10 ອັນດັບປະເທດທີ່ມີອາກາດດີທີ່ສຸດໃນໂລກ
ກ່ອນອື່ນຕ້ອງບອກວ່າ: 10 ປະເທດທີ່ອາກາດດີທີ່ສຸດໃນໂລກ ບໍ່ໄດ້ໝາຍເຖິງປະເທດທີ່ມີອາກາດບໍລິສຸດ ຫຼື ເປັນແຫຼ່ງໂອໂຊນ ແຕ່ເປັນປະເທດທີ່ມີສະພາບອາກາດເອື້ອອໍານວຍຕໍ່ການອົບພະຍົກຍ້າຍຖິ່ນຖານ ບໍ່ວ່າຈະເປັນການຍ້າຍໄປເລີ່ມຕົ້ນຊີວິດໃໝ່ ຍ້າຍໄປໃຊ້ຊີວິດບັ້ນປາຍຫຼັງບໍານານແລ້ວ 10 ປະເທດທີ່ຈະເວົ້າເຖິງຕໍ່ໄປນີ້ ມີສະພາບອາກາດໂດຍລວມທີ່ບໍ່ປັ່ນປ່ວນ ບໍ່ຮ້ອນຫຼາຍ ຫຼື ບໍ່ໜາວຫຼາຍຈົນເກີນໄປ ແລະ ບໍ່ແມ່ນປະເທດທີ່ມີຝົນຕົກຕະຫຼອດປີ. ຈາກການສໍາຫຼວດຂອງຜູ້ຊ່ຽວຊານ ແລະ ທີ່ປຶກສາການໃຊ້ຊີວິດຢູ່ຕ່າງປະເທດຫຼັງຈາກບໍານານຈັດຂື້ນໂດຍ: ອິນເຕີລ ເນເຊິນເນລ ລີຟະລິງ
ອັນດັບທີ່ໜື່ງ: ປະເທດສາທາລະນະລັດ ມອນຕາ ສາທາລະນະລັດມອນຕາເປັນໝູ່ເກາະຕັ້ງຢູ່ໃນທະເລເມດີເຕລາເນທາງໃຕ້ຂອງເອີລົບ ສະພາບອາກາດຖືວ່າດີຫຼາຍເມື່ອທຽບໃສ່ກັບປະເທດສ່ວນຫຼາຍໃນເອີລົບມີອຸນຫະພູມສະເລ່ຍ 20 ອົງສາ ຢ່າງໃດກໍ່ຕາມມອນຕາເຖິງຈະເກີດມີຝົນຕົກຫຼາຍບາງໄລຍະແຕ່ມັກເກີດໃນໄລຍະພຽງສັ້ນໆ.
ອັນດັບທີ່ສອງ: ສາທາລະນະລັດເອກວາດໍ ຕັ້ງຢູ່ທາງຕາເວັນຕົກສຽງເໜືອຂອງທະວີບອາເມລິກາໃຕ້ ຍ້ອນທີ່ຕັ້ງຢູ່ບໍລິເວນເສັ້ນສູນສູດ ເອກວາດໍ ເປັນປະເທດໄດ້ຮັບແສງແດດ ເຕັມໆເຖິງ 12 ຊົ່ວໂມງຕໍ່ມື້ ແຕ່ເນື່ອງຈາກເອກວາດໍມີພູມສັນຖານຂອງປະເທດທີ່ຕ່າງກັນ ສ່ວນຫຼາຍເປັນປ່າ ແລະ ພູ ແຕ່ລະບ່ອນຈື່ງມີພູມອາກາດທີ່ແຕກຕ່າງກັນ ມີສະພາບອາກາດຄືຢູ່ໃນລະດູໃບໄມ້ປົ່ງອຸນຫະພູມສະເລ່ຍປະມານ 24 ອົງສາ ຍາມກາງເວັນ.
ອັນດັບທີສາມ: ສາທາລະນະລັດແມັກຊິໂກ ຕັ້ງຢູ່ທາງໃຕ້ຂອງປະເທດສະຫະລັດອາເມລິກາ ເປັນປະເທດທີ່ມີສະພາບອາກາດດີຫຼາຍ ຍ້ອນຄວາມສູງຂອງແຕ່ລະເຂດ ບາງເຂດມີອາກາດແບບເຂດຮ້ອນໂດຍສະເພາະບໍລິເວນແຫຼມຍູກາຕັງ ສ່ວນບ່ອນທີ່ສູງກວ່າລະດັບໜ້ານໍ້າທະເລ 900 ແມັດຂື້ນໄປຈະມີສະພາບອາກາດເຢັນ.
ອັນດັບທີ່ສີ່ : ສາທາລະນະລັດໂຄລໍາເບຍ ຕັ້ງຢູ່ທາງທິດຕາເວັນຕົກສຽງເໜືອຂອງທະວີບອາເມລິກາໃຕ້ ເນື່ອງຈາກປະເທດໂຄລໍາເບຍຕັ້ງຢູ່ໄກ້ເສັ້ນສູງສູດ ສະພາບອາກາດທົ່ວໄປຈື່ງມີລັກສະນະຮ້ອນຊຸ່ນ ແລະ ມີອຸ່ນຫະພູມຄົງທີ່ຕະຫຼອດປີ ຖ້າຈະຕ່າງກໍ່ພຽງໜ້ອຍດຽວອຸນຫະພູມແມ່ນ 14 ອັງສາ ແລະ ອຸນຫະພູມສະເລ່ຍຕະຫຼອດປິແມ່ນ 15 ອົງສາ.
ອັນດັບທີ່ຫ້າ: ແມ່ນປະເທດອອສເຕເລຍ ປະເທດນີ້ມີສະພາບອາກາດຫຼາຍແບບ ແຕ່ເນື່ອງຈາກເນື້ອສວ່ນຫຼາຍຂອງປະເທດເປັນທະເລຊາຍທີ່ແຫ້ງແລ້ງ ແລະ ທຸລະກັນດານ ຂະໜາດທະເລຊາຍລວມກັນໃຫຍ່ເປັນອັນດັບ 2 ຂອງໂລກຮອງຈາກທະເລຊາຍສະຫາລາຢູ່ທະວີບອາຝຣິກກາ ເນື້ອທີ່ປະມານ 40 % ແມ່ນດິນຊາຍ. ທາງໄຕ້ດ້ານຕາເວັນອອກ ແລະ ຕາເວັນຕົກເທົ່ານັ້ນທີ່ມີອາກາດເຢັນ ແລະ ເປັນເຂດທີ່ອຸດົມສົມບູນສ່ວນທາງເໜືອຂອງປະເທດມີອາກາດແບບເຂດຮ້ອນ.
ອັນດັບທີ່ຫົກ: ປະເທດອູລູໄກຍ ເປັນປະເທດນ້ອຍໆຕັ້ງຢູ່ທາງໃຕ້ຂອງທະວີບອາເມລິກາໃຕ້ ປະເທດອູລູໄກຍມີສະພາບອາກາດແບບເຄິ່ງຮ້ອນ ແລະ ຊຸ່ນ ບາງບ່ອນຍັງມີຝົນຕົກນໍາ ສະພາບອາກາດຢູ່ອູລູໄກຍແຕ່ລະບ່ອນຈະບໍ່ແຕກຕ່າງກັນພໍປານໃດ ປະເທດນີ້ບໍ່ມີພູຈື່ງເຮັດໃຫ້ມີລົມພັດມາຈາກພາກອື່ນໆ ໃນລະດູຮ້ອນອາກາດຈະອຸ່ນເກືອບວ່າຮ້ອນພຸ້ນລະ! ສ່ວນລະດູໜາວອາກາດຈະເຢັນຍ້ອນກະແສລົມທີ່ພັດມາຈາກຂ້ວນໂລກ. ບໍ່ມີສະພາບອາກາດໜາວຫຼາຍ ລະດູຮ້ອນອຸນຫະພູມສະເລ່ຍປະມານ 22 ອົງສາ ລະດູໜາວມີອຸນຫະພູມສະເລ່ຍ 11 ອົງສາ.
ອັນດັບທີ່ເຈັດ: ສາທາລະນະລັດອາເຈນຕີນາ ຕັ້ງຢູ່ທາງໃຕ້ຂອງທະວີບອາເມລິກາໃຕ້ ເປັນອີກໜື່ງປະເທດທີ່ມີສະພາບອາກາດຫຼາຍແບບ ແລະ ແຕກຕ່າງກັນໄປ ແຕ່ລະບ່ອນນັບແຕ່ອຸ່ນເກືອບວ່າຮ້ອນພຸ້ນລະ! ມີຝົນຕົກຫຼາຍ ເຖິງຂັ້ນມີຫີມມະຕົກພຸ້ນລະທາງພາກເໜືອຂອງປະເທດມີອາກາດເຄິ່ງຮ້ອນ ທາງພາກກາງຮ້ອນຊຸ່ນ ແລະ ທາງພາກໄຕ້ອາກາດໜາວເຢັນ ອາເຈນຕີນາອາກາດໜາວແບບແຫ້ງໆ.
ອັນດັບທີ່ແປດ: ສາທາລະນະລັດອາຝິຣກກາໃຕ້ ເປັນປະເທດອິດສະຫຼະທີ່ຢູ່ທາງໃຕ້ສຸດຂອງທະວີບອາຝຣິກກາ ເປັນປະເທດທີ່ມີພູມອາກາດຫຼາຍແບບ ສ່ວນຫຼາຍມີພູມອາກາດແບບອົບອຸ່ນແຕ່ສະພາບອາກາດທາງເໜືອ ແລະ ທາງໄຕ້ກໍ່ບໍ່ແຕກຕ່າງກັນຫຼາຍອຸນຫະພູມສະເລ່ຍໝົດປີປະມານ 17 ອົງສາ.
ອັນດັບທີ່ເກົ້າ: ສາທາລະນະລັດອີຕາລີຕັ້ງຢູ່ທາງໄຕ້ຂອງທະວີເອີລົບ ແລະ ທາງເໜືອຂອງທະວີບອາຝຣິກກາ. 75 % ເປັນພູ ແລະ ທົ່ງພຽງເປັນປະເທດໜື່ງໃນເອີລົບທີ່ມີອາກາດດີແຕ່ມີລັກສະນະອາກາດຫຼາຍແບບມີອຸນຫະພູມສະເລ່ຍປະມານ 27 ອົງສາ. ໃນລະດູຮ້ອນລົງໄປທາງພາກໄຕ້ຫຼາຍເທົ່າໃດອາກາດກໍ່ແຮງຮ້ອນ
ອັນດັບທີ່ສິບ: ສາທາລະນະລັດຝຣັ່ງ ຕັ້ງຢູ່ທາງທິດຕາເວັນຕົກທະວີບເອີລົບ ເປັນປະເທດທີ່ມີອາກາດເຢັນ ແຕ່ກໍມີສະພາບອາດກາດຫຼາຍແບບ ແລະ ແຕກຕ່ງກັນໄປໃນແຕ່ລະພາກ ອຸນຫະພູມສະເລ່ຍໃນລະດູໜາວຢູ່ປະມານ 0-7 ອົງສາ ໃນລະດູຮ້ອນຈະມີອຸນຫະພູມສະເລ່ຍ 16-24 ອົງສາ ທາງພາກາງ ແລະ ໄປທາງທິດເໜືອມີອາກາດເຢັນ ມັກມີຝົນຕົກອາກາດຮ້ອນໃນລະດູຮ້ອນ.
