຍຢ່າງ
ສຸດອົກສຸດໃຈຕໍ່ຜົນສຳເລັດຂອງກອງປະຊຸມສຸດຍອດອາຊີ - ເອີຣົບຄັ້ງທີ 9 ທີ່ປະເທດເຮົາໄດ້ຮັບກຽດເປັນເຈົ້າພາບ. ພ້ອມກັນນັ້ນກໍ່
ພ້ອມແລ້ວຈະອອກແຮງສືບຕໍ່ປະຕິບັດບັນດາເນື້ອໃນຈິດໃຈມະຕິ IX ຂອງພັກກໍ່ຄືຜົນສຳເລັດຂອງກອງປະຊຸມນີ້ເພື່ອຜົນປະໂຫຍດ
ລວມຂອງຊາດກໍ່ຄືຂອງລວມທັງ ສອງທະວີບອາຊີ-ເອີຣົບແລະຜົນປະໂຫຍດລວມຂອງໂລກ. ທັງໝົດນັ້ນແມ່ນແນໃສ່ປະກອບ
ສ່ວນເຊີດຊູຖານະບົດບາດອິດທິພົນຂອງ ສປປ ລາວ ໃນເວທີພາກພື້ນ ແລະ ເວທີສາກົນໃຫ້ສູງເດັ່ນຂຶ້ນໄປເລື້ອຍໆ.
