ກອງປະຊຸມປຶກສາຫາລືຄັ້ງທີ 3 ຂອງຫົວໜ້າຄະນະຈາກ 11 ປະເທດ
(GMT+08:00) 2012-12-12 14:08:50 cri
ມື້ວານນີ້, ຢູ່ຫ້ອງປະຊຸມອະທິການບໍດີມະຫາວິທະຍາໄລແຫ່ງຊາດ, ຫົວໜ້າຄະນະຈາກ 11 ປະເທດ ໄດ້ຮ່ວມປຶກສາຫາລຶຮ່ວມຄັ້ງທີ 3 ຂື້ນ, ໂດຍການເປັນປະທານຂອງທ່ານ ສຈ. ດຣ. ສົມສິ ຍໍພັນໄຊ ຮອງອະທິການບໍດີມະຫາວິທະຍາໄລແຫ່ງຊາດ, ຫົວໜ້າກອງເລຂາ ແລະປະສານງານກິລາມະຫາວິທະຍາໄລອາຊຽນຄັ້ງທີ 16.
ໃນກອງປະຊຸມ, ຫົວໜ້ານັກກິລາທັງ 11 ປະເທດໄດ້ເຫັນດີເຫັນພ້ອມທຸກດ້ານ, ບໍ່ໍ່ວ່າຈະເປັນການກໍານົດປະເພດກິລາແຂ່ງຂັນທັງໝົດ 17 ປະເພດ, ໄດ້ຮອງຮັບເອົານັກກິລາມວຍເຂົ້າຮ່ວມແຂ່ງຂັນນໍາ ເຊິ່ງເປັນເທື່ອທໍາອິດທີ່ໄດ້ມີຂື້ນໃນງານມະຫາກໍາກິລາມະຫາວິທະຍາໄລອາຊຽນ, ແລະເຫັນດີຕໍ່ຈຸດປະສົງຫຼັກທາງດ້ານການພັດທະນາຊັບພະຍາກອນມະນຸດ, ເພື່ອໃຫ້ມີສຸຂະພາບແຂງແຮງ ແລະມີຄວາມສະຫຼຽວສະຫຼາດມີຄວາມສາມັກຄີ.
ນອກນີ້, ກອງປະຊຸມຍັງໄດ້ອະທິບາຍການນໍາໃຊ້ເຜີ້ງເປັນສັດນໍາໂຊກເນື່ອງຈາກວ່າເຜີ້ງເປັນສັດທີ່ດຸໝັ່ນ ແລະມີຄວາມສາມັກຄີກັນດີ, ຍ້ອນງານກິລາຄັ້ງນີ້ເນັ້ນໃສ່ຄວາມສາມັກຄີເປັນຫຼັກ ແລະໃຊ້ຄໍາຂວັນທີ່ວ່າ:" ພວກເຮົາແມ່ນຄອບຄົວອາຊຽນ".