ຜູ້ນຳຈີນສົ່ງໂທລະເລກໄປຍັງຜູ້ນຳລາວ ເພື່ອຊົມເຊີຍສາທາລະນະລັດປະຊາທິປະໄຕປະຊາຊົນລາວສ້າງຕັ້ງຂຶ້ນຄົບຮອບ 37ປີ
(GMT+08:00) 2012-12-02 14:30:26 cri
ຕາມຂ່າວcri: ວັນທີ2ທັນວານີ້, ທ່ານຫູຈິນທ່າວ, ປະທານປະເທດຈີນ, ທ່ານອູປ່າງກົວະ, ປະທານຄະນະປະຈຳສະພາຜູ້ແທນປະຊາຊົນແຫ່ງຊາດຈີນ ແລະທ່ານເວີ່ນເຈ່ຍປາວ, ນາຍົກລັດຖະມົນຕີຈີນໄດ້ຮ່ວມກັນສົ່ງໂທລະເລກໄປຍັງທ່ານຈູມມາລີ ໄຊຍະສອນ, ປະທານປະເທດສາທາລະນະລັດປະຊາທິປະໄຕປະຊາຊົນລາວ, ທ່ານນາງປານີ ຢາທໍ່ຕູ້, ປະທານສະພາແຫ່ງຊາດລາວ ແລະທ່ານທອງສິງ ທຳມະວົງ, ນາຍົກລັດຖະມົນຕີລາວ, ເພື່ອຊົມເຊີຍວັນສາທາລະນະລັດປະຊາທິປະໄຕປະຊາຊົນລາວສ້າງຕັ້ງຂຶ້ນຄົບຮອບ 37ປີ. ໂທລະເລກມີເນື້ອໃນດັ່ງນີ້:
ເນື່ອງໃນໂອກາດວັນສ້າງຕັ້ງສາທາລະນະລັດປະຊາທິປະໄຕປະຊາຊົນລາວຄົບຮອບ 37ປີ, ພວກຂ້າພະເຈົ້າຂໍຕາງໜ້າລັດຖະບານຈີນ, ສະພາຜູ້ແທນປະຊາຊົນແຫ່ງຊາດຈີນແລະປະຊາຊົນຈີນ, ສະແດງຄວາມອວຍພອນຢ່າງອົບອຸ່ນແລະສົ່ງພອນອັນປະເສີດມາຍັງທ່ານຈູມມາລີ ໄຊຍະສອນ, ປະທານປະເທດລາວ, ທ່ານນາງປານີ ຢາທໍ່ຕູ້, ປະທານສະພາແຫ່ງຊາດລາວ ແລະທ່ານທອງສິງ ທຳມະວົງ, ນາຍົກລັດຖະມົນຕີລາວ, ພ້ອມດ້ວຍຄະນະລັດຖະບານລາວ, ສະພາແຫ່ງຊາດລາວແລະປະຊາຊົນລາວທີ່ເປັນອ້າຍນ້ອງກັນ.
ປະຈຸບັນ ການເມືອງຂອງລາວມີຄວາມໝັ້ນຄົງ, ສັງຄົມມີຄວາມກົມກຽວກັນ, ເສດຖະກິດການພັດທະນາແລະຊີວິດການເປັນຢູ່ຂອງປະຊາຊົນນັບມື້ນັບໄດ້ປັບປຸງໃຫ້ດີຂຶ້ນ, ຖານະໃນສາກົນໄດ້ຮັບການຍົກສູງຢ່າງບໍ່ຢຸດຢັ້ງ. ພວກຂ້າພະເຈົ້າເຊື່ອວ່າ, ພາຍໃຕ້ການນຳພາຂອງພັກປະຊາຊົນປະຕິວັດລາວ, ປະຊາຊົນລາວຍ່ອມຈະບັນລຸເປົ້າໝາຍສູ້ຊົນທີ່ກຳນົດໄວ້ໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ9ຂອງພັກປະຊາຊົນປະຕິວັດລາວ, ແລະໄດ້ຮັບຜົນສຳເລັດໃໝ່ອັນຍິ່ງໃຫຍ່ຢ່າງບໍ່ຢຸດຢັ້ງໃນພາລະກິດການສ້າງສາສົງຄົມທີ່ທັນສະໄໝ.
ໃນຊຸມປີຜ່ານມາ, ການພົວພັນມິດຕະພາບແລະການຮ່ວມມືລະຫວ່າງຈີນກັບລາວໄດ້ມີການຂະຫຍາຍຕົວຢ່າງຫຼວງຫຼາຍ. ການໄປມາຫາສູ່ກັນລະຫວ່າງຂັ້ນນຳຂອງສອງປະເທດກໍ່ນັບມື້ນັບຫຼາຍຂຶ້ນຕື່ມ, ຄວາມໄວ້ເນື້ອເຊື່ອໃຈກັນທາງການເມືອງໄດ້ຮັບການເພີ່ມທະວີຢ່າງບໍ່ຢຸດຢັ້ງ, ການຮ່ວມມືໃນຂົງເຂດຕ່າງໆໄດ້ຮັບຜົນສຳເລັດຢ່າງຊັດເຈນ, ແລ້ວນຳເອົາຜົນປະໂຫຍດທີ່ແທ້ຈິງມາໃຫ້ປະຊາຊົນທັງສອງປະເທດ. ຈີນຖະໜຸຖະໜອມໄມຕີຈິດມິດຕະພາບລະຫວ່າງຈີນກັບລາວ, ຍິນດີຮ່ວມກັບລາວເພີ່ມທະວີການໄປມາຫາສູ່ກັນຢ່າງມີໄມຕີຈິດ, ເປີດກວ້າງການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ການຮ່ວມມືຍຸດທະສາດຮອບດ້ານລະຫວ່າງຈີນກັບລາວໄດ້ແຕກດອກອອກຜົນຫຼາຍກວ່າເກົ່າ, ເຮັດໃຫ້ສອງປະເທດເປັນປະເທດບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີແລະ ຄູ່ຮ່ວມມືທີ່ດີຕະຫຼອດໄປ.
ຂໍອວຍພອນໃຫ້ສາທາລະນະລັດປະຊາທິປະໄຕປະຊາຊົນລາວຈົ່ງມີຄວາມຈະເລີນຮຸ່ງເຮືອງ, ປະຊາຊົນມີຄວາມຜາສຸກ.
ມື້ດຽວກັນ, ທ່ານຢາງເຈສື້, ລັດຖະມົນຕີວ່າການກະຊວງການຕ່າງປະເທດຈີນກໍ່ໄດ້ສົ່ງໂທລະເລກໄປຍັງທ່ານດ.ຣທອງລຸນ ສີສຸລິດ, ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດລາວ ເພື່ອອວຍພອນການສ້າງຕັ້ງສາທາລະນະລັດປະຊາທິປະໄຕປະຊາຊົນລາວ ຄົບຮອບ37ປີ.
ເນື່ອງໃນໂອກາດວັນສ້າງຕັ້ງສາທາລະນະລັດປະຊາທິປະໄຕປະຊາຊົນລາວຄົບຮອບ 37ປີ, ພວກຂ້າພະເຈົ້າຂໍຕາງໜ້າລັດຖະບານຈີນ, ສະພາຜູ້ແທນປະຊາຊົນແຫ່ງຊາດຈີນແລະປະຊາຊົນຈີນ, ສະແດງຄວາມອວຍພອນຢ່າງອົບອຸ່ນແລະສົ່ງພອນອັນປະເສີດມາຍັງທ່ານຈູມມາລີ ໄຊຍະສອນ, ປະທານປະເທດລາວ, ທ່ານນາງປານີ ຢາທໍ່ຕູ້, ປະທານສະພາແຫ່ງຊາດລາວ ແລະທ່ານທອງສິງ ທຳມະວົງ, ນາຍົກລັດຖະມົນຕີລາວ, ພ້ອມດ້ວຍຄະນະລັດຖະບານລາວ, ສະພາແຫ່ງຊາດລາວແລະປະຊາຊົນລາວທີ່ເປັນອ້າຍນ້ອງກັນ.
ປະຈຸບັນ ການເມືອງຂອງລາວມີຄວາມໝັ້ນຄົງ, ສັງຄົມມີຄວາມກົມກຽວກັນ, ເສດຖະກິດການພັດທະນາແລະຊີວິດການເປັນຢູ່ຂອງປະຊາຊົນນັບມື້ນັບໄດ້ປັບປຸງໃຫ້ດີຂຶ້ນ, ຖານະໃນສາກົນໄດ້ຮັບການຍົກສູງຢ່າງບໍ່ຢຸດຢັ້ງ. ພວກຂ້າພະເຈົ້າເຊື່ອວ່າ, ພາຍໃຕ້ການນຳພາຂອງພັກປະຊາຊົນປະຕິວັດລາວ, ປະຊາຊົນລາວຍ່ອມຈະບັນລຸເປົ້າໝາຍສູ້ຊົນທີ່ກຳນົດໄວ້ໃນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ9ຂອງພັກປະຊາຊົນປະຕິວັດລາວ, ແລະໄດ້ຮັບຜົນສຳເລັດໃໝ່ອັນຍິ່ງໃຫຍ່ຢ່າງບໍ່ຢຸດຢັ້ງໃນພາລະກິດການສ້າງສາສົງຄົມທີ່ທັນສະໄໝ.
ໃນຊຸມປີຜ່ານມາ, ການພົວພັນມິດຕະພາບແລະການຮ່ວມມືລະຫວ່າງຈີນກັບລາວໄດ້ມີການຂະຫຍາຍຕົວຢ່າງຫຼວງຫຼາຍ. ການໄປມາຫາສູ່ກັນລະຫວ່າງຂັ້ນນຳຂອງສອງປະເທດກໍ່ນັບມື້ນັບຫຼາຍຂຶ້ນຕື່ມ, ຄວາມໄວ້ເນື້ອເຊື່ອໃຈກັນທາງການເມືອງໄດ້ຮັບການເພີ່ມທະວີຢ່າງບໍ່ຢຸດຢັ້ງ, ການຮ່ວມມືໃນຂົງເຂດຕ່າງໆໄດ້ຮັບຜົນສຳເລັດຢ່າງຊັດເຈນ, ແລ້ວນຳເອົາຜົນປະໂຫຍດທີ່ແທ້ຈິງມາໃຫ້ປະຊາຊົນທັງສອງປະເທດ. ຈີນຖະໜຸຖະໜອມໄມຕີຈິດມິດຕະພາບລະຫວ່າງຈີນກັບລາວ, ຍິນດີຮ່ວມກັບລາວເພີ່ມທະວີການໄປມາຫາສູ່ກັນຢ່າງມີໄມຕີຈິດ, ເປີດກວ້າງການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ການຮ່ວມມືຍຸດທະສາດຮອບດ້ານລະຫວ່າງຈີນກັບລາວໄດ້ແຕກດອກອອກຜົນຫຼາຍກວ່າເກົ່າ, ເຮັດໃຫ້ສອງປະເທດເປັນປະເທດບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍທີ່ດີແລະ ຄູ່ຮ່ວມມືທີ່ດີຕະຫຼອດໄປ.
ຂໍອວຍພອນໃຫ້ສາທາລະນະລັດປະຊາທິປະໄຕປະຊາຊົນລາວຈົ່ງມີຄວາມຈະເລີນຮຸ່ງເຮືອງ, ປະຊາຊົນມີຄວາມຜາສຸກ.
ມື້ດຽວກັນ, ທ່ານຢາງເຈສື້, ລັດຖະມົນຕີວ່າການກະຊວງການຕ່າງປະເທດຈີນກໍ່ໄດ້ສົ່ງໂທລະເລກໄປຍັງທ່ານດ.ຣທອງລຸນ ສີສຸລິດ, ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດລາວ ເພື່ອອວຍພອນການສ້າງຕັ້ງສາທາລະນະລັດປະຊາທິປະໄຕປະຊາຊົນລາວ ຄົບຮອບ37ປີ.
