ດື່ມນໍ້າຕອນໃດດີທີ່ສຸດ
ມື້ນີ້ຂໍເອົາໃຈສໍາລັບຜູ້ທີ່ມັກດື່ມນໍ້າທັງຫຼາຍ ແລະສໍາລັບທ່ານໃດກໍລັງເອົາໃຈໃສ່ເລື່ອງຂອງສຸຂະພາບ ໂດຍສະເພາະການດື່ມນໍ້າມາຟັງທາງນີ້, ທ່ານຮູ້ບໍ່ວ່າໃນທຸກ ໆ ມື້ ຮ່າງກາຍຈະຕ້ອງສູນເສຍນ້ຳຜ່ານທາງການຫາຍໃຈ ແລະການຂັບຖ່າຍຈຶ່ງເປັນສິ່ງທີ່ຈຳເປັນ ຫລາຍທີ່ຈະຕ້ອງຮັບນ້ຳເຂົ້າໄປເພື່ອທົດແທນສ່ວນທີ່ເສຍໄປ ແລະໂດຍປົກກະຕິເຮົາຈະເສຍນ້ຳຈາກການຍ່ຽວສະເລ່ຍມື້ລະປະມານ 1 ລິເຄິ່ງ ແລະອີກເກືອບເຖິງ 1 ລີດສຳລັບການຫາຍໃຈ ແລະເຫື່ອ ຖ້າທ່ານໃດທີ່ຕຽມໂຕເປັນເຈົ້າສາວເພື່ອເຮັດໃຫ້ຜີວພັນເບິ່ງຄືຊຸ່ມຊື່ນນັ້ນ, ດື່ມນ້ຳໃຫ້ໄດ້ມື້ລະ 2 ລີດ ( ປະມານ 8ຈອກ ) ກໍຈະຊ່ວຍທົດແທນການສູນເສຍນ້ຳໃນສ່ວນນີ້ໄດ້.
ແຕ່ສຳລັບປະລິມານນ້ຳທີ່ຄວນດື່ມໃຫ້ໄດ້ພາຍໃນ 1 ມື້ເພື່ອສຸຂະພາບທີ່ດີຂອງຕົວເຈົ້າເອງແລ້ວ ຖ້າເປັນໄວໜຸ່ມໄວສາວ ຄວນດື່ມໃຫ້ໄດ້ມື້ລະ 3 ລີດ ( ປະມານ 13 ຈອກ) ສ່ວນຍິງສາວຄວນດື່ມມື້ໜື່ງບໍ່ຄວນຫຼຸດ 2 ລິດ ( ປະມານ 9 ຈອກ )
ສຳລັບຍິງສາວທີ່ມັກອອກກໍາລັງກາຍຄວນ ດື່ມນ້ຳໃນປະລິມານທີ່ຫຼາຍກວ່າຄົນປົກກະຕິທັງນີ້ກໍຂຶ້ນຢູ່ກັບຊະນິດຂອງກິດຈະກຳ ທີ່ເຮັດດ້ວຍ ຖ້າທ່ານອອກກຳລັງກາຍໃນໄລຍະສັ້ນ ໆ ກໍຄວນຈະດື່ມນ້ຳເພີ່ມເຂົ້າໄປເທື່ອລະ 1-2 ຈອກຫລັງຈາກອອກກຳລັງກາຍແລ້ວ ແຕ່ຖ້າເປັນໄລຍະຍາວ ໆ ລະກໍເພີ່ມຂຶ້ນອີກຈັກ 2-3 ຈອກກໍ ໜ້າຈະພຽງພໍແລ້ວ
ປະໂຫຍດ ດື່ມນ້ຳຕອນໃດດີທີ່ສຸດ
ຕື່ນນອນຕອນເຊົ້າ 1 ຈອກ (400 ຊີ. ຊີ.) ເພາະເປັນຊ່ວງທີ່ມີຄວາມເຂັ້ມຂຸ້ນຂອງເລືອດສູງ ເລືອດຈະມີລັກສະນະຂາດນ້ຳ
ຕອນສາຍ ໆ 2 ຈອກ (ເວລາປະມານ 9 ໂມງເຖິງ 10 ໂມງເຊົ້າ) ໄລຍະນີ້ເປັນໄລຍະທີ່ມີຂອງເສຍນໍ້າເກີດຂຶ້ນ ເພາະຮ່າງກາຍໄດ້ເຮັດວຽກໄປລະຍະໜຶ່ງແລ້ວ ສະນັ້ນຈຶ່ງຄວນດື່ມນ້ຳເພື່ອມາຊຳລະຂອງເສຍເຫລົ່ານັ້ນອອກໄປ.
ຕອນບ່າຍ ໆ 3 ຈອກ (ເວລາປະມານບ່າຍໂມງເຖິງບ່າຍສອງ)
ຕອນເຢັນ 3 ຈອກ (ເວລາປະມານ 19 ໂມງຫາ 20 ໂມງ)
ກ່ອນນອນໃຫ້ດື່ມນ້ຳອີກ 1 ຈອກ ເພື່ອໃຫ້ນ້ຳທີ່ດື່ມໄຫລວຽນຊະລ້າງສິ່ງຕົກຄ້າງໃນລຳໄສ້ແລະກະເພາະອາຫານ ແລະຍິ່ງຖ້າເປັນນ້ຳອຸ່ນດ້ວຍແລ້ວຈະຍິ່ງຊ່ວຍໃຫ້ຫລັບສະບາຍຍິ່ງຂຶ້ນ.
