ງານມະຫາກໍາກິລາມະຫາວິທະຍາໄລອາຊຽນຄັ້ງທີ 16 ໄຂຂື້ນຢ່າງເປັນທາງການ
(GMT+08:00) 2012-12-13 09:10:46 cri
ຕາມຂ່າວCRI, ຕອນແລງວັນທີ 12 ທັນວານີ້, ງານມະຫາກຳກິລາມະຫາວິທະຍາໄລອາຊຽນຄັ້ງທີ 16 ໄດ້ໄຂຂື້ນທີ່ນະຄອນຫຼວງວຽງຈັນຢ່າງເປັນທາງການ.
ງານກິລາມະຫາວິທະຍາໄລອາຊຽນຄັ້ງທຳອິດຈັດຂື້ນຢູ່ປະເທດອິນໂດເນເຊຍ, ລາວເຂົ້າຮ່ວມຄັ້ງທຳອິດແມ່ນປີ 2006 ເຊິ່ງເປັນຄັ້ງທີ 13 ຂອງງານທີ່ຈັດຂື້ນຢູ່ຫວຽດນາມ. ໃນ 3 ຄັ້ງທີ່ຜ່ານມາ, ນັກກິລາລາວຊິງໄດ້ຫຼຽນຄຳ 2 ຫຼຽນ, ຫຼຽນເງິນ 9 ຫຼຽນ, ແລະຫຼຽນທອງ 30 ຫຼຽນ.
ພິທີເປີດເລີ່ມຕົ້ນດ້ວຍກອງດຸລິຍາງ, ກ້ອນກຳລັງທຸງຊາດລາວ ແລະທຸງອາຊຽນເຂົ້າສູ່ສະໜາມຢ່າງສະຫງ່າງາມ. ຫຼັງຈາກນັ້ນ, ຄະນະນັກກິລາຂອງ 11 ປະເທດສະມາຊິກໄດ້ຍ່າງເຂົ້າສະໜາມຕາມລຳດັບ.
ທ່ານທອງສິງ ທຳມະວົງ, ນາຍົກລັດຖະມົນຕີລາວ, ທ່ານດຣ ພັນຄຳ ວິພາວັນ, ລັດຖະມົນຕີວ່າການກະຊວງສຶກສາທິການແລະກິລາ,ປະທານຄະນະກຳມະການຈັດງານ ແລະບັນດາແຂກຜູ້ມີກຽດ, ນັກຮຽນນັກສຶກສາແລະມວນຊົນທັງຫຼາຍໄດ້ເຂົ້າຮ່ວມພິທີເປີດ.
ໃນງານກິລາຄັ້ງນີ້, ຄະນະນັກກິລາສະມາຊິກປະເທດອາຊຽນ10 ປະເທດແລະປະເທດຕີມໍເລັສເຕຈະເຂົ້າຮ່ວມການແຂ່ງຂັນທັງໝົດ 17 ປະເພດຄື: ມວຍ, ຍິງທະນູ, ເຕັນນິສ, ລອຍນໍ້າ, ກະຕໍ້, ເທຄວັນໂດ, ແລະອື່ນໆ, ເພື່ອຊີງເອົາຫຼຽນຄຳທັງໝົດ 245 ຫຼຽນ.
ງານກິລາມະຫາວິທະຍາໄລອາຊຽນຄັ້ງທຳອິດຈັດຂື້ນຢູ່ປະເທດອິນໂດເນເຊຍ, ລາວເຂົ້າຮ່ວມຄັ້ງທຳອິດແມ່ນປີ 2006 ເຊິ່ງເປັນຄັ້ງທີ 13 ຂອງງານທີ່ຈັດຂື້ນຢູ່ຫວຽດນາມ. ໃນ 3 ຄັ້ງທີ່ຜ່ານມາ, ນັກກິລາລາວຊິງໄດ້ຫຼຽນຄຳ 2 ຫຼຽນ, ຫຼຽນເງິນ 9 ຫຼຽນ, ແລະຫຼຽນທອງ 30 ຫຼຽນ.
