ວິທີເບິ່ງແຍງສຸຂະພາບຈິດໃຫ້ສົດໃສ
ທ່າມກາງບັນຫາສັງຄົມປັດຈຸບັນ, ຕະຫລອດຈົນຫນ້າທີ່ການງານຄວາມເຮັ່ງຮີບ ໃນການແຂ່ງຂັນກັບເວລາໃນແຕ່ລະມື້ເປັນປັດໄຈທີ່ນຳມາຊຶ່ງຄວາມເຄັ່ງຕຶງກົດດັນ ແລະວິຕົກກັງວົນໄດ້ງ່າຍ ການສ້າງພູມຄຸ້ມກັນໃຫ້ຈິດໃຈຈຶ່ງສຳຄັນ ເພື່ອກຽມຮັບມືກັບບັນຫາຄຸກຄາມຈິດໃຈຮູບແບບຕ່າງ ໆ ຢ່າງຮູ້ເທົ່າທັນ ພ້ອມທີ່ຈະປະເຊີນດ້ວຍຄວາມເຂັ້ມແຂງ ແລະໝັ່ນໃຈ.
ການອ່ານຢ່າງສະໝໍ່າສະເໝີ, ເປັນໜຶ່ງໃນການພັດທະນາສຸກຂະພາບຈິດທີ່ດີວິທີໜຶ່ງ ແລະຍັງເປັນສິ່ງໃກ້ຕົວອີກດ້ວຍ ເພາະບໍ່ພຽງຄວາມຜ່ອນຄາຍທີ່ໄດ້ຮັບເທົ່ານັ້ນ ຍັງສາມາດຄົ້ນພົບແຮງບັນດານໃຈ ຕະຫລອດຈົນຄວາມຄິດສ້າງສັນທາງອອກໃໝ່ ໆ.
ສ່ວນ " ການຂຽນ " ການບັນທຶກໃສ່ປືມຂຽນຫລາຍຄົນອາດໃຊ້ເປັນການລະບາຍຄວາມຮູ້ສຶກ ຫລື ອຸປະສັກບັນຫາທີ່ພົບໃນແຕ່ລະມື້ ກໍເປັນແນວທາງໜຶ່ງທີ່ຊ່ວຍບັນເທົາຄວາມເຄັ່ງຕຶງແລະຄວາມກົດດັນໃນໃຈໄດ້ດີ ເມື່ອຄວາມສັນສົນວຸ້ນວາຍຜ່ອນຄາຍລົງແລ້ວ ເຮັດໃຫ້ເຫັນບັນຫາຢ່າງຮອບຄອບຮອບດ້ານຫລາຍຂຶ້ນດ້ວຍ. ຫລື " ການຮຽນຮູ້ທັກສະນະໃໝ່ ໆ " ອາດເລີ່ມງ່າຍ ໆ ຈາກເລື່ອງທີ່ສົນໃຈເຊັ່ນ: ການເຮັດອາຫານ, ສຶກສາພາສາຕ່າງປະເທດເພິ່ມເຕິມ, ຫລິ້ນກີລາ, ປູກຕົ້ນໄມ້ແລະ ອື່ນ ໆ ຊຶ່ງການພະຍາຍາມຜ່ານຄວາມທ້າທາຍໃໝ່ ໆ ນີ້ຈົນສຳເລັດ ບໍ່ພຽງຄວາມສຸກໃນໃຈທີ່ຮູ້ສຶກໄດ້ ແຕ່ຍັງກໍ່ໃຫ້ເກີດຄວາມພູູມໃຈ ແລະຮູ້ສຶກດີກັບຕົວເອງ. ນອກຈາກນັ້ນ " ການອອກກຳລັງກາຍເປັນປະຈຳ " ຢ່າງໜ້ອຍອາທິດ ລະ 3 ວັນ ບໍ່ຕ່ຳກວ່າມື້ໜື່ງ 30 ນາທີ ເພື່ອຊ່ວຍເພີ່ມອົກຊີໃນເລືອດ, ຊ່ວຍລະບົບຫມູນວຽນເລືອດດີຂຶ້ນ ກ່ຽວກັບເລື່ອງນີ້ເຄີຍມີການສຶກສາຂອງຈິດວິທະຍາຈາກຕ່າງປະເທດ ສຶກສາກຸ່ມຕົວຢ່າງເພດຊາຍໄລຍະອາຍຸໄວໜຸ່ມພົບວ່າ, ຫລັງການອອກກຳລັງກາຍມີການຕອບສະຫນອງໃນດ້ານສະມາທິຄິດ ແລະຈົດຈຳໄດ້ດີກວ່າຜູ້ທີ່ບໍ່ອອກກຳລັງກາຍ, ຂະນະດຽວກັນຍັງດີຕໍ່ສຸກຂະພາບຈິດໂດຍຂະນະອອກກຳລັງກາຍ ຮ່າງກາຍຈະຫລັ່ງສານເອັນໂດນຟິນ ເຮັດໃຫ້ຮູ້ສຶກສົດຊື່ນຊ່ວຍຫຼຸດຄວາມເຄັ່ງຕຶງ ຊ່ວຍຜ່ອນຄາຍກັງວົນ ແຕ່ທີ່ສຳຄັນບໍ່ຄວນໜັກຈົນເກີນໄປ ເນື່ອງຈາກອາດເຮັດໃຫ້ກ້າມຊີ້ນບາດເຈັບໄດ້ ຂະນະທີ່ " ການນັ່ງສະມາທິ " ກໍຖືເປັນທັກສະຝຶກໃຊ້ຄາຍຄວາມເຄັ່ງຕຶງທີ່ໜ້າສົນໃຈ ຊຶ່ງມີງານວິໄຈຮອງຮັບມາແລ້ວວ່າປະຕິບັດປະຈຳຊ່ວຍປ້ອງກັນຄວາມເຄັ່ງຕຶງ, ຊ່ວຍໃຫ້ເຊົາໄວຂຶ້ນ ຫລື ຄວາມເຄັ່ງຄຽດສົ່ງຜົນກັບຈິດໃຈ8ໜ້ອຍລົງໄດ້.
