ອັນຕະລາຍຈາກຄວັນຢາສູບຂອງແມ່ຖືພາ
ຫຼາຍໆທ່ານຮູ້ວ່າການສູບຢາເປັນໄພຕໍ່ຊີວິດ, ໂດຍສະເພາະແມ່ຍິງຖືພາ ເຊິ່ງສະມາຄົມເວດສະການຈະເລີນພັນ ປະເທດສະຫະລັດອາເມລິກາ, ອອກເຕືອນບັນດາແມ່ຍິງຜູ້ສູບຢາ ຖ້າຍັງຢາກມີສຸຂະພາບແຂງແຮງມີລູກຄວນເອົາໃຈໃສ່ ເນື່ອງຈາກຜົນວິໄຈພົບວ່າ: ຫຼາຍກວ່າ 13% ຂອງການມີລູກຍາກໃນແມ່ຍິງ ເກີດມາຈາກການສູບຢາ ເຊິ່ງການສູບຢາໃນໄລຍະຖືພາ ອາດເປັນສາເຫດຂອງການຫຼຸລູກ, ແຮ່ຈັບຕໍ່າ, ເດັກນ້ອຍນໍ້ານັກໜ້ອຍກວ່າມາດຕະຖານແລະອື່ນໆ ນອກຈາກນີ້, ແມ່ຍິງທີ່ສູບຢາຍັງມີທ່າອ່ຽງໝົດປະຈໍາເດືອນໄວກວ່າແມ່ຍິງທົ່ວໄປເຖິງ 40 ປີ.
ແມ່ຍິງຖືພາທີ່ສູບຢາຖ້າເຊົາສູບໄດ້ໄວເທົ່າໃດຍິ່ງເປັນການດີ, ແຕ່ຖ້າຄົນໄກ້ຊິດຫຼືຄົນອື່ນປ່ອຍຄວັນຢາສູບມາໃສ່ ທ່ານກໍ່ຄວນພະຍາຍາມຫຼີກໜີ ເພາະຜູ້ທີ່ໄດ້ຮັບຄວັນຢາສູບກໍລ້ວນແຕ່ໄດຮັບອັນຕະລາຍທຍບເທົ່າຜູ້ສູບຢາ ເຖິງຈະໄດ້ຮັບໜ້ອຍກວ່າ, ແຕ່ກໍຍັງໃນເກນອັນຕະລາຍ.
ຖ້າຄົນໄກ້ໂຕເຊັ່ນ: ຜົວ ຫຼື ສະມາຊິກຄົນອື່ນໃນຄອບຄົວສູບ ອາດຈະເຖິງເວລາຄວນຂໍໃຫ້ເຊົາສູບຢ່າງຈິງຈັງ ເພາະແນວໃດຢາສູບກໍ່ບໍ່ດີຕໍ່ສຸຂະພາບ, ແຕ່ຖ້າເຊົາບໍ່ໄດ້ທັນທີ ໃນລະຫວ່າງນີ້ທ່ານອາດແນະນໍາໃຫ້ພວກເຂົາໄປສູບຢູ່ນອກເຮືອນຫຼືຢູ່ໄກທ່ານແລະລູກໃນທ້ອງໃຫ້ຫຼາຍທີ່ສູດ.ຄວນຫຼີກເວັ້ນສະຖານທີ່ໆມີຄວັນຢາສູບ ແມ່ຍິງຖືພາບໍ່ຄວນເຂົ້າໄປໄກ້ ຫຼີກເວັ້ນສະຖານທີ່ໆມີຄົນສູບຢາຫຼາຍ.
