2011 ມີຜູ້ຕິດເຊືອພະຍາດໄຂ້ຍູງລາຍທົ່ວໂລກ100ລ້ານຄົນ
(GMT+08:00) 2012-12-18 14:27:01 cri
ກະຊວງສາທາລະນະສຸກເປີດເຜີຍວ່າ: ໃນແຕ່ລະປີມີຜູ້ຕິດເຊື້ອໄຂ້ຍູງລາຍໃນທົ່ວໂລກມີເຖີງ 50-100 ລ້ານຄົນ, ແລະມີຄົນເສຍຊີວິດຈໍານວນ 20.000 ຄົນ, ໃນນັ້ນຄົນເຈັບ 75 % ແມ່ນອາໃສຢູ່ໃນອາຊີແລະປາຊີຟີກ ເຊິ່ງບັນດາປະເທດອາຊຽນກໍ່ແມ່ນນອນຢູ່ໃນພາກພື້ນດັ່ງກ່າວ ເຊິ່ງມີຄົນຕິດເຊື້ອໄຂ້ຍູງລາຍຫຼາຍທີ່ສຸດ
ຂະນະທີ່ປີ 2012 ຍັງບໍ່ສາມາດລະບຸຕົວເລກທີ່ແນ່ນອນຂອງຜູ້ຕິດເຊື້ອພະຍາດນີ້, ທ່ານສຈ ດຣ ເອກສະຫວ່າງ ວົງວິຈິດ ,ລົດຖະມົນຕີວ່າການກະຊວງສາທາລະນະສຸກກ່າວວ່າ: ພະຍາດໄຂ້ເລືອດອອກທີ່ມີຍູງລາຍເປັນພາຫະນະເຊື້ອ, ສາມາດເກີດຂື້ນໄດ້ຢູ່ທຸກພື້ນທີ່ຂອງປະເທດບໍ່ວ່າຈະເປັນເຂດຊົນນະບົດ ຫຼືຕົວເມືອງໃຫຍ່, ການເຮັດວຽກຂອງສາທາລນະສຸກຂະແໜງດຽວແມ່ນບໍ່ສາມາດປ້ອງກັນໄດ້, ແລະຄວບຄຸມພະຍາດໄດ້ຢ່າງມີປະສິດທິຜົນໄດ້,ເພື່ອສະກັດກັ້ນພະຍາດນີ້ຄວນແມ່ນໜ້າທີ່ຂອງ ທຸກພາກສ່ວນໂດຍສະເພາະແມ່ນມັນຮຽກຮ້ອງໃຫ້ອໍານາດການປົກຄອງທ້ອງຖິ່ນ ແລະພໍ່ແມ່ປະຊາຊົນທຸກຄົນ ໃນທົ່ວປະເທດ ຄວນມີສ່ວນຮ່ວມຢ່າງເອົາຈິງເອົາຈັງ ໃຫ້ທຸກຄົນເອົາໃຈໃສ່ໃນການກໍາຈັດແຫຼ່ງເພາະພັນຂອງຍູງລາຍ ແຫຼ່ງວາງໄຂ່ຂອງຍູງລາຍຢູ່ໃນພາຊະນະທີ່ມີນໍ້າຂັງເຊັ່ນ: ກະໂປະໝາກພ້າວ ກະປ໋ອງ ຖ້ວຍ ຊາມ ອ່າງແຕກຖີ້ມຊະຊາຍ.
ນອກນັ້ນ, ຄວນໝັ່ນເຮັດອານາໄມທີ່ພັກອາໃສ ເຮືອນຊານບ້ານຊ່ອງ ບ່ອນເຮັດວຽກ ແລະທຸກສະຖານທີ່ໃຫ້ມີສະພາບແວດລ້ອມທີ່ສະອາດປາດສະຈາກສິ່ງຮົກເຮື້ອເປືອນເປິະຕ່າງໆ ທັງນີ້ກໍ່ເພື່ອສຸຂະພາບທີ່ດີຂອງທ່ານເອງ ແລະເພື່ອກັນບໍ່ໃຫ້ຍຸງລາຍມີບ່ອນວາງໄຂ່ ຕ້ອງປະຕິບັດຢ່າງເປັນຂະບວນການຈື່ງຈະສາມາດຄວບຄຸມພະຍາດຊະນິດນີ້ໄດ້.
ໄຂ້ເລືອດອອກແມ່ນພະຍາດເຂດຮ້ອນ ທີ່ມີຍູງລາຍເປັນພາຫະນະນໍາເຊື້ອໄວຣັສ ເຊິ່ງເຮັດໃຫ້ຄົນເຈັບທີ່ຕິດເຊື້ອມີຫຼາຍອາການເຊັ່ນ: ໄຂ້ ເຈັບຫົວ ເຈັບກ້າມຊີ້ນ ເກີດຜື່ນຕາມຜີວໜັງ ຮາກ ສາມາດນໍາໄປສູ່ການມີພາວະເລືອດໄຫຼທີ່ຮ້າຍແຮງເຖິງຂັ້ນເສຍຊີວິດໄດ້.
ຂະນະທີ່ປີ 2012 ຍັງບໍ່ສາມາດລະບຸຕົວເລກທີ່ແນ່ນອນຂອງຜູ້ຕິດເຊື້ອພະຍາດນີ້, ທ່ານສຈ ດຣ ເອກສະຫວ່າງ ວົງວິຈິດ ,ລົດຖະມົນຕີວ່າການກະຊວງສາທາລະນະສຸກກ່າວວ່າ: ພະຍາດໄຂ້ເລືອດອອກທີ່ມີຍູງລາຍເປັນພາຫະນະເຊື້ອ, ສາມາດເກີດຂື້ນໄດ້ຢູ່ທຸກພື້ນທີ່ຂອງປະເທດບໍ່ວ່າຈະເປັນເຂດຊົນນະບົດ ຫຼືຕົວເມືອງໃຫຍ່, ການເຮັດວຽກຂອງສາທາລນະສຸກຂະແໜງດຽວແມ່ນບໍ່ສາມາດປ້ອງກັນໄດ້, ແລະຄວບຄຸມພະຍາດໄດ້ຢ່າງມີປະສິດທິຜົນໄດ້,ເພື່ອສະກັດກັ້ນພະຍາດນີ້ຄວນແມ່ນໜ້າທີ່ຂອງ ທຸກພາກສ່ວນໂດຍສະເພາະແມ່ນມັນຮຽກຮ້ອງໃຫ້ອໍານາດການປົກຄອງທ້ອງຖິ່ນ ແລະພໍ່ແມ່ປະຊາຊົນທຸກຄົນ ໃນທົ່ວປະເທດ ຄວນມີສ່ວນຮ່ວມຢ່າງເອົາຈິງເອົາຈັງ ໃຫ້ທຸກຄົນເອົາໃຈໃສ່ໃນການກໍາຈັດແຫຼ່ງເພາະພັນຂອງຍູງລາຍ ແຫຼ່ງວາງໄຂ່ຂອງຍູງລາຍຢູ່ໃນພາຊະນະທີ່ມີນໍ້າຂັງເຊັ່ນ: ກະໂປະໝາກພ້າວ ກະປ໋ອງ ຖ້ວຍ ຊາມ ອ່າງແຕກຖີ້ມຊະຊາຍ.
ນອກນັ້ນ, ຄວນໝັ່ນເຮັດອານາໄມທີ່ພັກອາໃສ ເຮືອນຊານບ້ານຊ່ອງ ບ່ອນເຮັດວຽກ ແລະທຸກສະຖານທີ່ໃຫ້ມີສະພາບແວດລ້ອມທີ່ສະອາດປາດສະຈາກສິ່ງຮົກເຮື້ອເປືອນເປິະຕ່າງໆ ທັງນີ້ກໍ່ເພື່ອສຸຂະພາບທີ່ດີຂອງທ່ານເອງ ແລະເພື່ອກັນບໍ່ໃຫ້ຍຸງລາຍມີບ່ອນວາງໄຂ່ ຕ້ອງປະຕິບັດຢ່າງເປັນຂະບວນການຈື່ງຈະສາມາດຄວບຄຸມພະຍາດຊະນິດນີ້ໄດ້.
ໄຂ້ເລືອດອອກແມ່ນພະຍາດເຂດຮ້ອນ ທີ່ມີຍູງລາຍເປັນພາຫະນະນໍາເຊື້ອໄວຣັສ ເຊິ່ງເຮັດໃຫ້ຄົນເຈັບທີ່ຕິດເຊື້ອມີຫຼາຍອາການເຊັ່ນ: ໄຂ້ ເຈັບຫົວ ເຈັບກ້າມຊີ້ນ ເກີດຜື່ນຕາມຜີວໜັງ ຮາກ ສາມາດນໍາໄປສູ່ການມີພາວະເລືອດໄຫຼທີ່ຮ້າຍແຮງເຖິງຂັ້ນເສຍຊີວິດໄດ້.
