ໃຊ້ໂທລະສັບມືຖືເວລາຝົນຕົກຟ້າຮ້ອງອັນຕະລາຍ
ຈາກຜົນການວິໄຈພົບວ່າ: ໃຊ້ໂທລະສັບມືຖືໃນເວລາຝົນຕົກ ຟ້າຮ້ອງ ແລະ ຢູ່ບ່ອນໂລ່ງແຈ້ງນັ້ນມີຄວາມສ່ຽງຕໍ່ການຖືກຟ້າຜ່າໃນອັດຕາສູງຫຼາຍ ເຊິ່ງມີໂຕຢ່າງໃຫ້ເຫັນແລ້ວຫຼາຍກໍລະນີ ທັງຢູ່ລາວ ແລະ ຢູ່ຕ່າງປະເທດ. ສ່ວນຫຼາຍແມ່ນເສຍຊີວິດ ສ່ວນລອດຊີວິດກໍ່ແມ່ນບາດເຈັບສາຫັດ ຫຼື ພິການທາງດ້ານຮ່າງກາຍ ແລະ ຈິດໃຈຢ່າງຖາວອນ.
ຄວາມສ່ຽງຂອງການໃຊ້ໂທລະສັບໃນເວລາຝົນຕົກ ຟ້າຮ້ອງບໍ່ໄດ້ເກີດຈາກຄື້ນສັນຍານໂທລະສັບມືຖືທີ່ແຜ່ອອກມາເທົ່ານັ້ນ, ແຕ່ຍັງກ່ຽວຂ້ອງກັບວັດຖຸໂລຫະທີ່ໃຊ້ເຮັດໂທລະສັບມືຖືນໍາອີກ. ເນື່ອງຈາກໂທລະສັບຈະເປັນສູນລວມຄື້ນຟ້າຜ່າໃຫ້ແລ່ນມາໃສ່ໜ່ວຍໂທລະສັບແທນທີ່ຈະເປັນການຜ່າແບບກະຈັດກະຈາຍ ເຊິ່ງເປັນອັນຕະລາຍຮຸນແຮງກວ່າປົກກະຕິ.
ແນວໃດກໍ່ຕາມບໍ່ແມ່ນທຸກຄົນທີ່ໃຊ້ໂທລະສັບມືຖືເວລາຝົນຕົກ ຟ້າຮ້ອງຈະຖືຟ້າຜ່າໝົດທຸກຄົນ ເນື່ອງຈາກຈະຕ້ອງມີອົງປະກອບອື່ນໆທີ່ເໝາະສົມນໍາເຊັ່ນ: ບ່ອນຢູ່ໂລ່ງແຈ້ງຫຼືບໍ່? ຢູ່ໃກ້ຕົ້ນໄມ້ສູງຫຼືບໍ່? ກ້ອນຂີ້ເຝື້ອໃນບໍລິເວນນັ້ນມີຈຸດໄຟຟ້າສະສົມໄວ້ຫຼາຍຫຼືບໍ່. ເຖິງວ່າຂະນະທີ່ຍັງບໍ່ສາມາດສະຫຼຸບໄດ້ຮ້ອຍສ່ວນຮ້ອຍ ແຕ່ກໍ່ບໍ່ຄວນປະໝາດ ຖ້າຝົນຕົກຟ້າຮ້ອງ ແລະ ພວມຢູ່ບ່ອນໂລ່ງແຈ້ງກໍ່ພະຍາຍາມຫຼີກເວັ້ນໃນການໃຊ້ໂທລະສັບມືຖືໄວ້ຈະດີທີ່ສຸດ.
