ລັກສະນະພູມສັນຖານແລະທີ່ຕັ້ງປະເທດເຢຍມັນ
ສາທາລະນະລັດເຢຍລະມັນ ຫລື ເອີ້ນສັ້ນ ໆວ່າເຢຍລະມັນ ຕັ້ງຢູ່ໃຈກາງທະວີບເອີຣົບລ້ອມຮອບດ້ວຍປະເທດເພື່ອນບ້ານເຖິງ 9 ປະເທດຄືເດນມາກ( ຢູ່ທາງເໜືອ) ເນເທີແລນ ເບນຢ້ຽມ ລັກເຊມເບິກແລະຝຣັ່ງ( ຢູ່ທາງຕະເວັນຕົກ ) ສະຫວິດເຊີແລນແລະອອດເຕຣຍ( ຢູ່ທາງໃຕ້ ) ສາທາລະນະລັດເຊກແລະໂປແລນ( ຢູ່ທາງຕະເວັນອອກ ) ນັບເປັນປະເທດເອີຣົບທີ່ມີຈຳນວນເພື່ອນບ້ານຫລາຍທີ່ສຸດ. ເຢຍລະມັນ ມີເນື້ອທີ່ປະມານ 357,000 ກິໂລຕາແມັດ ຊາຍແດນທາງຕອນເໜືອຂອງປະເທດຕິດກັບຝັ່ງທະເລເໜືອ (North Sea) ແລະທະເລບານຕິກ ທາງຕອນໃຕ້ ພູເຂົາແອນປ໌ໃນບາວາຮຽນ ປະເທດຂອງເຢຍລະມັນມີທິວທັດງົດງາມແຕກຕ່າງກັນໄປຫລາຍຮູບແບບ ທັງພູເຂົາສູງຕ່ຳສະຫລັບກັບທົ່ງຮາບສູງ.
ລັກສະນະອາກາດຂອງປະເທດເຢຍລະມັນເປັນແບບຄ່ອນຂ້າງໄປທາງໜາວເຢັນມີ 4 ລະດູຄື ລະດູຮ້ອນລະຫວ່າງເດືອນ (ມິຖຸນາ– ສິງຫາ) ອຸນຫະພູມສະເລ່ຍຢູ່ລະຫວ່າງ 18 – 20 ອົງສາແຕ່ອາດຈະສູງຂຶ້ນເຖິງ 30 ອົງສາ ຫລືສູງກວ່າ. ລະດູໃບໄມ້ລົ່ມ (ກັນຍາ– ພະຈິກ) ອາກາດຈະເຢັນລົງແລະມີຝົນ ໃບໄມ້ຈະປ່ຽນເປັນສີເຫລືອງນຳ ສີແດງນຳເບິ່ງສວຍ-ງາມ. ລະດູໜາວ ລະຫວ່າງເດືອນ (ທັນວາ– ກຸມພາ) ອຸນຫະພູມຈະຢູ່ລະຫວ່າງ 5 ອົງສາ ເຖິງ ລົບ 5 ອົງສາໂດຍຈະມີຫິມະຕົກນຳ. ລະດູໃບໄມ້ປົ່ງ ລະຫວ່າງ (ມີນາ– ພຶດສະພາ) ອາກາດຈະອຸ່ນຂຶ້ນ ດອກໄມ້ເລີ່ມບານແລະຕົ້ນໄມ້ຈະແຕກໃບອ່ອນ ນຳຄວາມຂຍວງາມກັບມາອີກເທື່ອ. ປະຊາກອນ ປະເທດເຢຍລະມັນມີປະຊາກອນປະມານ 82 ລ້ານຄົນ ຊຶ່ງຫລາຍເປັນອັນດັບສອງຮອງຈາກລັດເຊຍ ໃນຈຳນວນນີ້ 7.3 ລ້ານຄົນ ເປັນຊາວຕ່າງຊາດ ຊາວເຢຍລະມັນສືບເຊື້ອ ສາຍມາຈາກເຜົ່າພັນເຢຍລະມັນດັ້ງເດີມປະຈຸບັນເຮົາຈະບໍ່ເຫັນຄວາມແຕກຕ່າງນີ້ແລ້ວ ແຕ່ຍັງມີຄົນເຢຍລະມັນບາງກຸ່ມທີ່ຍັງຮັກສາກຂະນົບທຳນຽມແລະເວົ້າພາສາເຜົ່າດັ້ງເດີມຂອງຕົນໂດຍໃຊ້ເປັນພາສາຖິ່ນຕ່າງໆ. ເມືອງທີ່ໜ້າຮູ້ຈັກ ກຸງເບີລ໌ລິນ (Berlin) ເມືອງຫລວງຂອງປະເທດເປັນເມືອງໃຫຍ່ສຸດມີປະຊາກອນ 3.5 ລ້ານຄົນ ເປັນສູນກາງທາງການເມືອງແລະວັດທະນະທຳ ໂຮງລະຄອນ ໂຮງສະແດງຄອນເສິດວົງດົນຕີຂະໜາດໃຫຍ່ທີ່ເອີນວ່າ ວົງອໍເຄດຕ້າ ພິພິດພັນທ໌ ແລະເວທີສະແດງສິນປະແລະດົນຕີທີ່ມີຊື່ສຽງ ມີສະຖານສຶກສາລະດັບມະຫາວິທະຍາ ວິທະຍາໄລສິນລະປະແລະດົນຕີອີກ ນັບເປັນເມືອງທີ່ມີດຖາບັນອຸດົມສຶກສາຫລາຍທີ່ສຸດໃນເຢຍລະມັນ.
ຮຳບວກ (Hamburg) ເປັນເມືອງທ່າເຮືອສຳຄັນ ມີປະຊາກອນ 1.7 ລ້ານຄົນ 15 ເປີລ໌ເຊັນຕ໌ຂອງປະຊາກອນເປັນຊາວຕ່າງຊາດ ເມືອງນີ້ຈຶ່ງມີບັນຢາກາດຂອງຄວາມເປັນສາກົນ ນອກຈາກນີ້ຍັງເປັນເມືອງສູນກາງການສື່ສານມວນຊົນ ມີມະຫາວິທະຍາໄລແລະສະຖາບັນການສຶກສາລະດັບສູງອີກຫລາຍສະຖາບັນ. ມິວນິກ (München) ເມືອງ ມິວນິກເປັນເມືອງຫລວງຂອງລັດບາວາເລຍ ມີປະຊາກອນປະມານ 1.3 ລ້ານຄົນ ເປັນເມືອງທີ່ມີຫໍສິລະປະສວນສາທາລະນະ ແລະພິພິດພັນແລະສະຖາບັນວິໄຈອີກຫລາຍແຫ່ງ ມີມະຫາວິທະຍາໄລແລະສະຖາບັນການສຶກສາລະດັບສູງຫຼາຍແຫ່ງ. ແຟງເຟີທ (Frankfurt) ປະຕູ ສູ່ເອີຣົບ ເປັນສູນກາງທ່າອາກາດຍານທີ່ໃຫຍ່ທີ່ສຸດໃນເຢຍລະມັນມີປະຊາກອນ 650,000 ຄົນ ເປັນແຫລ່ງການເງີນນານາຊາດແລະຕະຫລາດຫລັກຊັບ ທະນາຄານກາງຂອງຍຸໂລບ ສຳນັກງານໃຫຍ່ຂອງທະນາຄານຫລາຍແຫ່ງຢູ່ທີ່ເມືອງນີ້ ລວມທັງເປັນທີ່ຕັ້ງຂອງຫໍມຸດແຫ່ງຊາດແລະງານສະແດງຫນັງສືນານາຊາດທີ່ໃຫຍ່ທີ່ສຸດໃນໂລກ. ໂຄໂລນຈ໌ ເມືອງນີ້ປະກອບດ້ວຍໂບດທີ່ສວຍງາມຢ່າງຫລວງຫລາຍ ມີປະຊາກອນປະມານ 1,000,000 ຄົນ ເປັນເມືອງເກົ່າກວ່າ 2,000 ປີ ແລະຍັງເປັນສູນກາງສິລະປະດົນຕີ ຮ່ວມສະໄໝ. ໄລປ໌ຊິກ (Leipzig) ມີປະຊາກອນປະມານ 470,000 ຄົນ ເຄີຍເປັນເມືອງສຳຄັນສຳລັບຈັດງານສະແດງສິນຄ້າມາຫລາຍຮ້ອຍປີແລ້ວ ມະຫາວິທະຍາໄລຂອງເມືອງນີ້ກໍ່ຕັ້ງຫລາຍກ່ວາ 600 ປີ ແລະເປັນມະຫາວິທະຍາໄລເກົ່າແກ່ທີ່ສຸດແຫ່ງໜຶ່ງ.
