ການພັດທະນາພະລັງງານໄຟຟ້າທີ່ສະອາດຂອງຈີນໄດ້ຮັບຫມາກຜົນຢ່າງຊັດເຈນ
ວັນທີ10 ພະຈິກນີ້,ໃນເວລາທ່ານຢາງຄຸ່ນ,ຫົວຫນ້າວິສະວະກອນຂອງຄະນະກຳມະການຕິດຕາມຄຸ້ມຄອງພະລັງງານໄຟຟ້າແຫ່ງຊາດຈີນໄດ້ເຂົ້າຮ່ວມເວທີປຶກສາຫາລືສາກົນກ່ຽວກັບການປະດິດສ້າງພະລັງງານໄຟຟ້າທີ່ສະອາດນັ້ນ,ທ່ານກ່າວວ່າ, ຍອດບໍລິມາດການຕິດຕັ້ງເຄື່ອງຈັກຜະລິດໄຟຟ້ານ້ຳຕົກຂອງຈີນໃນປະຈຸບັນໄດ້ຫຼາຍກວ່າ230ລ້ານກິໂລວັດໂມງ,ເປັນອັນດັບທີຫນຶ່ງໃນໂລກ.ປະລິມານການຜະລິດໄຟຟ້າດ້ວຍວັດຖຸເຊື້ອໄຟທີ່ບໍ່ແມ່ນຖ່ານຫີນເຊັ່ນ: ໄຟຟ້ານ້ຳຕົກ ໄຟຟ້ານິວເຄຼຍ ການຜະລິດໄຟຟ້າດ້ວຍແຮງລົມ ພະລັງງານແສງຕາເວັນແລະອື່ນໆໄດ້ກວມຍອດປະລິມານການຜະລິດ17,5%,ການພັດທະນາພະລັງານງານໄຟຟ້າທີ່ສະອາດໄດ້ຮັບຫມາກຜົນຢ່າງຊັດເຈນ.
ວັນທີ10ພະຈິກນີ້,ເວທີປຶກສາຫາລືສາກົນກ່ຽວກັບການປະດິດສ້າງພະລັງງານໄຟຟ້າທີ່ສະອາດໄດ້ຈັດຂຶ້ນຢູ່ທີ່ນະຄອນກວາງໂຈ່ວ,ຜູ່ຕາງຫນ້າຂອງປະເທດອາຊີ ອາຟຼິກາແລະອາເມລິກາລາຕີນພ້ອມດ້ວຍລັດຖະມົນຕີແລະຫົວຫນ້າຄະນະກຳມະການທຽບເທົ່າຫຼາຍແຫ່ງແລະພາກສ່ວນທີ່ກ່ຽວຂ້ອງຂອງແຂວງ ກຳແພງນະຄອນແລະທ່ານອື່ນໆລວມ 300 ກວ່າຄົນໄດ້ເຂົ້າຮ່ວມກອງປະຊຸມຄັ້ງນີ້,ເພື່ອຮ່ວມກັນຄົ້ນຄວ້າປຶກສາຫາລືນະໂຍບາຍ ເຕັກນິກແລະການຮ່ວມມືສາກົນໃນດ້ານພະລັງງານໄຟຟ້າທີ່ສະອາດ.
ອີງຕາມຂໍ້ມູນທີ່ຄະນະກຳມະການຕິດຕາມຄຸ້ມຄອງພະລັງງານໄຟຟ້າແຫ່ງຊາດຈີນເປີດເຜີຍໃຫ້ຮູ້ວ່າ, ຮອດທ້າຍປີກາຍນີ້,ຍອດປະລິມານການຜະລິດພະລັງງານໄຟຟ້າຂອງຈີນໄດ້ສູງເຖິງ1 ຕື້ 36 ລ້ານກິໂລວັດໂມງ,ເຊິ່ງໄດ້ເປັນອັນດັບທີຫນຶ່ງຂອງໂລກ.ອັດຕາສ່ວນຂອງເຄື່ອງຈັກຜະລິດໄຟຟ້າແບບປະຢັດພະລັງງານແລະອະນຸລັກສິ່ງແວດລ້ອມທີ່ມີບໍລິມາດອັນໃຫຍ່ຫຼວງ ມີປະສິດທິພາບສູງແລະສິ້ນເປືອງພະລັງງານຫນ້ອຍໄດ້ເພີ່ມຂຶ້ນຢ່າງບໍ່ຢຸດຢັ້ງ.
