ໂທດຢາເສບຕິດ
ປັດຈຸບັນຢາເສບຕິດກໍາລັງເປັນບັນຫາທີ່ສໍາຄັນຂອງສັງຄົມເຮົາ ແລະປະເທດຕ່າງໆໃນທົ່ວໂລກເນື່ອງຈາກຢາເສບຕິດເຮັດໃຫ້ຜູ້ເສບສູນເສຍເງິນຄໍາສູນເສຍອານາຄົດ, ເສຍສຸຂະພາບຈົນເຖິງຂັ້ນສູນເສຍຊີວິດ, ກຽດຕິຍົດແລະຊື່ສຽງຂອງວົງຕະກຸນ. ນອກຈາກນັ້ນຍັງເຮັດໃຫ້ເກີດບັນຫາຕ່າງໆຢ່າງຫຼວງຫຼາຍເຊັ່ນ: ບັນຫາຄອບຄົວ, ບັນຫາສັງຄົມ, ປະເທດຊາດເປັນຕົ້ນ.
ໂທດຂອງຢາເສບຕິດ ການຕິດຢາທຸກປະເພດນີ້ມີແຕ່ໂທດບໍ່ມີຄຸນປະໂຫຍດເລີຍ ໂທດທີ່ເຫັນໄດ້ງ່າຍຄື: ສຸຂະພາບຮ່າງກາຍຂອງຜູ້ເສບເຊື່ອມໂຊມລົງ ຕໍ່ມາຈິດໃຈບໍ່ປົກກະຕິ ບໍ່ສົນໃຈໃນການສຶກສາຮໍ່າຮຽນແລະການງານ ທໍາລາຍຊື່ສຽງກຽດຕິຍົດຂອງຕົນແລະວົງຕະກຸນນໍາໄປສູ່ການປະກອບອາຊະຍາກໍາ ມີຜົນກະທົບກະເທືອນເຖິງສັງຄົມແລະເສດຖະກິດຂອງປະເທດຊາດ.
ໂທດທາງຮ່າງກາຍ: ຈິດໃຈບໍ່ປົກກະຕິ, ອ່ອນແອແລະສຸຂະພາບຊຸດໂຊມ.ໂທດທາງເສດຖະກິດ: ຫຼຸດຜ່ອນປະລິມານໃນການຜະລິດ, ສູນເສຍແຮງງານໂດຍບໍ່ມີປະໂຫຍດ, ເປັນຜົນກະທົບກະເທືອນຕໍ່ລາຍໄດ້ຂອງຊາດ,ໂທດທາງສັງຄົມ: ທໍາລາຍຊື່ງສຽງຂອງຕົນເອງແລະວົງຕະກຸນ, ເປັນທີ່ລົງກຽດຂອງສັງຄົມ, ເສຍເງິນແລະເສຍຊັບສິນ.
ໂທດທາງການປົກຄອງ: ເພີ່ມລາຍຈ່າຍໃນການປາບປາມ, ເພີ່ມພາລະແກ່ປະຊາຊົນ, ສູນເສຍກໍາລັງເຈົ້າໜ້າທີ່ໃນການປາບປາມແລະປ້ອງກັນ.ວິທີສັງເກດໄວໜຸ່ມທີ່ຕິດຢາເສບຕິດ ເມື່ອບັນຫາຢາເສບຕິດເກີດກັບໄວນຸ່ມເຮົາຈະມີວິທີສັງເກດແນວໃດວ່າລູກຫຼານຂອງເຮົາຕິດຢາເສບຕິດຫຼືບໍ່ ໂດຍທົ່ວໄປແລ້ວສາມາດສັງເກດໄດ້ງ່າຍໆ.
ເບື່ອໜ່າງຕໍ່ການຮຽນແລະການເຮັດວຽກທຸກຢ່າງ, ເປັນຄົນມີລັກສະນະທຸກກັງວົນໃຈໜ້າຕາບໍ່ເບີກບານມ່ວນຊື່ນ ບໍ່ຮູ້ດີຮູ້ຮ້າຍ, ປະຖີ້ມກິດຈະກໍາຂອງຕົນລວມທັງບໍ່ສົ່ງວຽກບ້ານໃຫ້ຄູອາຈານ, ການປະພຶດປ່ຽນແປງໄປກາຍເປັນຄົນເຈົ້າອາລົມ ຫງຸດຫງິດງ່າຍ ຈູ້ຈີ້ຈູກຈິກ, ເຮັດຕົນລັບລົມຄົມໃນເຮັດໂຕຢູ່ຄົນດຽວຫງຽບໆຫຼືມັກຢູ່ໃນທີ່ປິດລັບສາຍຕາຄົນເຊັ່ນ: ໃນຫ້ອງນໍ້າ, ຫ້ອງມ້ຽນເຄື່ອງແລະອື່ນໆ, ມີນໍ້າມູກໄຫຼນໍ້າຕາໄຫຼ, ເຫື່ອອອກລາຍຫາວນອນເລື້ອຍໆ, ຫາຍໃຈບາດຍາວເລື້ອຍໆ, ສຸຂະພາບຊຸດໂຊມນໍ້າໜັກຫຼຸດລົງຢ່າງໄວວາຈົນເຫັນໄດ້ງ່າຍ, ຊືມ ເຫງົາ ອ່ອນເພຍບໍ່ມີເຫື່ອແຮງ, ໃຊ້ເງິນເປືອງຫຼາຍຈົນຜິດປົກກະຕິຕ້ອງໄດ້ຢືມມູ່ບາງເທື່ອອາດລັກເອົາ, ມີການຕິດຕໍ່ສະມາຄົມກັບຜູ້ຕິດຢາ.
