Unesco ຮັບຮູ້ມໍລະດົກໂລກໃໝ່ອີກ 26 ແຫ່ງ
ຄະນະກໍາມະການມໍລະດົກໂລກຂອງອົງການສຶກສາວິທະຍາສາດ ແລະວັດຖະນະທໍາຂອງອົງການ ສປຊ ( Unesco ) ໄດ້ສີ້ນສຸດສະໄໝປະຊຸມທີ 12 ເມື່ອວັນທີ 2 ກໍລະກົດນີ້ ໂດຍທີ່ໄດ້ຮັບຮູ້ມລະດົກໃໝ່ຕື່ມອີກ 26 ແຫ່ງ.
ມໍລະດົກໃໝ່ທີ່ໄດ້ຮັບຮູ້ໃນປີ 2012 ປະກອບມີມໍລະດົກທາງດ້ານວັດທະນະທໍາ 20 ແຫ່ງ ມໍລະດົກທາງທໍາມະຊາດ 5 ແຫ່ງ ແລະ ມໍລະດົກທາງວັດທະນະທໍາ-ທໍາມະຊາດ 1 ແຫ່ງ. ບັນດາປະເທດ ແລະເຂດແຄ້ວນທີ່ເປັນເທື່ອທໍາອິດທີ່ມີມໍລະດົກໂລກ ໄດ້ຮັບການຮັບຮູ້ຈາກ Unesco ກໍມີ ຈາດ ກົງໂກ ປາເລົາ ແລະປາແລັດສະຕິນ.
ມໍລະດົກວັດທະນະທໍາທີ່ໄດ້ຮັບການຮັບຮູ້ຈາກ Unesco ໃນປີ 2012 ປະກອບດວ້ຍມໍລະດົກຈາກປະເທດ ແບນຊິກ, ບາເຣນ, ບຣາຊິນ, ການາດາ, ຈີນ, ຝຣັ່ງ, ເຢຍລະມັນ, ອິນໂດເນເຊຍ, ຕວກກີ, ອິດສະຫຼະແອນ, ມາເລເຊຍ, ຊູແອດ, ເຊເນການ, ມາຣົກ, ປອກຕຸຍການ, ແອັດສະປາຍ, ສະໂລວາເນຍ, ກົດດິວົວ, ປະແລັດສະຕິນ, ແລະອີລານ.
ມໍລະດົກທາງທໍາມະຊາດ 5 ແຫ່ງທີ່ໄດ້ຮັບການຮັບຮູ້ ແມ່ນເປັນມໍລະດົກຂອງລັດເຊຍ, ຈາດ, ອິນເດຍ, ຈີນ ແລະມໍລະດົກທາງທໍາມະຊາດຮ່ວມກັນຂອງກາເມີຣູນ, ສ. ອາຟຣິກກາກາກາງ ແລະກົງໂກ.
ພາຍຫຼັງທີ່ໄດ້ຮັບຮູ້ມໍລະດົກໃນທີ່ກໍາເນີດຂອງພະເຍຊູ ຊຶ່ງປະກອບດ້ວຍໂບດຄຣິດສມາດ ແລະເສັ້ນທາງສະແຫວງບຸນຢູ່ໃນເບດເລແຮມໄປແລ້ວ. Unesco ກໍ່ໄດ້ປະກາດເຕືອນໄພ ແລະນໍາເອົາມໍລະດົກແຫ່ງນີ້ເຂົ້າໃນບັນຊີມໍລະດົກໂລກທີ່ຢູ່ໃນສະພາບອັນຕະລາຍຮ່ວມກັບມໍລະດົກໂລກອີກຈໍານວນໜື່ງ ທີ່ຢູ່ປະເທດມາລີ, ອັງກິດ ແລະປານາມາ.
ສ່ວນມໍລະດົກໂລກຖານປືນໃຫຍ່ ແລະສວນບໍລິເວນອຸດທະຍານຢູ່ນະຄອນລາຮໍຂອງປາກິດສະຖານ ແລະມໍລະດົກນາຂັ້ນໃດໃນປະເທດຟິລິປິນ ແມ່ນຖືກຖອນອອກຈາກບັນຊີມໍລະດົກທີ່ອັນຕະລາຍ.
