Violin
(GMT+08:00) 2012-12-21 10:15:31 cri
Violin ຈັດເຂົ້າໃນເຄື່ອງດົນຕຼີປະເພດສາຍ ເຊິ່ງປະກອບມີທັງໝົດ 4 ສາຍ ທີ່ໃຫ້ທຳນອງສຽງແຕກຕ່າງກັນໄປ ເຊິ່ງ Violin ຖືໄດ້ວ່າເປັນເຄື່ອງດົນຕຼີປະເພດສາຍອີກ ຊະນິດໜຶ່ງທີ່ນ້ອຍທີ່ສຸດ ເມື່ອປຽບທຽບກັບເຄື່ອງດົນຕຼີ ທີ່ຈັດເຂົ້າໃນຕະກູນໄວໂອລິນ ເຊັ່ນ Viola , Cello , Double Bass
Violin ບາງຄັ້ງໄດ້ຮັບການຮ້ອງວ່າ Fiddle ຫລືວ່າ ຊໍ ສ່ວນຄຳວ່າ Violin ແມ່ນໄດ້ມາຈາກພາສາລາຕິນຍຸກກາງ ໂດຍມີ່ທີ່ມາຈາກ ຊໍ ຂອງຊາວເຢຍລະມັນ ແລະ ມີຕົ້ນກຳເນີດໃນຂົງເຂດພາກເໜືອຂອງ ປະເທດ Italy ທີ່ເມືອງ Venice ແລະ Genoa ໃນໄລຍະສະຕະທີ 16 ຈາກນັ້ນຈຶ່ງໄດ້ຂະຫຍາຍມາສູ່ເຂດອາຊີກາງ ໂດຍຜ່ານເສັ້ນທາງການຄ້າຖະໜົນສາຍໄໝ
ສ່ວນໄວໂອລິນ ທີ່ເກົ່ແກ່ທີ່ສຸດ ແມ່ນມີໂຄງສ້າງຄືກັນກັບ Violin ໃນຍຸກປັດຈຸບັນ ທີ່ປະກອບດ້ວຍ 4 ສາຍ ເຊິ່ງໄດ້ຮັບການປະດິດຂຶ້ນໃນປີ 1555 ໂດຍ Andrea Amati ຄົນ Italy ທີ່ເປັນຜູ້ຜະລິດ Violin ຄົນທຳອິດ ແຕ່ໃນບາງເອກະສານ ມີການຂຽນໄວ້ວ່າ Violin ໃນເບື້ອງຕົ້ນປະກອບມີ 3 ສາຍ ທີ່ມີຊື່ເອີ້ນວ່າ Violetta ເຊິ່ງເປັນເຄື່ອງດົນຕຼີທີ່ໄດ້ຮັບຄວາມນິຍົມສູງສຳລັບນັກດົນຕຼີຕາມທ້ອງຖະໜົນ
ສຳລັບສາຍຂອງ Violin ໃນເບື້ອງຕົ້ນນັ້ນແມ່ນນິຍົມນຳເອົາ ໄສ້ແກະມາເຮັດໂດຍມີຊື່ຮ້ອງວ່າ ເອັນແມວ ຕໍ່ມາໃນໄລຍະສະຕະວັດ 20 ຈຶ່ງເລີ່ມຕົ້ນມີການນຳໃຊ້ອຸປະກອນຊະນິດອື່ນໆ ເຊັ່ນ ຜ້າໄໝ ອາລູມີນຽມ ຫລື ເຫລັກ ແລະ ໂລຫະຊະນິດຕ່າງໆ
