ຜົນຮ້າຍຈາກຢານອນຫຼັບ
ການໃຊ້ຢານອນຫຼັບຢ່າງບໍ່ຖືກຕ້ອງໂດຍສະເພາະທ່ານທີ່ມັກຊື້ຢາມາກິນເອງ ເຮັດໃຫ້ມີຄວາມສ່ຽງການເກີດອັນຕະລາຍຫຼາຍກວ່າທີ່ຄິດ ທ່ານຮູ້ບໍ່ວ່າຢານອນຫຼັບບາງຊະນິດທີ່ອອກລິດເປັນໄລຍະດົນໆ ໂດຍສະເພາະແມ່ນຜູ້ເຖົ້າທີ່ຮ່າງກາຍມີຄວາມສາມາດໃນການກໍາຈັດຢາຫຼຸດລົງ ອາດເຮັດໃຫ້ຍັງມີຢາສະສົມຢູ່ໃນຮ່າງກາຍ ສັງເກດງ່າຍໆກິນຢາແລ້ວເມື່ອເຮົາຕື່ມຂື້ນມາແລ້ວຮູ້ສຶກເຫງົານອນ, ອ່ອນເພຍຫຼືມືນລົງສັບສົນ ກໍລະແບບນີ້ ອາດເປັນອັນຕະລາຍໄດ້ໃນຜູ້ທີ່ຂັບລົດ ຫຼື ເຮັດວຽກກ່ຽວກັບເຄື່ອງຈັກ ເນື່ອງຈາກອາການຫງ່ວງຊືມແມ້ແຕ່ໜ້ອຍດຽວກໍ່ມີຜົນຕໍ່ການຕັດສິນໃຈ ແລະ ການເຄື່ອນໄຫວທີ່ຕ້ອງການຄວາມໄວ ເຮັດໃຫ່ເຊື່ອງຊ່າລົງໄດ້ຫຼືອາດເຮັດໃຫ້ເກີດອຸບັດເຫດແລະໝື່ນລົ້ນໄດ້.
ນອກຈາກນີ້, ສໍາລັບຜູ້ທີ່ເປັນພະຍາດປະຈໍາໂຕ ພະຍາດປອດ, ນອນໂກນສຽງດັງແຮງຫຼືຜູ້ທີ່ໃຊ້ຢາບາງຊະນິດທີ່ກົດປະສາດພາກສ່ວນກາງ, ດື່ມເຄື່ອງດື່ມທີ່ມີເອລກໍຮໍ ຄວນຫຼີກເວັ້ນການໃຊ້ຢານອນຫຼັບ ເນື່ອງຈາກຢາບາງຊະນິດອອກລິດກົດປະສາດພາກສ່ວນກາງ ເຊິ່ງເຮັດໃຫ້ສູນຄວບຄຸມການຫາຍໃຈໄດ້.
ນອກນັ້ນຍັງມີຜົນຮ້າຍຫຼາຍກໍລະນີທີ່ຕາມມາສໍາລັບທ່ານໃດທີ່ເຄີຍລື້ງກິນຢານອນຫຼັບແລ້ວມາຟັງນໍາກັນເບິ່ງວ່າ ກໍລະນີທີ່ການໃຊ້ຢານອນຫຼັບຢ່າງຕໍ່ເນື່ອງເປັນໄລຍະດົນໆ ກໍ່ອາດເກີດຜົນຮ້າຍຕໍ່ຮ່າງກາຍໄດ້ເຊັ່ນກັນ.
ການດື້ຢາ, ແມ່ນການໃຊ້ຢານອນຫຼັບຂະໜາດເກົ່າຕິດຕໍ່ກັນຈັກໄລຍະໜື່ງ ແລ້ວພົບວ່າຜົນການປິ່ນປົວໜ້ອຍລົງ ຈໍາເປັນຕ້ອງເພີ່ມປະລິມານຂອງຢານອນຫຼັບຂື້ນອີກເລື້ອຍໆ ຈົນອາດຫຼາຍກວ່າຂະໜາດທີ່ເກີນປົກກະຕິທີ່ໄຂ້ໃນການປິ່ນປົວ ຈົນເຮັດໃຫ້ເກີດພິດຈາກຢາໄດ້. ການຕິດຢາ, ເມື່ອໃຊ້ຢາຈັກໄລຍະໜື່ງແລ້ວຢຸດ ອາດເຮັດໃຫ້ອາການນອນບໍ່ຫຼັບເກີດຂື້ນອີກ ຈະຕ້ອງນໍາມາໃຊ້ຢາເປັນປະຈໍາ ເພື່ອຊ່ວຍໃຫ້ຕົນເອງນອນ
ຫຼັບດີ.
ເຊື່ຶອມສະມັດຖະພາບທາງເພດ, ມີລາຍງານວ່າຜູ້ທີ່ໄດ້ຮັບຢານອນຫຼັບບາງຊະນິດ ເປັນເວລາດົນອາດເຮັດໃຫ້ເສື່ອມສະມັດຕະພາບທາງເພດໃນຜູ້ຊາຍໄດ້. ຄວາມຈື່ຈໍາເສື່ອມ, ຢານອນຫຼັບອາດສົ່ງຜົນກະທົບຕໍ່ຄວາມຈື່ຈໍາໃນໄລຍະຍາວໄດ້ ເຮັດໃຫ້ບໍ່ສາມາດຈື່ເຫດການຫຼືເລື່ອງລາວຕ່າງໆໄດ້ດົນຄືກັບຄົນປົກກະຕິທົ່ວໄປ.
