ຈັດພິທີວາງສີລາລຶກຂອງໂຮງຮຽນປະຖົມສົມບູນບ້ານໜອງປີງ
ຕອນເຊົ້າວັນທີ16ພະຈິກນີ້ໄດ້ຈັດພິທີວາງສີລາລຶກການກໍ່ສ້າງໂຮງຮຽນປະຖົມສົມບູນບ້ານໜອງປີງ,ເມືອງຈັນທະບູລີ,ນະຄອນຫຼວງວຽງຈັນ, ເຊິ່ງໂຮງຮຽນແຫ່ງນີ້ເປັນໂຄງການຮ່ວມມືລະຫວ່າງຄະນະສັນຕິພາບແລະສາມັກຄີຂອງລາວ, ກັບກອງທຶນຈີນເພື່ອສັນຕິພາບແລະການພັດທະນາຂອງຈີນ, ເປັນກຽດເຂົ້າຮ່ວມໃນພິທີດັ່ງກ່າວມີທ່ານສາຍທອງ ແກ້ວດວງດີ, ຮອງເຈົ້າຄອງນະຄອນຫຼວງວຽງຈັນ,ທ່ານທອງສີ ອິນທະພົນ, ຮອງຫົວໜ້າຄະນພົວພັນຕ່າງປະເທດສູນກາງພັກ, ທ່ານນາງປູ້ຈ້ຽນກົວ,ເອກອັກຄະລັດຖະທູດຈີນປະຈຳລາວ, ທ່ານຄຳພັນ ສິມມະລາວົງ, ປະທານຄະນະສັນຕິພາບແລະສາມັກຄີຂອງລາວ, ພະນັກງານກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນພິທີດັ່ງກ່າວ, ທ່ານນາງປູ້ຈ້ຽນກົວ, ເອກອັກຄະລັດຖະທູດຈີນກ່າວວ່າ, ໂຄງການກໍ່ສ້າງໂຮງຮຽນປະຖົມສົມບູນບ້ານໜອງປິງເປັນໂຄງການແບບຢ່າງທີ່ລັດຖະບານຈີນເພີ່ມທະວີການສະໜັບສະໜູບແລະການຊ່ວຍເຫຼືອເຂົ້າໃນຂົງເຂດຊີວິດການເປັນຢູ່, ໂດຍສະເພາະແມ່ນຂົງເຂດການສຶກສາຂັ້ນພື້ນຖານຂອງລາວ. ໃນຕໍ່ໜ້ານີ້, ຈີນຈະເພີ່ມທະວີການສະໜັບສະໜູນແລະການຊ່ວຍເຫຼືອຕື່ມອີກຕໍ່ວຽກງານການສຶກສາຂອງລາວບົນພື້ນຖານທີ່ມີຢູ່ແລ້ວໃນປະຈຸບັນ.
ໂຮງຮຽນປະຖົມສົມບູນບ້ານໜອງປີງແມ່ນກອງທຶນຈີນເພື່ອສັນຕິພາບແລະການພັດທະນາອອກທຶນ4ແສນ2ໝື່ນໂດລາໃນການກໍ່ສ້າງ, ລົງມືກໍ່ສ້າງເລີ່ມແຕ່ວັນທີ1ຕຸລາ2012, ຄາດວ່າຈະສຳເລັດການກໍ່ສ້າງໃນເດືອນພຶດສະພາປີໜ້າ, ຫຼັງຈາກສ້າງສຳເລັດແລ້ວ, ຈະເປັນອາຄານ 2ຊັ້ນ1ຫຼັງ, ລວມມີ12ຫ້ອງ, ສາມາດຮອງຮັບນັກຮຽນໄດ້ປະມານ500ຄົນ.
