10 ອັນດັບຊົນຊາດທີ່ໂລແມນຕິກ ຫຼື ມີຄວາມປະທັບໃຈຫລາຍທີ່ສຸດ
ອັນດັບທີ່ 10 ຫວຽດນາມເປັນປະເທດດຽວໃນເອເຊຍທີ່ຕິດໜື່ງໃນ 10 ອັນດັບປະເທດທີ່ມີຄວາມປະທັບໃຈທີ່ສຸດ ຖ້າທ່ານເຄີຍໄປປະເທດຫວຽດນາມ ສິ່ງທີ່ທ່ານຕ້ອງເຫັນຄື ລົດສະກູ໊ດເຕີລ໌ທີ່ແລ່ນຢູ່ເທິງຖະໜົນ ຖ້າທ່ານມີຄົນຮັກເປັນຄົນຫວຽດນາມ ແລະ ມີໂອກາດໄດ້ໄປຫວຽດນາມ ຊາຍໜຸ່ມຈະພາທ່ານນັ່ງຊ້ອນລົດສະກຸດເຄີຂອງພວກເຂົາ ພາຊົມເມືອງດື່ມດ່ຳບັນຢາກາດສຸດແສນຈະປະທັດໃຈພຽງສອງຄົນ ດ້ວຍສາຍລົມທີ່ພັດເບົາໆ.
ອັນດັບທີ 9 ຮອຍຍິ້ມ ແລະ ບົດກະວີ ຄື ສິ່ງທີ່ມັດໃຈໜຸ່ມສາວຊາວໄອລິດເຂົ້າໄວ້ນຳກັນ ພວກເຂົາອາດບໍ່ໄດ້ຕັ້ງໃຈວ່ານສະເໜ່ໃຫ້ກັນ ມີແຕ່ພຽງຮອຍຍິ້ມກໍເຮັດໃຫ້ອີກຝ່າຍຕ້ອງມົນແຫ່ງຄວາມຮັກເຂົ້າໃຫ້ແລ້ວ ຈົນກາຍເປັນຄວາມສຸດແສນປະທັບໃຈທີ່ສະແດງອອກມາໂດຍບໍ່ຮູ້ຕົວ ດັ່ງບົດກອນມ່ວນໆທີ່ຄູ່ໜຸ່ມສາວບັນຈົ່ງແຕ່ງຂຶ້ນເພື່ອຄູ່ຮັກຂອງຕົນໂດຍສະເພາະ ພຽງເທົ່ານີ້ກໍສຸດທີ່ປະທັບໃຈທີ່ສຸດ.
ອັນດັບທີ 8 ທ່ານຮູ້ຫລືບໍ່ວ່າສະເໜ່ທີ່ມັດໃຈສາວ ໆ ທັງຫລາຍຂອງສະວີວີເດນ ນອກຈາກຈະເປັນຜົມສີທອງ ແລະ ບວກກັບໜ້າຕາທີ່ເບິ່ງສະຫວ່າງສະອາດສະອ້ານແລ້ວ ແຕ່ສິ່ງສຳຄັນທີ່ໄດ້ມີຜົນການວິໄຈອອກມາແລ້ວວ່າ ຜູ້ຊາຍຊາວສະວີເດນເປັນຜູ້ຊາຍທີ່ໃຫ້ຄວາມສຳຄັນກັບບົດບາດເລື່ອງເພດຫລາຍ ເຂົາໃຫ້ກຽດກັບຜູ້ຍິງ ແລະຄິດເປັນຢ່າງດີວ່າ ເຂົາຄືຜູ້ທີ່ຕ້ອງເຮັດຫນ້າທີ່ເປັນຫົວໜ້າຄອບຄົວ ເບິ່ງແຍງເມຍແລະລູກຕະຫລອດຈົນຫາລ້ຽງຄອບຄົວ ເຊື່ອແນ່ວ່າສາວໆທັງຫລາຍທີ່ໄດ້ຊາວສະວີເດນໄປເປັນຄູ່ຊີວິດແລ້ວ ຄວນໝັ່ນເຕີມເຕັມຄວາມປະທັບໃຈໃຫ້ສົມກັບຄວາມຮັກທີ່ໜຸ່ມສະວີເດນພ້ອມຈະມອບໃຫ້.
ອັນດັບທີ 7 ສິ່ງຂອງຫລາຍຢ່າງທີ່ຄູ່ຮັກເພື່ອແທນໃຈເນື່ອງໃນໂອກາດສຳຄັນຕ່າງໆ ນັ້ນ ປະເທດຜູ້ເປັນຜູ້ຄິດຄົ້ນກໍຄື ຊາວອາເມລິກາມັກຈະມີຂອງແທນໃຈເນື່ອງໃນໂອກາດສຳຄັນໆຕະຫຼອດ ເພາະພວກເຂົາຖືວ່າມັນເປັນໜຶ່ງໃນການສະແດງຄວາມຮັກທີ່ໜ້າຈົດຈຳໄດ້ດີຢ່າງໜຶ່ງ ແຕ່ທັງນີ້ທັງນັ້ນ ຊາວອາເມລິກັນ ອາດບໍ່ມັກຫຍັງທີ່ເບິ່ງເປັນພິທີລີຕອງຄືຊາວເອີຣົບ ພຽງແຕ່ບັນເລງເພງທີ່ປະທັບໃຈແບບເບົາ ໆ ແລະເຕັ້ນລຳກັນສອງຄົນພາຍໃນເຮືອນ ເທົ່ານີ້ກິ່ນອາຍແຫ່ງຄວາມຮັກອົບອວນຢູ່ທົ່ວເຮືອນແລ້ວ.
ອັນດັບທີ 6 ຊາວເລບານອນແຕກຕ່າງກັບປະເທດໃນໂລກ ໂດຍສິ້ນເຊີງ ພວກເຂົາມີຜິວສີໝາກກອກ ຜົມແລະຕາສີເຂັ້ມເບິ່ງລຶກລັບ ຈຶ່ງເຮັດໃຫ້ພວກເຂົາເບິ່ງມີສະເໜ່ ພວກເຂົາຮູ້ຈັກວິທີການດຶງດູດຄວາມສົນໃຈຊຶງກັນແລະກັນ ຜ່ານລັກສະນະພາຍນອກທີ່ສຸດແສນຈະນີ້ງຂຶມ ແຕ່ເຕັມໄປດ້ວຍຄວາມຈັບຕາຈັບໃຈ.
ອັນດັບທີ 5 ຊາວບລາຊິນ ຂຶ້ນຊື່ວ່າເປັນຜູ້ທີ່ບໍ່ເຂີນອາຍກ່ຽວກັບເລື່ອງຄວາມຮັກ ທີ່ບລາຊິນ ມີວັນຕ່າງ ໆ ທີ່ຄູ່ຮັກຫລວງຫລາຍເລືອກທີ່ຈະມາໃຊ້ໄລຍະເວລາແຫ່ງຄວາມປະທັບໃຈຮ່ວມກັນ ໃຊ້ຄວາມຮັກໃນສຽງດົນຕີ ແລະການເຕັ້ນ ສື່ສານກັບຄົນຮັກຈົນກໍ່ເປັນທຳນອງຮັກລະຫວ່າງຄູ່ໜຸ່ມສາວໂດຍສະເພາະ.
ອັນດັບທີ 4 ທ່ານຄົງໄດ້ຍິນຫລືບໍ່ວ່າ ພາສາທີ່ໃຊ້ເວົ້າກັບຄົນຮັກ ຄື ພາສາຝຣັ່ງ ດ້ວຍສຳນຽງອັນມ່ວນຕະຫຼອດ ການເວົ້າອັນອ່ອນນຸ້ມຄ່ອຍເວົ້າຄ່ອຍວ່າ ຈຶ່ງເຮັດໃຫ້ຄວາມປະທັບໃຈບັງເກີດຂື້ນພຽງໃນຄຳເວົ້າ ຕະຫລອດຈົນເມືອງຫລວງປາລີ ທີ່ມີມົນສະກົດໃຫ້ຄູ່ຮັກຫລາຍຄູ່ ໄດ້ມາຂໍເລີ່ມຕົ້ນການໃຊ້ຊີວິດຮ່ວມກັນ ນັ້ນກໍຄື ການຂໍແຕ່ງງານມາແລ້ວຫລາຍໆຕໍ່ຫລາຍຄູ່ ດ້ວຍສະພາບບັນຢາກາດທີ່ເອື້ອອຳນວຍຂະໜາດນີ້ຈຶ່ງບໍ່ແປກທີ່ຊາວຝຮັ່ງຈະໝັ່ນສະແດງຄວາມປະທັບໃຈຕໍ່ກັນເລື້ອຍໆ.
ອັນດັບທີ 3 ແທ້ຈິງແລ້ວ ຄຳວ່າ ໂລແມນຕິກຫຼືຄວາມປະທັບໃຈເປັນຄຳທີ່ໃຊ້ກ່າວເຖິງກຸງໂລມ ເມືອງຫລວງຂອງປະເທດອິຕາລີກໍວ່າໄດ້ ແລະ ອາດເປັນເພາະສະຖານທີ່ຕ່າງໆໃນອິຕາລີ ລ້ວນແລ້ວແຕ່ໃຫ້ອາລົມພາໃຫ້ປະທັບໃຈ ນີ້ກໍເປັນບັນຫາໜື່ງແລະເໝາະສຳລັບຄູ່ຮັກທີ່ຕ້ອງການບັນຢາກາດອັນໜ້າລື່ນເລີງຂອງຄວາມຮັກ ຈຶ່ງເຮັດໃຫ້ເບິ່ງໄປໃນມຸມໃດໆ ຄົນອິຕາລຽນກໍສະແດງຄວາມຫວານ ຄວາມປະທັບໃຈຕໍ່ກັນຢູ່ຕະຫຼອດ.
ອັນດັບທີ 2 ຊາວອາລເຈນຕິນາ ກໍແມ່ນປະເທດທີ່ຂຶ້ນຊື່ວ່າເປັນປະເທດສຸດໂລແມນຕິກ ຄືສະເປນແລະອິຕາລີປະສົມຜະສານກັນ ນອກຈາກນີ້ ອາລເຈນຕິນາຍັງເປັນປະເທດທີ່ຂຶ້ນຊື່ວ່າ ເປັນປະເທດທີ່ສະແດງອອກເຖິງຄວາມໂລແມນຕິກທີ່ເດັ່ນແຈ້ງທີ່ສຸດຂອງຊາວອາລເຈນຕີນາ ທີ່ຈະສະແດງອອກມາທາງ ການເຕັ້ນແທງໂກ້ທີ່ແສນຈະຍົວະເຍົ້າໃນອາລົມ.
ອັນດັບທີ 1 ຊາວສະເປນຂຶ້ນຊື່ວ່າເປັນນັກຮັກຕົວຢ່າງ ອາດເປັນເພາະອຸບນິໄສທີ່ປະສົມຜະສານກັນຢ່າງລົງໂຕລະຫວ່າງຝຣັ່ງແລະອິຕາລີ ພ້ອມທັງຮູບລັກສະນະທີ່ມີສະເໜ່ ຂອງຊາວ ໄອບີລຽນທີ່ມີສ່ວນປະສົມຂອງຊາວເອີຣົບຜິວຂາວບວກກັບຄວາມຄົມຄາຍຈາກແຂກອາຫລັບ ຈຶ່ງເຮັດໃຫ້ຊາວສະເປນມີຜົມສີນ້ຳຕານເຂັ້ມ ຫຍິກເປັນລອນ ໆ ບວກກັບໃບໜ້າອັນຄົມເຂັ້ມແຕ່ມີສາຍຕາທີ່ຫວານເຍີ້ມ ຕະຫລອດຮອດການເຂົ້າສັງຄົມ ແລະ ພາສາທີ່ຟັງມ່ວນ ຈື່ງກາຍເປັນອີກສິ່ງໜື່ງທີ່ເປັນສະເໜ່ສຸດແສນປະທັບໃຈຂອງຊາວສະເປນ.
