ຊີ້ນປີ້ງສຸກຫຼາຍເປັນອັນຕະລາຍສອງເທົ່າ
ມະຫາວິທະຍາໄລ " ເທັກຊັດ " ໄດ້ວິໄຈພົບວ່າ: ການກິນຊີ້ນສຸກໂດຍສະເພາະຜູ້ທີ່ມັກກິນຊີ້ນສຸກຫຼາຍເກີນໄປຈະເພີ່ມຄວາມສ່ຽງເຮັດໃຫ້ເປັນມະເຮັງກະເພາະອາຫານຫຼາຍຂື້ນ. ເພາະການເຮັດໃຫຊີ້ນໄໝ້ຈົນເກີໄປຈະເຮັດໃຫ້ເກີດສານເຄມີທີ່ເປັນສາເຫດຂອງມະເຮັງໄດ້.
ຜົນການວິໄຈເທື່ອນີ້, ພົບວ່າຜູ້ທີ່ກິນຊີ້ນຜ່ານການປຸງແຕ່ງໃຫ້ສຸກຫຼາຍເກີນ ເປັນຄວາມຊິນເຄີຍດົນໄປຈະມີຄວາມສ່ຽງຕໍ່ການເປັນມະເຮັງກະເພາະອາຫານຫຼາຍກວ່າຜູ້ທີ່ກິນຊີ້ນສຸກແຕ່ທາງນອກໂດຍທີ່ທາງໃນຍັງແດງໆຢູ່, ຊື່ງອັດຕາຊ່ຽງແມ່ນສູງເຖິງ2 ເທົ່າ
ໂດຍສະເພາະຜູ້ທີ່ມັກກິນສະເຕັກ, ໝູເຄັມແລະຊີ້ນອົບຄວັນ ຊື່ງເຮັດໃຫ້ຊີ້ນງົວຫຼືຊີ້ນແບ້ມີສີດໍາຫຼືສຸກເກີດໄປແຮ່ງຈະມີຄວາມສ່ຽງຫຼາຍ
ທີ່ສຸດ, ຊີ້ນປາຈືນ ແລະຊີ້ນໄກ່ຈືນສຸກໆກອບໆກໍ່ສ່ຽງເປັນພະຍາດມະເຮັງຄືກັນ. ແຕ່ວ່າສໍານັກງານມາດຕະຖານອາກຫານຊໍ້າພັດເຕືອນ
ວ່າ: ການກິນອາຫານດິບທີ່ມີສີແດງນັ້ນ ກໍ່ສາມາດເຮັດໃຫ້ເປັນພະຍາດອາຫານເປັນພິດໄດ້. ທ່ານຄວນຫັນມາກິນອານທີ່ຜ່ານການປຸງແຕ່ງ
ທີ່ສຸກພໍດີກິນຈະດີກວ່າ.
ຄຸນປະໂຫຍດຂອງນໍ້ານົມແມ່
ທ່ານອາດເຄີຍໄດ້ຍິນຄຸນປະໂຫຍດຂອງນໍ້ານົມແມ່ຫຼາຍໆດ້ານມາແລ້ວແມ່ນບໍ່? ແຕ່ຫຼ້າສຸດນີ້ນັກວິໄຈພົບຕື່ມອີກວ່າ: ໃນນໍ້ານົມແມ່ມີສານຊະນິດໜື່ງຊື່ວ່າ: " ແຮມເລດ " ທີ່ມີສັບພະຄຸນຂ້າພະຍາດມະເຮັງໄດ້ ໂດຍການຂ້າ ແລະ ໄລ່ມັນອອກມາທາງນໍ້າຍ່ຽວເຊິ່ງບໍ່ເປັນອັນຕະລາຍຕໍ່ຈຸລັງປົກກະຕິໃດໆໃນຮ່າງກາຍ.
ນັກວິໄຈມະຫາວິທະຍາໄລ " ໄລລັນ " ແລະ " ໂກແຕນເປິກ " ປະເທດສະວີເດັນ ໄດ້ພົບສານຊະໜື່ງໃນນົມແມ່ວ່າ: ມີສັບພະຄຸນຊ່ວຍຂ້າມະເຮັງໄດ້ ຊື່ງສານນີ້ຖືກຄົນພົບຫຼາຍປີແລ້ວ, ແຕ່ຫາກໍ່ເອົາມາທົນລອງກັບຄົນເທື່ອທໍາອິດໃນປີນີ້.
ການທົດລອງນັກວິໄຈໄດ້ໃຊ້ສານນີ້ກັນຄົນທີ່ເປັນພະຍາດມະເຮັງພົກຍ່ຽວ ໂດຍບໍ່ເປັນອັນຕະລາຍໃດໆ ແລະ ບໍ່ມີຜົນຂ້າງຄຽງໃດໆຕໍ່ຈຸລັງດີຢູ່ບໍລິເວນໄກ້ຄຽງຄືກັບຢາປະເພດອື່ນໆ ສານສໍາຄັນໃນນໍ້ານົມແມ່ສາມາດຂ້າຈຸລັງມະເຮັງຊະນິດຕ່າງໆໄດ້ເຖິງ 40 ຊະນິດ. ໃນຂະນະນີ້ພວມມີການທົດລອງໃຊ້ປິ່ນປົວພະຍາດມະເຮັງຜີວໜັງ ແລະ ພະຍາດມະເຮັງກ່ຽວກັບສະໝອງ ຊື່ງຄາດວ່າອີກບໍ່ດົນກໍ່ຈະໄດ້ຮັບຜົນ.
ແມ່ຍິງທ່ານໃດເປັນແມ່ລູກອ່ອນ ກໍ່ຄວນຫັນມາລ້ຽງລູກດ້ວຍນໍ້ານົມແມ່ຈະດີກວ່າ ເພາະນອກຈາກຈະດີຕໍ່ລູກແລ້ວຍັງດີຕໍ່ແມ່ນໍາອີກ.
