ວາງສີລາລຶກໂຄງການພັດທະນາເຂດເສດຖະກິດສະເພາະບຶງທາດຫຼວງລົງມືຂຸດບຶງໃຈກາງຂອງໂຄງການບຶງທາດຫຼວງ
ພິທີວາງສີລາລຶກໂຄງການພັດທະນາເຂດເສດຖະກິດສະເພາະບຶງທາດຫຼວງໄດ້ຈັດຂຶ້ນວັນທີ22ທັນວານີ້, ຢູ່ນະຄອນຫຼວງວຽງຈັນ .ທ່ານສົມສະຫວາດ ເລັ່ງສະຫວັດ,ຮອງນາຍົກລັດຖະມົນຕີລາວ, ປະທານຄະນະກຳມະການເພື່ອຄຸ້ມຄອງເຂດເສດຖະກິດພິເສດແລະເຂດເສດຖະກິດສະເພາະຂອງລາວ, ທ່ານນາງປູ້ຈ້ຽນກົວ, ເອກອັກຄະລັດຖະທູດຈີນປະຈຳລາວ, ລັດຖະມົນຕີວ່າການ, ຊ່ວຍວ່າການ,ພ້ອມດ້ວຍພາກສ່ວນຕ່າງໆທີ່ກ່ຽວຂ້ອງໄດ້ເຂົ້າຮ່ວມ.
ໂຄງການເຂດເສດຖະກິດສະເພາະບຶງທາດຫຼວງແມ່ນໄດ້ຮັບການອະນຸມັດຈາກລັດຖະບານລາວໃນທ້າຍປີ2011,ເປັນໂຄງການສັງລວມທີ່ບໍລິສັດວ້ານເຟີ່ງຈີນເປັນຜູ້ລົງທຶນພັດທະນາແລະດຳເນີນທຸລະກິດ. ໂຄງການນີ້ຕັ້ງຢູ່ດິນທາມບຶງທາດຫຼວງຂອງນະຄອນຫຼວງວຽງຈັນ, ຢູ່ໃກ້ກັບພະທາດຫຼວງ,ຕະຫຼາດຫຼັກຊັບ, ແລະສູນວາງສະແດງສາກົນ, ມີເນື້ອທີ່ທັງໝົດ365ເຮັກຕາ,ເນື້ອທີ່ປຸກສ້າງມີ120ເຮັກຕາ.ຫຼັງຈາກໂຄງການນີ້ສ້າງສຳເລັດແລ້ວ, ຈະກາຍເປັນເຂດໃຈກາງເມືອງແຫ່ງໃໝ່ຂອງນະຄອນຫຼວງວຽງຈັນ, ໂດຍຖືບຶງທີ່ຂຸດໃໝ່ເປັນຈຸດໃຈກາງ, ກ່າວເນັ້ນເຖິງການອະນຸລັກສິ່ງແວດລ້ອມ, ແລະເປັນເຂດໜຶ່ງທີ່ມີບົດບາດຫຼາຍດ້ານ, ແລະມີສະພາບແວດລ້ອມທີ່ສວຍງາມ.
