ເລີ່ມດຳເນີນໂຄງການກໍ່ສ້າງເຂື່ອນໄຟຟ້າໄຊຍະບູລີເລີ່ມ ຈະຊຸກຍູ້ການພັດທະນາດ້ານເສດຖະກິດຂອງລາວ
ຕາມຂ່າວCRI: ໂຄງການກໍ່ສ້າງເຂື່ອນໄຟຟ້າໄຊຍະບູລີ່ໄດ້ຈັດພິທີວາງສີລາລຶກໃນອາທິດແລ້ວນີ້. ທ່ານສົມສະຫວາດ ເລັ່ງສະຫວັດ, ຮອງນາຍົກລັດ ຖະມົນຕີລາວ, ພ້ອມດ້ວຍທ່ານຕະ ມິງ ເຈົາ, ເອກອັກຄະລັດຖະທູດຫວຽດນາມປະຈຳລາວແລະທ່ານຢີດານ, ເອກອັກຄະລັດຖະທູດກຳປູເຈຍປະຈຳລາວເຂົ້າຮ່ວມ. ເຊິ່ງໝາຍຄວາມວ່າໂຄງການທີ່ຖືກໂຈະໄວ້ຫຼາຍເທື່ອໃນ5ປີຜ່ານມາໄດ້ເລີ່ມກໍ່ສ້າງແລ້ວ.
ກ່ອນໜ້ານີ້, ໂຄງການດັ່ງກ່າວເຄີຍເຮັດໃຫ້ກຳປູເຈຍ, ຫວຽດນາມແລະປະເທດຢູ່ເຂດແມ່ນ້ຳຂອງເປັນຫວ່າງນຳ. ກ່ຽວກັບເລື່ອງນີ້, ລັດຖະບານລາວໄດ້ປຶກສາຫາລືແລະປັບປຸງກ່ຽວກັບບັນຫາການອະນຸລັກສິ່ງແວດລ້ອມຫຼາຍຫຼົບຫຼາຍຕ່າວເພື່ອຮັບປະ ກັນບໍ່ໃຫ້ເກີດມີຜົນສະທ້ອນຕໍ່ລະບົບຊີວະພາບຂອງແມ່ນໍ້າຂອງ. ຫຼັງຈາກນັ້ນ, ປະເທດເພື່ອນມິດຕ່າງໆກໍ່ບໍ່ໄດ້ມີຄວາມຂັດຂ້ອງແຕ່ຢ່າງໃດເຊິ່ງໄດ້ຮັບການຢືນຢັນຍ້ອນເອກອັກຄະລັດຖະທູດຫວຽດນາມປະຈຳລາວແລະເອກອັກຄະລັດຖະທູດກຳປູເຈຍປະຈຳລາວໄດ້ເຂົ້າຮ່ວມພິທີວາງສີລາລຶກ.
ປະລິມານຄວາມສາມາດໃນການຜະລິດກະແສໄຟຟ້າຂອງໂຄງການເຂື່ອນໄຟຟ້າໄຊຍະບູລີມີເຖິງ1285ເມກາວັດ, ຍອດມູນຄ່າການລົງທຶນຂອງໂຄງການດັ່ງກ່າວມີ3ຕື້5ຮ້ອຍລ້ານໂດລາ, ແມ່ນໂຄງການເຂື່ອນໄຟຟ້າຂະໜາດໃຫຍ່ແຫ່ງທຳອິດທີ່ກໍ່ສ້າງຢູ່ແມ່ນ້ຳຂອງເຊິ່ງແມ່ນສາຍຫຼັກແມ່ນ້ຳຂອງຂອງລາວ. ປະຈຸບັນນີ້, ເຂື່ອນໄຟຟ້າຕົ້ນຕໍຂອງລາວລ້ວນແຕ່ສ້າງຕາມແມ່ນ້ຳທີ່ເປັນສາຂາຂອງແມ່ນ້ຳຂອງ, ຫຼັງຈາກເຂື່ອນໄຟຟຟ້າໄຊຍະບູລີສ້າງສຳເລັດແລ້ວ, ຈະມີປະລິມານການຜະລິດໄຟຟ້າຫຼາຍກວ່າເຂື່ອນໄຟຟ້າດັ່ງກ່າວ, ຈະນຳເອົາລາຍຮັບດ້ານເງິນຕາຕ່າງປະເທດຢ່າງຫຼວງຫຼາຍມາໃຫ້ແກ່ລາວ, ເຊິ່ງຈະເປັນການຊຸກຍູ້ການພັດທະນາດ້ານເສດຖະກິດສັງຄົມຂອງລາວ. ການເລີ່ມກໍ່ສ້າງໂຄງການນີ້ຈະກາຍເປັນຕົວຢ່າງໃນການແກ້ໄຂຄວາມຂັດແຍ່ງດ້ວຍການປຶກສາຫາລືຂອງປະເທດກ່ຽວຂ້ອງ.
