ປະດັບຫລຽນກາມິດຕະພາບແລະໃບຍ້ອງຍໍຂອງລັດຖະບານລາວໃຫ້ແກ່ຊ່ຽວຊານຈີນ
ພິທີປະດັບຫລຽນກາມິດຕະພາບແລະມອບໃບຍ້ອງຍໍຂອງລັດຖະບານລາວໃຫ້ແກ່ບັນດາຊ່ຽວຊານຈີນຈາກພາກສ່ວນຄະນະພົວພັນຕ່າງປະເທດສູນກາງພັກແລະຈາກໂຮງ ຮຽນທິດສະດີການເມືອງຂອງສູນກາງພັກຄອມມູນິດຈີນທີ່ມີຜົນງານດີເດັ່ນໃນການປະກອບສ່ວນເຂົ້າໃນການກໍ່ສ້າງແລະອົບຮົມຊຸດຮຽນຕ່າງໆໃຫ້ແກ່ພະນັກງານການນຳຂອງລາວແຕ່ປີ 2000 ເປັນຕົ້ນມາຈຳນວນ 21 ສະຫາຍ,ໃນນັ້ນ, ປະດັບຫລຽນກາໃຫ້ 7 ສະຫາຍແລະມອບໃບຍ້ອງຍໍລັດຖະບານໃຫ້ 14 ສະຫາຍໄດ້ດຳເນີນໄປໃນຕອນບ່າຍວັນທີ 21 ທັນວານີ້ ທີ່ສະຖານເອກອັກຄະລັດຖະທູດສປປລາວປະຈຳຈີນ.
ທານສົມດີ ບຸນຄຸ້ມ ເອກອັກຄະລັດຖະທູດສປປລາວ ປະຈຳ ສປຈີນ ຕາງຫນ້າໃຫ້ພັກແລະລັດຖະບານລາວຂຶ້ນປະດັບຫລຽນກາມິດຕະພາບແລະມອບໃບຍ້ອງຍໍລັດຖະບານ, ພ້ອມທັງໄດ້ປະກອບຄຳເຫັນທົບທວນຄືນຜົນງານການປະກອບສ່ວນຜ່ານມາຂອງບັນດາຊ່ຽວຊານຈີນແລະສະແດງຄວາມຂອບໃຈຢ່າງຈິງໃຈຕໍ່ການປະກອບສ່ວນຂອງຊ່ຽວຊານໃນວຽກງານອົບຮົມແລະກໍ່ສ້າງພະນັກງານການນຳລາວ,ອັນເປັນການຊ່ວຍກໍ່ສ້າງຊັບພະຍາກອນມະນຸດທີ່ສຳຄັນເຊິ່ເງປັນຫນຶ່ງໃນ 4 ບຸກທະລຸທີ່ກຳນົດໄວ້ໃນມະຕິ 9 ຂອງພັກ.
ນີ້ແມ່ນປະຕິບັດຕາມດຳລັດຂອງນາຍົກລັດຖະມົນຕີແຫ່ງສປປລາວສະບັບເລກທີ 401/ນຍ, ລົງວັນທີ 4 ພະຈິກ 2011 ແລະສະບັບເລກທີ 135 ລົງວັນທີ 29 ກຸມພາ 2012 ວ່າດ້າຍການະດັບຫລຽນກາມິດຕະພາບແລະມອບໃບຍ້ອງຍໍລັດຖະບານໃຫ້ແກ່ຊ່ຽວຊານຈີນຈຳນວນ 21 ສະຫາຍ.
